"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-ekonomija u l-finanzi, 16 ta' Marzu 2021
Riżultati ewlenin
Tassazzjoni diġitali
Il-ministri kellhom skambju ta' fehmiet dwar is-sitwazzjoni attwali u t-triq 'il quddiem fir-rigward tal-isfidi tat-taxxa li jirriżultaw mid-diġitalizzazzjoni tal-ekonomija. Id-diskussjoni saret qabel il-laqgħa tal-Kunsill Ewropew f'Marzu, fejn il-mexxejja tal-UE huma mistennija wkoll jiddiskutu din il-kwistjoni.
Matul l-iskambju ta' fehmiet il-ministri ssottolinjaw it-tkomplija tal-appoġġ tagħhom għan-negozjati li għaddejjin fl-OECD, li għandhom l-għan li jiksbu soluzzjoni globali u bbażata fuq il-kunsens sa nofs l-2021. Ħadu nota tal-momentum, esprimew tama li jsir progress rapidu u enfasizzaw li huma lesti li jinvolvu ruħhom biex jintlaħaq ftehim globali. Il-ministri kkonfermaw ukoll li huma lesti li jeżaminaw soluzzjonijiet biex l-UE tindirizza l-isfidi tat-taxxa li jirriżultaw mid-diġitalizzazzjoni, jekk ma jsir ebda progress fil-format G20/OECD.
Il-Kummissjoni kkonfermat li qed taħdem fuq proposta leġiżlattiva għal "imposta diġitali", li ser tkun imfassla bħala sors ta' riżorsi proprji addizzjonali għall-UE. Enfasizzat li dan ikun strument separat li ma għandux ikun marbut mar-regoli tat-taxxa korporattiva li qed jiġu nnegozjati fil-G20/OECD.
Il-presidenza nnotat li l-konklużjonijiet tal-Kunsill tas-27 ta' Novembru 2020 dwar it-tassazzjoni diġitali għadhom validi għat-triq 'il quddiem f'dan il-qasam.
L-istati membri kollha jaqblu li huwa fl-interess tagħhom li jingħata lok għan-negozjati li għaddejjin fl-OECD dwar ir-riforma tar-regoli tat-tassazzjoni korporattiva. Il-kisba ta' kunsens globali, f'kuntest multilaterali, hija l-aħjar triq 'il quddiem. Ikkonfermajna wkoll li aħna lesti nsibu soluzzjoni Ewropea, jekk ma jkunx hemm progress fit-taħditiet fil-livell tal-OECD. Qed nistennew b'interess proposta tal-Kummissjoni għal imposta diġitali, li għandha tkun strument separat, mhux marbut mar-regoli tat-taxxa korporattiva li qed jiġu nnegozjati fl-OECD.
João Leão, Ministru għall-Finanzi tal-Portugall
Il-ministri evalwaw is-sitwazzjoni u l-prospetti ekonomiċi attwali. Segwew preżentazzjoni mill-Awtorità Bankarja Ewropea dwar is-sitwazzjoni ekonomika u finanzjarja fl-UE u preżentazzjoni mill-Bank Ċentrali Ewropew dwar l-aħħar tbassir tiegħu.
Il-Kummissjoni Ewropea ppreżentat il-komunikazzjoni tagħha "Sena mit-tifqigħa tal-COVID-19: Rispons tal-politika fiskali". Il-ministri kellhom skambju ta' fehmiet dwar it-twettiq tal-politika fiskali fil-kuntest attwali ta' inċertezza u prospetti ta' rkupru. Ħadu nota sew tal-argumenti ppreżentati mill-Kummissjoni fir-rigward tal-applikazzjoni tal-klawżola liberatorja ġenerali fil-Patt ta' Stabbiltà u Tkabbir. Qablu li l-appoġġ fiskali ma għandux jiġi rtirat kmieni wisq, iżda fl-istess ħin li l-istati membri ser ikollhom jadattaw il-politiki tagħhom fi żmien opportun biex jiżguraw is-sostenibbiltà fiskali fuq perjodu medju ta' żmien.
Il-Kummissjoni mistennija tipprovdi gwida aktar dettaljata għall-politiki fiskali fil-pakkett tagħha tar-rebbiegħa tas-Semestru Ewropew.
Il-ministri evalwaw ukoll l-implimentazzjoni tal-Faċilità għall-Irkupru u r-Reżiljenza u l-progress fir-ratifika tad-deċiżjoni dwar ir-riżorsi proprji.
