Kunsill Ewropew, 19-20/03/2015, 19 u 20 ta' Marzu 2015

Il-laqgħa tal-Kunsill Ewropew bdiet b'minuta ta' silenzju għall-vittmi tal-attakk terroristiku kontra t-Tuneżija fit-18 ta' Marzu 2015. 

• Dikjarazzjoni tal-Kunsill Ewropew dwar it-Tuneżija

Waqt il-laqgħa, il-mexxejja tal-UE qablu li jistabbilixxu Unjoni tal-Enerġija. Huma ddiskutew ukoll suġġetti ekonomiċi u relazzjonijiet esterni, is-sitwazzjoni fil-Libja, ir-relazzjonijiet mar-Russja u l-Ukrajna, u l-objettivi tas-summit tas-Sħubija tal-Lvant li jmiss f'Riga.

• Konklużjonijiet tal-Kunsill Ewropew, 19 u 20 ta' Marzu 2015
• Kummenti mill-President Donald Tusk wara l-laqgħa tal-Kunsill Ewropew, 20 ta’ Marzu 2015
• Il-President Tusk wara l-ewwel sessjoni tal-laqgħa tal-Kunsill Ewropew
• Ritratti u filmati tal-Kunsill Ewropew, 19 u 20 ta' Marzu 2015

Unjoni tal-Enerġija

Il-Kunsill Ewropew qabel li jistabbilixxi l-ewwel passi ta’ Unjoni tal-Enerġija. Il-mexxejja tal-UE huma impenjati li jibnu enerġija bi prezz li jista’ jintlaħaq, sigura u sostenibbli fl-UE.

Fil-laqgħa tagħhom, id-diskussjoni tagħhom iffukat fuq is-sigurtà tal-enerġija u t-trasparenza f’kuntratti tal-gass. Il-kuntratti kollha tal-gass għandhom ikunu konformi mal-liġi tal-UE, aktar trasparenti u m’għandux ikollhom impatt negattiv fuq is-sigurtà tal-enerġija tal-Ewropa.  

Il-mexxejja tal-UE qablu wkoll li:

• jiżviluppaw strateġiji innovattivi għal ġenerazzjoni ġdida ta’ enerġiji rinnovabbli u żieda fl-effiċjenza enerġetika
• isaħħu d-diplomazija tal-UE fil-qasam tal-klima għal summit dwar il-klima ta’ suċċess f'Pariġi f’Diċembru 2015 

• European Council conclusions on Energy Union, 19 March 2015
• Energy union: secure, sustainable, competitive and affordable energy for Europe

Relazzjonijiet esterni

Sħab tal-Lvant

Il-mexxejja tal-UE qablu mal-objettivi tas-Summit tas-Sħubija tal-Lvant, li ser isir f’Riga fil-21 u t-22 ta' Mejju 2015. Il-Kunsill Ewropew tenna l-impenn tiegħu lejn is-sħab tal-Lvant u stabbilixxa t-tisħiħ tal-istituzzjonijiet demokratiċi lejn il-Lvant bħala prijorità. 

Relazzjonijiet mar-Russja u l-Ukrajna

Il-mexxejja ddeċidew li jallinjaw ir-reġim tas-sanzjonijiet eżistenti mal-implimentazzjoni tal-ftehimiet ta’ Minsk. Is-sanzjonijiet ekonomiċi se jibqgħu infurzati sa tmiem l-2015 meta l-aħħar punt tal-pjan ta’ paċi għandu jiġi implimentat: l-Ukrajna terġa' tikseb il-kontroll fuq il-fruntieri tagħha fil-Lvant. 

Il-mexxejja tal-UE saħqu wkoll dwar il-ħtieġa li tiġi sfidata l-kampanja attwali ta' diżinformazzjoni pubblika tar-Russja dwar il-konflitt fl-Ukrajna. Ir-Rappreżentant Għoli tal-UE, Federica Mogherini, se tħejji pjan ta’ azzjoni dwar komunikazzjoni strateġika għall-Kunsill Ewropew ta’ Ġunju.

