Grupp tal-Euro, 16/05/2019, 16 ta' Mejju 2019

Riżultati ewlenin

Format regolari

Qagħda makroekonomika u sfidi ta' politika

Il-Grupp tal-Euro kellu skambju ta' fehmiet dwar il-qagħda ekonomika taż-żona tal-euro u ddiskuta l-isfidi ewlenin ta' politika fuq il-bażi tal-previżjoni tal-Kummissjoni Ewropea. Il-Kummissjoni ppubblikat il-previżjoni tagħha għar-rebbiegħa fis-7 ta' Mejju.

Diskussjonijiet regolari dwar il-qagħda ekonomika u l-isfidi ta' politika jirfdu l-isforzi tal-Grupp tal-Euro biex isaħħaħ it-tkabbir ekonomiku u l-ħolqien tal-impjiegi.

• Previżjoni ekonomika għar-rebbiegħa 2019 (Kummissjoni Ewropea)

Format inklużiv

Strument baġitarju għall-konverġenza u l-kompetittività

Wara l-mandat li rċieva mill-mexxejja tal-UE waqt is-Summit taż-Żona tal-Euro tal-14 ta' Diċembru, il-Grupp tal-Euro f'format inklużiv kompla jiddiskuti l-approfondiment tal-Unjoni Ekonomika u Monetarja (UEM).

Il-ministri ddiskutew aspetti ta' dħul u taw ħarsa ġenerali lejn l-elementi kollha tal-istrument baġitarju għall-konverġenza u l-kompetittività għall-istati membri taż-żona tal-euro u l-Mekkaniżmu tar-Rata tal-Kambju (ERM) II fuq bażi volontarja. Il-Grupp tal-Euro mistenni jħejji ftehim f'Ġunju.

• L-Approfondiment tal-Unjoni Ekonomika u Monetarja tal-Ewropa (informazzjoni ġenerali)
• Dikjarazzjoni tas-Summit tal-Euro (stqarrija għall-istampa, 14/12/2018)