Kunsill Impjiegi, Politika Soċjali, Saħħa u Affarijiet tal-Konsumatur, 07/12/2015, 7 ta' Diċembru 2015

Riżultati ewlenin

Impjiegi u Politika Soċjali

Il-Kunsill kellu diskussjoni dettaljata dwar d-direttiva dwar in-nisa fuq il-bordijiet ta’ kumpaniji iżda ma rnexxielux jilħaq ftehim. Meta wieħed iqis id-differenzi persistenti ta’ fehmiet dwar il-proposta, jeħtieġ li jsir aktar xogħol dwar l-għażliet possibbli għat-triq ’il quddiem.

Il-Kunsill laħaq qbil politiku dwar rakkomandazzjoni dwar l-integrazzjoni fis-suq tax-xogħol ta' persuni li ilhom qiegħda fit-tul.

L-għan soċjali A” trippla m’għandux jibqa' formula mingħajr konsegwenzi ċari għaċ-ċittadini. L-ibbilanċjar mill-ġdid tal-governanza mhijiex biss neċessità, qed issir dejjem aktar urġenti. Għalhekk, huwa essenzjali li jkun hemm koordinazzjoni effettiva bejn l-EPSCO u l-ECOFIN. Is-Sur Nicolas Schmit, il-Ministru tal-Lussemburgu għax-Xogħol, l-Impjiegi u l-Ekonomija Soċjali u ta’ Solidarjetà

Huwa kellu wkoll skambju ta’ fehmiet dwar l-impenn strateġiku għall-ugwaljanza bejn is-sessi 2016-2019 u dwar is-Semestru Ewropew inkluż il-prijoritajiet deskritti fl-Istħarriġ Annwali dwar it-Tkabbir 2016. Rigward dan tal-aħħar, is-Sur Nicolas Schmit, il-Ministru tal-Lussemburgu għax-Xogħol, l-Impjiegi u l-Ekonomija Soċjali u ta’ Solidarjetà qal: L-għan soċjali “A” trippla m’għandux jibqa' formula mingħajr konsegwenzi ċari għaċ-ċittadini. L-ibbilanċjar mill-ġdid tal-governanza mhijiex biss neċessità, qed issir dejjem aktar urġenti. Għalhekk, huwa essenzjali li jkun hemm koordinazzjoni effettiva bejn l-EPSCO u l-ECOFIN.

Il-Kunsill ħa kont tal-progress fuq id-direttiva dwar it-trattament ugwali.

Il-Kunsill adotta konklużjonijiet dwar:

- l-ugwaljanza bejn in-nisa u l-irġiel fil-qasam tat-teħid ta' deċiżjonijiet;
- il-promozzjoni tal-ekonomija soċjali bħala mutur ewlieni tal-iżvilupp ekonomiku u soċjali fl-Ewropa;
- il-governanza soċjali għal Ewropa inklużiva.

Il-Presidenza informat lill-Kunsill dwar in-negozjati ta’ suċċess mal-Parlament Ewropew kemm dwar in-network tal-EURES kif ukoll dwar il-Pjattaforma kontra x-xogħol mhux iddikjarat. Dawn il-ftehimiet għandhom jippermettu l-adozzjoni taż-żewġ atti leġislattivi fil-futur qrib.

Fl-aħħar nett, il-Presidenza ġibdet l-attenzjoni għad-diversi konferenzi li saru fil-Lussemburgu u ssottolinjat b’mod partikolari l-konferenza “Ninvestu fin-Nies” fejn Nicolas Schmit enfasizza l-ħtieġa li jittieħed kont tal-impatt tad-diġitalizzazzjoni fuq it-trasformazzjoni tas-suq tax-xogħol, punt maqbul ukoll mill-Kummissjoni Ewropea.

Saħħa

Il-Kunsill adotta konklużjonijiet dwar għadd ta’ punti relatati mas-saħħa, inklużi:

• Strateġija tal-UE għat-tnaqqis tad-danni li ġejjin mill-konsum tal-alkoħol: il-Kunsill stieden lill-Kummissjoni biex tadotta strateġija komprensiva tal-UE ddedikata għat-tnaqqis tad-danni li ġejjin mill-konsum tal-akoħol sa tmiem l-2016. Din l-istrateġija għandha tindirizza l-konsegwenzi fuq is-saħħa u dawk ekonomiċi u soċjali tal-użu dannuż tal-alkoħol u tiffoka fuq inizjattivi b’dimensjoni transkonfinali.

Huwa d-dmir tagħna li naġixxu kontra l-użu dannuż tal-akoħol Lydia Mutsch, Ministru għas-Saħħa tal-Lussemburgu u President tal-Kunsill

Il-Kunsill appella lill-istati membri u lill-Kummissjoni biex jikkunsidraw il-possibbiltà li jiġi introdott tikkettar obbligatorju tal-ingredjenti u dikjarazzjoni dwar in-nutrizzjoni, b’mod partikolari tal-valur enerġetiku, tax-xorb alkoħoliku.

"Huwa d-dmir tagħna li naġixxu kontra l-użu dannuż tal-akoħol", qalet Lydia Mutsch, Ministru għas-Saħħa tal-Lussemburgu u President tal-Kunsill, filwaqt li żiedet: "Il-presidenza Lussemburgiża tappoġġa bis-sħiħ it-talba tal-ministri għas-saħħa, iżda wkoll tal-Parlament Ewropew, għal strateġija ġdida tal-UE dwar l-alkoħol".

• Appoġġ lil persuni li qed jgħixu bid-demenzja: il-Kunsill stieden lill-istati membri biex jindirizzaw id-demenzja bħala prijorità. Huwa appella għal trattament u assistenza xierqa lill-persuni li qed jgħixu bid-demenzja, il-familji tagħhom u dawk li jieħdu ħsiebhom, filwaqt li tiġi żgurata s-sostenibbiltà finanzjarja tas-sistemi tal-kura tas-saħħa. Huwa stieden lill-istati membri u lill-Kummissjoni biex imexxu ‘l quddiem id-diskussjonijiet fil-livell tal-UE dwar kwistjonijiet bħall-użu ta’ teknoloġiji ġodda u l-promozzjoni tal-għoti ta’ setgħa u d-drittijiet ta’ persuni li qed jgħixu bid-demenzja biex jiżguraw tixjiħ b’saħħtu b’dinjità.
  
  “Id-demenzja hija sfida soċjoekonomika reali li tpoġġi taħt prova serja mhux biss lill-pazjenti u l-familji tagħhom, iżda wkoll il-vijabbiltà tas-sistemi tas-saħħa tagħna. Din hija r-raġuni għaliex aħna indirizzajna d-demenzja bħala fenomenu soċjetali li jeħtieġ tweġibiet multisettorjali ", qalet Lydia Mutsch.