"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
L-istituzzjonijiet infurmaw lill-Grupp tal-Euro bil-progress li sar mill-awtoritajiet Griegi fl-implimentazzjoni tal-impenji ta' riforma speċifikati fid-dikjarazzjoni tal-Grupp tal-Euro tat-22 ta' Ġunju 2018, inkluż l-anness tagħha, li kienu pendenti meta saret il-laqgħa preċedenti tal-Grupp tal-Euro.
Il-Grupp tal-Euro laqa' l-adozzjoni ta' baġit għall-2019 li huwa previst li jiżgura li tintlaħaq il-mira primarja ta' surplus ta' 3.5% tal-PDG, u t-tlestija ta' riformi strutturali importanti inkluż tranżazzjonijiet ta' privatizzazzjoni ewlenin.
Il-ministri laqgħu wkoll il-valutazzjoni mill-istituzzjonijiet Ewropej li l-Greċja ħadet l-azzjonijiet neċessarji biex tonora l-impenji ta' riforma speċifiċi kollha għal tmiem l-2018 u li jinsabu fis-seħħ il-kondizzjonijiet neċessarji biex jiġi konfermat ir-rilaxx tal-ewwel segment ta' miżuri ta' dejn kontinġenti għall-politika, soġġett għat-tlestija ta' proċeduri nazzjonali.
Il-Greċja onorat l-impenji ta' riforma tagħha. Soġġett għal proċeduri nazzjonali u deċiżjonijiet tal-bord tal-EFSF, il-Greċja ser
tirċievi għotja ta' €970 miljun.
Il-President tal-Grupp tal-Euro Mário Centeno
Il-President tal-Bord Superviżorju tal-Bank Ċentrali Ewropew Andrea Enria ppreżenta l-attivitajiet reċenti tal-Bord Superviżorju, li jkopru s-self improduttiv (NPL), it-tħejjija għall-Brexit, il-ġlieda kontra l-ħasil tal-flus (AML), u l-isfidi superviżorji għall-2019.
Il-President tal-Bord Uniku ta' Riżoluzzjoni, Elke König, tat informazzjoni dwar l-attivitajiet kontinwi tal-SRB.
Il-ministri ħadu kont tal-iżviluppi fl-inflazzjoni u r-rata tal-kambju matul l-aħħar xhur bil-ħsieb tal-laqgħat tar-rebbiegħa tal-FMI li ġejjin. Il-Grupp tal-Euro jiddiskuti l-iżviluppi tar-rata tal-kambju f'intervalli regolari, b'mod partikolari qabel laqgħat internazzjonali.
Abbozz aġġornat tal-pjan baġitarju – Lussemburgu
Il-Grupp tal-Euro ddiskuta l-abbozz aġġornat tal-pjan baġitarju tal-Lussemburgu għall-2019, abbażi tal-Opinjoni tal-Kummissjoni maħruġa fit-22 ta' Marzu 2019, u ħareġ dikjarazzjoni.
Skambju ta' fehmiet mal-President tal-Kumitat ECON tal-Parlament Ewropew
F'sessjoni ddedikata, il-Grupp tal-Euro kellu skambju ta' fehmiet dwar il-perspettiva ekonomika u l-isfidi taż-żona tal-euro mal-President tal-Kumitat ECON (Affarijiet Ekonomiċi u Monetarji) tal-Parlament Ewropew, Roberto Gualtieri.
L-għan huwa li jissaħħaħ l-iskambju ta' informazzjoni bejn il-PE u l-Grupp tal-Euro. Din hija inizjattiva li tikkumplimenta s-seduti ta' smigħ regolari tal-President tal-Grupp tal-Euro fil-Parlament Ewropew, u b'mod partikolari fil-Kumitat ECON, għal 'djalogu ekonomiku' dwar il-prijoritajiet ta' ħidma u ta' politika tal-Grupp tal-Euro.
Elementi tal-istrument baġitarju għall-konverġenza u l-kompetittività
Wara l-mandat li rċieva mingħand il-mexxejja tal-UE fis-Summit taż-Żona tal-Euro ta' Diċembru, il-Grupp tal-Euro f'format inklużiv kompla jiddiskuti l-approfondiment tal-Unjoni Ekonomika u Monetarja (UEM).
Il-ministri kellhom skambju ta' fehmiet dwar l-elementi tal-istrument baġitarju għall-konverġenza u l-kompetittività għaż-żona tal-euro, u l-istati membri tal-Mekkaniżmu tar-Rati tal-Kambju (ERM II) fuq bażi volontarja, b'enfasi fuq aspetti dwar il-governanza.
Il-Grupp tal-Euro għandu l-għan li jaqbel mal-elementi tal-istrument baġitarju taż-żona tal-euro u jirrapporta lill-mexxejja tal-UE f'Ġunju.
Il-governanza tal-istrument baġitarju taż-żona tal-euro hija kritika. Tittratta kif ser immexxu din l-għodda, hija kwistjoni politika li tinkludi wkoll dimensjoni teknika u legali.
Il-President tal-Grupp tal-Euro Mário Centeno
Pjan direzzjonali għall-bidu ta' diskussjonijiet politiċi dwar l-EDIS - Rapportar interim mill-Grupp ta' Ħidma ta' Livell Għoli
Il-President tal-Grupp ta' Ħidma ta' Livell Għoli dwar l-EDIS aġġorna lill-ministri dwar il-progress fid-diskussjonijiet dwar pjan direzzjonali għall-bidu ta' negozjati politiċi dwar skema Ewropea ta' assigurazzjoni tad-depożiti (EDIS) u dwar il-ħidma ulterjuri ppjanata sa Ġunju.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-Greċja onorat l-impenji ta' riforma tagħha. Soġġett għal proċeduri nazzjonali u deċiżjonijiet tal-bord tal-EFSF, il-Greċja ser tirċievi għotja ta' €970 miljun.