Wara d-dħul fis-seħħ tar-regolament li jistabbilixxi l-Faċilità għall-Irkupru u r-Reżiljenza fi Frar, l-istati membri issa jistgħu jippreżentaw uffiċjalment il-pjanijiet tagħhom għall-irkupru u r-reżiljenza lill-Kummissjoni. Il-presidenza nnotat li bosta stati membri diġà jinsabu fi stadju avvanzat ta' tħejjija tal-pjanijiet tagħhom u fakkret li l-irkupru fl-Ewropa kollha ser jibbenefika mill-implimentazzjoni rapida tal-Faċilità. Il-Kummissjoni ssottolinjat l-oqsma fejn jenħtieġ aktar progress u enfasizzat il-ħtieġa għal allinjament sħiħ bejn l-abbozzi tal-pjanijiet nazzjonali u r-regolament li jistabbilixxi l-Faċilità għall-Irkupru u r-Reżiljenza.
Il-ministri ddiskutew ukoll il-prijoritajiet tal-pjanijiet għall-irkupru u r-reżiljenza wara l-iskambju ta' fehmiet tagħhom dwar il-pjanijiet f'Jannar u Frar.
L-istati membri ilhom jaħdmu qatigħ fuq il-pjanijiet għall-irkupru u r-reżiljenza tagħhom. Issa wasal iż-żmien li nżidu l-isforzi biex naslu għar-riżultati. Qed nistenna bil-ħerqa l-ewwel preżentazzjonijiet uffiċjali tal-pjanijiet nazzjonali fil-ġimgħat li ġejjin.
João Leão, Ministru għall-Finanzi tal-Portugall
Il-presidenza infurmat lill-ministri li, wara qbil li ntlaħaq fil-livell tekniku, huwa ppjanat li l-Kunsill jadotta konklużjonijiet dwar l-istrateġija dwar il-pagamenti bl-imnut, mingħajr diskussjoni, fil-laqgħa tal-Kunsill Agrikoltura u Sajd tat-22 u t-23 ta' Marzu.
L-istrateġija ġiet ippreżentata mill-Kummissjoni fl-24 ta' Settembru 2020 u tiddefinixxi qafas komprensiv għall-iżvilupp ulterjuri tas-suq tal-pagamenti bl-imnut fl-UE. Fl-abbozz ta' konklużjonijiet, il-Kunsill jipprovdi mandat politiku b'saħħtu lill-Kummissjoni biex tmexxi 'l quddiem inizjattivi f'dan il-qasam, inkluż biex tippromwovi l-użu ta' soluzzjonijiet ta' pagament istantanju fl-UE kollha u biex takkumpanja l-iżvilupp ta' euro diġitali. Jenfasizza wkoll il-bosta sfidi li għandhom jiġu kkunsidrati, bħall-inklużjoni finanzjarja, is-sigurtà u l-protezzjoni tal-konsumatur, il-protezzjoni tad-data u l-aspetti tal-ġlieda kontra l-ħasil tal-flus.
Il-presidenza u l-Kummissjoni għarrfu lill-ministri dwar l-eżitu tal-laqgħata' Frartal-ministri għall-finanzi u l-gvernaturi tal-banek ċentrali tal-G20. Il-presidenza għarrfet ukoll lill-ministri dwar it-tħejjijiet għal-laqgħat tar-rebbiegħa tal-ministri għall-finanzi u l-gvernaturi tal-banek ċentrali tal-G20 u tal-Fond Monetarju Internazzjonali li għandhom isiru fil-ġimgħa tal-5 ta' April.
Il-ministri ħadu nota tas-sitwazzjoni attwali tal-proposti leġiżlattivi u l-implimentazzjoni tad-direttivi fil-qasam tas-servizzi finanzjarji.
Il-ministri tal-UE jridu sistema ta' tassazzjoni ġusta għall-kumpaniji kollha
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-istati membri ilhom jaħdmu qatigħ fuq il-pjanijiet għall-irkupru u r-reżiljenza tagħhom. Issa wasal iż-żmien li nżidu l-isforzi biex naslu għar-riżultati. Qed nistenna bil-ħerqa l-ewwel preżentazzjonijiet uffiċjali tal-pjanijiet nazzjonali fil-ġimgħat li ġejjin.
