Grupp tal-Euro, 19/02/2018, 19 ta' Frar 2018

Riżultati ewlenin

Il-laqgħa tal-Grupp tal-Euro saret f'żewġ formati - l-ewwel parti kienet laqgħa regolari tal-ministri taż-żona tal-euro, filwaqt li t-tieni parti kienet laqgħa tal-ministri tas-27 stat membru tal-UE.

Laqgħa tal-grupp tal-euro f'format regolari

Greċja: programm ta' aġġustament ekonomiku

Il-Grupp tal-Euro ġie infurmat dwar aktar progress li sar mill-Greċja fl-implimentazzjoni tal-azzjonijiet preliminari li fadal skont it-tielet rieżami tal-programm. Li dawn jiġu ssodisfati hi prekondizzjoni għall-iżborż tal-ħlas parzjali li jmiss ta’ assistenza finanzjarja disponibbli fil-qafas tal-programm mill-Mekkaniżmu Ewropew ta' Stabbiltà.

• Greċja: it-tielet programm ta’ aġġustament ekonomiku (informazzjoni ġenerali)

Irlanda: sorveljanza ta' wara l-programm

Il-Grupp tal-Euro ġie infurmat dwar is-sejbiet ewlenin tat-tmien missjoni ta’ sorveljanza ta’ wara l-programm fl-Irlanda, li saret bejn it-28 ta’ Novembru u l-1 ta’ Diċembru 2017.

• Rapport dwar is-Sorveljanza ta' wara l-Programm. l-Irlanda, Ħarifa tal-2017
• Dikjarazzjoni mill-Kummissjoni Ewropea u l-persunal tal-BĊE wara l-konklużjoni tat-tmien missjoni ta’ sorveljanza ta’ wara l-programm fl-Irlanda (stqarrija għall-istampa tal-BĊE)

Riforma tal-Mekkaniżmu Ewropew ta’ Stabilità (MES)

Il-ministri kellhom skambju ta' fehmiet dwar kif imexxu 'l quddiem id-dibattitu dwar ir-riforma tal-Mekkaniżmu Ewropew ta' Stabbiltà. Id-diskussjoni ser tagħti kontribut għat-tħejjija tad-deċiżjonijiet li l-mexxejja tal-UE jistgħu jieħdu fil-kuntest tad-diskussjoni aktar ġenerali dwar l-approfondiment tal-Unjoni Ekonomika u Monetarja.

Ħatra tal-Viċi President tal-Bank Ċentrali Ewropew

Il-Grupp tal-Euro ddiskuta l-ħatra tal-Viċi President tal-Bank Ċentrali Ewropew u ta l-appoġġ politiku tiegħu għall-kandidatura ta’ Luis de Guindos.

Il-Viċi President tal-BĊE ser jinħatar mill-Kunsill Ewropew fuq rakkomandazzjoni mill-Kunsill tal-UE.

• Il-Grupp tal-Euro jagħti appoġġ lil Luis de Guindos (stqarrija għall-istampa, 19 ta’ Frar 2018)
• Proċedura tal-ħatra tal-Bord Eżekuttiv tal-BĊE (infografika)

Laqgħa tal-Grupp tal-Euro f’format inklużiv

Unjoni bankarja: it-triq 'il quddiem

Il-ministri għall-finanzi tas-27 stat membru tal-UE ddiskutew il-progress li sar fl-implimentazzjoni tal-pjan direzzjonali ta’ Ġunju 2016 għat-tlestija tal-unjoni bankarja u qiesu l-iżvilupp ulterjuri tagħha.

• Konklużjonijiet tal-Kunsill dwar pjan direzzjonali għat-tlestija tal-Unjoni Bankarja (stqarrija għall-istampa, 17 ta’ Ġunju 2016)
• Unjoni bankarja (informazzjoni ġenerali)