"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza tal-Grupp tal-Euro, 16 ta' Diċembru 2020
Riżultati ewlenin
Sitwazzjoni makroekonomika
Il-Grupp tal-Euro kellu skambju ta' fehmiet dwar is-sitwazzjoni ekonomika fiż-żona tal-euro.
Aħna vvalutajna fejn ninsabu issa abbażi tal-aħħar projezzjonijiet tal-Bank Ċentrali Ewropew. It-tieni mewġa (tal-COVID-19) qed ikollha impatt sinifikanti fuq l-ekonomija Ewropea issa hekk kif qed noqorbu lejn tmiem l-2020, iżda ma nistennewx li l-bidla tkun komparabbli mat-taqlib li esperjenzajna matul l-ewwel mewġa. Barra minn hekk, il-prospetti tagħna qed isiru aktar ċari bis-saħħa tal-iżviluppi mil-lat tal-vaċċin.
Paschal Donohoe, President tal-Grupp tal-Euro
Abbozzi tal-pjanijiet baġitarji u s-sitwazzjoni u l-prospetti baġitarji taż-żona tal-euro
Il-Grupp tal-Euro ddiskuta s-sitwazzjoni baġitarja ġenerali u l-prospetti fiż-żona tal-euro, u eżamina s-sitwazzjoni ekonomika u fiskali fl-istati membri taż-żona tal-euro.
Din is-sena, l-enfasi hija b'mod determinat fuq il-koordinazzjoni tal-politiki tagħna biex nipproteġu liċ-ċittadini mill-akbar ammont ta' ħsara ekonomika possibbli.
Illum ħriġna dikjarazzjoni fejn impenjajna mill-ġdid il-grupp tagħna għal miżuri ta' politika f'waqthom, temporanji u mmirati. Erġajna kkonfermajna li ż-żona tal-euro ser tmexxi politika baġitarja ta' appoġġ matul l-2021 biex tħares u tappoġġa liċ-ċittadini tagħna matul dan il-perjodu diffiċli ħafna.
Paschal Donohoe, President tal-Grupp tal-Euro
Id-diskussjoni kienet ibbażata fuq l-opinjonijiet tal-Kummissjoni dwar l-abbozzi tal-pjanijiet baġitarji (DBPs) tad-19-il stat membru taż-żona tal-euro kif ukoll fuq il-komunikazzjoni tal-Kummissjoni dwar il-valutazzjoni ġenerali tagħha tad-DBPs, ippubblikata fit-18 ta' Novembru 2020.
L-eżitu ta' din id-diskussjoni huwa rifless f'dikjarazzjoni tal-Grupp tal-Euro.
Il-Grupp tal-Euro ddiskuta l-abbozz ta' rakkomandazzjoni għall-2021 indirizzata liż-żona tal-euro fil-kuntest tas-Semestru Ewropew u qabel dwar il-prijoritajiet ta' politika għall-2021.
Hemm ammont enormi quddiemna fl-2020. Iżda b'dan il-pjan u bl-għan komuni tal-Grupp tal-Euro, nemmen li nistgħu nistennew bil-ħerqa l-2021 b'sens akbar ta' fiduċja li nistgħu negħlbu l-isfidi li ffaċċjajna fl-2020.
Paschal Donohoe, President tal-Grupp tal-Euro
Ir-rakkomandazzjoni ser tiġi approvata mill-Kunsill Affarijiet Ekonomiċi u Finanzjarji fl-2021 u, wara l-approvazzjoni tagħha mill-Kunsill Ewropew, tiġi adottata formalment mill-Kunsill.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Aħna vvalutajna fejn ninsabu issa abbażi tal-aħħar projezzjonijiet tal-Bank Ċentrali Ewropew. It-tieni mewġa (tal-COVID-19) qed ikollha impatt sinifikanti fuq l-ekonomija Ewropea issa hekk kif qed noqorbu lejn tmiem l-2020, iżda ma nistennewx li l-bidla tkun komparabbli mat-taqlib li esperjenzajna matul l-ewwel mewġa. Barra minn hekk, il-prospetti tagħna qed isiru aktar ċari bis-saħħa tal-iżviluppi mil-lat tal-vaċċin.
