"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
L-intenzjoni tal-Kroazja li tissieħeb mal-Mekkaniżmu tar-Rata tal-Kambju tal-UE (ERM II)
Fil-marġini tal-laqgħa tal-Grupp tal-Euro, rappreżentanti tal-istati membri taż-żona tal-euro, il-Bank Ċentrali Ewropew (BĊE) u d-Danimarka ltaqgħu fil-preżenza tal-Kummissjoni Ewropea u tal-Kroazja biex jiddiskutu l-prospetti tal-parteċipazzjoni tal-Kroazja fl-ERM II. Huma adottaw dikjarazzjoni.
"L-intenzjoni tal-Kroazja li tissieħeb mal-ERM II turi li ż-żona tal-euro hija ankra solida ta' stabbiltà u tkabbir fl-Ewropa li tkompli tattira membri ġodda. Jiena konvint li ż-żona tal-euro ser tkompli tikber fis-snin li ġejjin."
Il-President tal-Grupp tal-Euro Mário Centeno
Il-Grupp tal-Euro ddiskuta t-tielet rapport dwar is-sorveljanza msaħħa rigward il-Greċja. Ir-rapport mhuwiex marbut ma' deċiżjoni dwar il-miżuri ta' dejn kontinġenti fuq il-politika.
Il-qafas ta' sorveljanza msaħħa għall-Greċja ġie attivat f'Lulju 2018 u daħal fis-seħħ wara li ntemm il-programm tal-Greċja ffinanzjat mill-MES, f'Awwissu 2018. Ir-rapporti dwar is-sorveljanza msaħħa jinħarġu kull tliet xhur.
Il-ministri ddiskutew is-sitwazzjoni baġitarja fiż-żona tal-euro kollha kemm hi, waqt li ffokaw fuq il-prospetti għall-2020. Il-President tal-Bord Fiskali Ewropew (EFB), Niels Thygesen, ippreżenta r-rapport tal-EFB li ġie ppubblikat dan l-aħħar. L-EFB jagħti pariri lill-Kummissjoni dwar il-pożizzjoni fiskali prospettiva taż-żona tal-euro.
Barra minn hekk, il-Kummissjoni ppreżentat ukoll il-valutazzjoni tagħha tas-sitwazzjoni baġitarja abbażi tal-analiżi tagħha tal-Programmi ta' Stabbiltà tal-2019 u t-Tbassir ekonomiku tar-rebbiegħa tagħha. Id-diskussjoni tikkontribwixxi għat-tħejjija tal-abbozzi tal-pjanijiet baġitarji u r-rakkomandazzjonijiet għaż-żona tal-euro għall-2020.
Il-Grupp tal-Euro huwa meħtieġ mil-liġi tal-UE li jiddiskuti s-sitwazzjoni u l-prospetti baġitarji fiż-żona tal-euro kollha kemm hi, fil-qafas tal-valutazzjoni tal-abbozz ta' pjanijiet baġitarji tal-istati membri taż-żona tal-euro. Għaldaqstant ikollu diskussjonijiet regolari dwar il-pożizzjoni fiskali taż-żona tal-euro.
Il-Grupp tal-Euro ta ħarsa wkoll lejn is-sejbiet ewlenin tal-11-il missjoni ta' sorveljanza ta' wara l-programm fi Spanja li saret bejn is-7 u t-8 ta' Mejju.
Is-sorveljanza ta' wara l-programm (PPS) tibda b'mod awtomatiku wara t-tmiem tal-programmi ta' assistenza finanzjarja u tkompli sakemm il-pajjiż ikun ħallas lura mill-inqas 75 % tal-assistenza finanzjarja riċevuta. Il-missjonijiet tal-PPS isiru darbtejn fis-sena.
Il-ministri qiesu r-riżultat tal-konsultazzjonijiet settorjali tal-Kummissjoni Ewropea u l-aħħar analiżi ekonomika mill-BĊE fir-rigward tar-rwol internazzjonali tal-euro.
Approfondiment tal-Unjoni Ekonomika u Monetarja tal-Ewropa
Il-ministri ddiskutew is-segwitu għas-Summit tal-Euro ta' Ġunju 2019, inkluż ir-riforma tal-MES, l-unjoni bankarja u l-istrument baġitarju għall-konverġenza u l-kompetittività.
Il-mexxejja stiednu lill-Grupp tal-Euro f'format inklużiv biex ikompli bil-ħidma fuq l-elementi kollha tal-pakkett komprensiv dwar it-tisħiħ tal-UEM, kif stabbilit fl-ittra tal-President tal-Grupp tal-Euro tal-15 ta' Ġunju 2019. Il-ministri ddiskutew ukoll l-organizzazzjoni tal-ħidma fis-semestru li jmiss.
"Ser nistinkaw biex inwettqu soluzzjonijiet koerenti u sinifikanti fix-xhur li ġejjin. Għal dak il-għan, neħtieġu spirtu ta' kompromess min-naħat kollha. Il-laqgħa tal-Grupp tal-Euro ta' Ġunju li baqgħet għaddejja lejl sħiħ għadha fil-memorja tagħna u hemm ħafna xogħol xi jsir. Jien ser inkompli nittrattah bi spirtu kostruttiv."
Il-President tal-Grupp tal-Euro Mário Centeno
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
"L-intenzjoni tal-Kroazja li tissieħeb mal-ERM II turi li ż-żona tal-euro hija ankra solida ta' stabbiltà u tkabbir fl-Ewropa li tkompli tattira membri ġodda. Jiena konvint li ż-żona tal-euro ser tkompli tikber fis-snin li ġejjin."