"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Impjiegi, Politika Soċjali, Saħħa u Affarijiet tal-Konsumatur
Vidjokonferenza informali tal-ministri responsabbli għall-akkomodazzjoni, 3 ta' Frar 2026
Riżultati ewlenin
Il-ministri tal-UE responsabbli għall-akkomodazzjoni ħadu sehem f'vidjokonferenza informali biex jaqsmu l-ħsibijiet inizjali tagħhom dwar il-Pjan Ewropew għal Akkomodazzjoni Affordabbli, li għandu l-għan li jappoġġa lill-istati membri biex jiżguraw li kulħadd fl-Ewropa jkollu aċċess għal akkomodazzjoni affordabbli, sostenibbli u ta' kwalità tajba.
Bħala l-Presidenza Ċiprijotta, ninsabu impenjati bis-sħiħ li nsaħħu d-djalogu dwar l-akkomodazzjoni affordabbli fuq livell Ewropew, f'konformità mal-prinċipju tas-sussidjarjetà u b'rispett sħiħ tal-kompetenzi nazzjonali. Il-laqgħa tal-lum tatna opportunità li naqsmu l-fehmiet inizjali li fuqhom qed nippjanaw li naqbdu ritmu tajjeb biex immexxu 'l quddiem approċċ Ewropew b'saħħtu, permezz tal-iskambju tal-għarfien u tal-aħjar prattiki, filwaqt li nqisu bidliet demografiċi u fatturi usa' li jsawru l-ħajja ta' kuljum taċ-ċittadini fl-Unjoni kollha tagħna.
Konstantinos Ioannou, Ministru għall-Intern tar-Repubblika ta' Ċipru
Wara preżentazzjoni tal-pjan tal-akkomodazzjoni mill-Kummissarju Dan Jørgensen, diversi ministri intervjenew biex jiddiskutu l-elementi ewlenin tal-pjan u jaqsmu eżempji ta' politiki diġà fis-seħħ fil-livell nazzjonali.
Il-maġġoranza l-kbira tal-ministri tal-UE għall-akkomodazzjoni laqgħu l-pjan tal-Kummissjoni, filwaqt li saħqu fuq il-ħtieġa li dan jirrispetta u jikkomplementa r-responsabbiltà tal-istati membri għall-politika tal-akkomodazzjoni. Għadd ta' kelliema enfasizzaw il-valur miżjud tal-inizjattivi fil-livell tal-UE fl-appoġġ tal-ħidma li qed issir fil-livell lokali, reġjonali u dak nazzjonali.
Fost suġġetti oħra mqajma kien hemm il-benefiċċji potenzjali ta' aċċess aħjar għal akkomodazzjoni affordabbli biex tingħata spinta lill-kompetittività tal-UE, id-diversità tas-sistemi u tal-kundizzjonijiet tal-akkomodazzjoni f'pajjiżi u reġjuni differenti, u l-ħtieġa li ssir enfasi partikolari fuq l-appoġġ għal gruppi vulnerabbli tal-popolazzjoni bħaż-żgħażagħ u l-familji bit-tfal.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
