"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Il-Kummissjoni Ewropea għarrfet lill-Grupp tal-Euro dwar is-sejbiet ewlenin tat-tieni missjoni ta' sorveljanza msaħħa fil-Greċja.
Il-Kummissjoni adottat deċiżjoni fil-11 ta' Lulju biex tattiva l-qafas ta' sorveljanza msaħħa għall-Greċja, li daħal fis-seħħ wara li f'Awwissu 2018 intemm il-programm tal-MES.
Ir-rapporti ta' sorveljanza msaħħa trimestrali jippermettu monitoraġġ mill-qrib tas-sitwazzjoni ekonomika, fiskali u finanzjarja u tal-impenji ta' politika ta' wara l-programm, kif maqbul mill-Grupp tal-Euro ta' Ġunju 2018.
Il-Grupp tal-Euro llum iddiskuta l-progress tajjeb ħafna li l-Greċja għamlet fir-riformi. Jekk jintlaħqu l-impenji kollha, f'April ser nikkunsidraw li nkomplu bl-implimentazzjoni tal-miżuri maqbula ta' serħan mid-dejn.
Il-President tal-Grupp tal-Euro Mário Centeno
Diskussjoni tematika dwar it-tkabbir u l-impjiegi - swieq tad-djar
Il-Grupp tal-Euro ddiskuta s-swieq tad-djar fiż-żona tal-euro abbażi ta' nota teknika mill-Kummissjoni u preżentazzjoni bil-fomm mill-Professur Lars E.O. Svensson, Professur tal-Ekonomija fl-Stockholm School of Economics u eks-Viċi Gvernatur ta' Sveriges Riksbank.
L-iżviluppi fis-swieq tad-djar huma ta' rilevanza prinċipali għall-istabbiltà makroekonomika, u għaldaqstant għar-reżiljenza ekonomika tal-Unjoni Ekonomika u Monetarja (UEM).
Wara l-mandat li rċevew il-mexxejja tal-UE fis-Summit taż-Żona tal-Euro tal-14 ta' Diċembru, il-Grupp tal-Euro f'format inklużiv kompla jiddiskuti l-approfondiment tal-Unjoni Ekonomika u Monetarja.
Il-ministri kellhom skambju ta' fehmiet dwar il-karatteristiċi tal-istrument baġitarju għall-konverġenza u l-kompetittività għaż-żona tal-euro u l-istati membri tal-Mekkaniżmu Ewropew tar-Rati tal-Kambju (ERM II) fuq bażi volontarja, b'enfasi fuq aspetti relatati man-nefqa.
Hemm qbil mifrux li din l-għodda għandha tappoġġa kemm ir-riformi strutturali kif ukoll l-investiment pubbliku. Dan, f'konformità mal-prijoritajiet u l-isfidi identifikati fis-Semestru Ewropew.
Il-President tal-Grupp tal-Euro Mário Centeno
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-Grupp tal-Euro llum iddiskuta l-progress tajjeb ħafna li l-Greċja għamlet fir-riformi. Jekk jintlaħqu l-impenji kollha, f'April ser nikkunsidraw li nkomplu bl-implimentazzjoni tal-miżuri maqbula ta' serħan mid-dejn.