• European Council conclusions on Ukraine and relations with Russia, 19 March 2015
• Overview of EU restrictive measures in response to the crisis in Ukraine

Libja

L-UE tibqa' impenjata lejn it-transizzjoni tal-Libja u l-ħidma tar-Rappreżentant Speċjali tan-NU, Bernardino Leon. Il-mexxejja tal-UE appellaw għal waqfien mill-ġlied immedjat u bla kondizzjonijiet, u qbil rapidu dwar Gvern ta' Unità Nazzjonali.

Il-mexxejja tal-UE rrikonoxxew il-ħtieġa li l-migrazzjoni tiġi amministrata tajjeb u li jiġu implimentati l-azzjonijiet, li ntlaħaq qbil dwarhom mill-Kunsill f'Ottubru tal-2014 biex il-flussi migratorji jkunu mmexxija aħjar, u jissaħħu Triton u l-Operazzjoni tal-Frontex fiċ-ċentru tal-Mediterran. Huwa meħtieġ sforz aktar ikkoordinat biex jiżdied l-appoġġ tal-UE għall-pajjiżi ta' oriġini u ta' transitu. 

Suġġetti ekonomiċi 

Semestru Ewropew 2015

Il-Kunsill Ewropew ddiskuta s-sitwazzjoni ekonomika fl-Ewropa u l-implimentazzjoni ta' riformi strutturali mill-Istati Membri. 

Il-mexxejja approvaw it-tliet prijoritajiet tal-istħarriġ annwali dwar it-tkabbir tal-2015:

• l-investiment
• ir-riformi strutturali 
• ir-responsabbiltà fiskali

Huma stiednu lill-istati membri biex jirriflettu dawn il-prijoritajiet fil-programmi ta' riforma nazzjonali tagħhom u l-programmi ta' stabbiltà jew konverġenza tagħhom, li huma mistennija f'Mejju tal-2015.

• How does the European semester work?
• European Semester in 2015

Pjan ta' investiment għall-Ewropa

Il-mexxejja tal-UE laqgħu l-adozzjoni tal-pożizzjoni ta' negozjar tal-Kunsill dwar il-proposta dwar il-Fond Ewropew għal investimenti strateġiċi (FEIS). 

Il-Kunsill Ewropew jistenna li n-negozjati mal-Parlament Ewropew jintemmu f’Ġunju tal-2015 biex jippermettu li l-Fond jibda jaħdem minn nofs l-2015.

Il-mexxejja ddiskutew ukoll is-sitwazzjoni attwali fin-negozjati mal-Istati Uniti dwar il-ftehim tas-Sħubija Trans-Atlantika ta' Kummerċ u ta' Investiment (TTIP). Huma tennew l-impenn tagħhom li jikkonkludu n-negozjati sal-aħħar tas-sena u li jżidu l-isforzi biex jiġu kkomunikati l-benefiċċji tal-ftehim.

• Investment plan for Europe (background information)

Ittra ta’ stedina u nota ta’ spjegazzjoni

• Invitation letter by President Tusk to the European Council meeting on 19-20 March 2015
• Background note

Summit soċjali tripartitiku 

Fid-19 ta’ Marzu, qabel il-laqgħa tal-Kunsill Ewropew, Donald Tusk issieħeb ma' Jean-Claude Juncker u Laimdota Straujuma, Prim Ministru tal-Latvja biex jippresjedu s-summit, forum ta' djalogu bejn l-istituzzjonijiet tal-UE u s-sħab soċjali Ewropej.

It-tema tas-summit soċjali tar-rebbiegħa kien 'Ninvestu fit-tkabbir u noħolqu x-xogħol: insaħħu l-kontribut tas-sħab soċjali.'

• Kummenti mill-President Tusk waqt il-konferenza stampa tas-summit soċjali tripartitiku, 19 ta’ Marzu 2015
• Summit Soċjali Tripartitiku, 19 ta' Marzu 2015