"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-isport, 2 ta' Ġunju 2020
Riżultati ewlenin
Sport
Il-ministri kellhom skambju ta' fehmiet dwar il-passi li jmiss fl-indirizzar tal-impatt tal-pandemija tal-COVID-19 fuq is-settur tal-isport fuq perjodu ta' żmien qasir, medju u twil. L-għan tad-diskussjoni kien li jikkontribwixxi għall-irkupru tas-settur u li tinbena reżiljenza fid-dawl ta' żviluppi futuri imprevedibbli.
Id-dibattitu kien strutturat madwar is-suġġetti li ġejjin:
il-miżuri meħuda jew ippjanati biex l-attivitajiet sportivi jerġgħu jibdew b'mod sostenibbli
l-isfidi ewlenin li nqalgħu
it-tisħiħ tal-kooperazzjoni bejn l-istati membri, l-UE u l-moviment sportiv
it-tip ta' appoġġ attwalment disponibbli għas-settur tal-isport fil-livell tal-UE u dak nazzjonali
Għandha ssir enfasi speċjali fuq ir-ritorn sikur ta' atleti u ċittadini f'attivitajiet sportivi u dwar it-tnedija ta' avvenimenti sportivi mingħajr ma tiġi pperikolata s-saħħa pubblika. Huwa meħtieġ ukoll li jitkompla t-tisħiħ tad-djalogu mal-moviment sportiv fil-livelli kollha – minn dak lokali għal dak internazzjonali – sabiex jiġu indirizzati b'mod konġunt aġġustamenti fit-tul għall-bidliet li nġiebu minn din il-kriżi.
Tomislav Družak, Segretarju tal-Istat
Il-ministri qablu li l-attivitajiet sportivi kollha għandhom jerġgħu jibdew f'kundizzjonijiet sikuri u saħqu dwar l-importanza ekonomika u soċjali tas-settur tal-isport. Huma skambjaw l-aħjar prattiki u enfasizzaw diversi punti, b'mod partikolari:
l-użu ta' fondi u programmi tal-UE biex jiġi appoġġat is-settur tal-isport, b'mod partikolari l-Erasmus+, l-Inizjattiva ta' investiment fir-rispons għall-coronavirus u l-ġimgħa Ewropea tal-isport
l-għarfien tar-rwol tal-isport u l-importanza tiegħu għall-iżvilupp soċjali u ekonomiku fil-miżuri u l-istrumenti futuri tal-UE
il-koordinament tal-proċeduri mal-organizzazzjonijiet sportivi Ewropej bil-għan li l-attivitajiet sportivi jitkomplew b'mod sikur
l-iżgurar ta' djalogu kontinwu mal-moviment sportiv
il-ħruġ ta' linji gwida għat-twettiq ta' attivitajiet sportivi f'kundizzjonijiet sikuri fil-livelli kollha
l-għoti ta' appoġġ addizzjonali għall-preservazzjoni tal-impjiegi, għall-kumpens għat-telf mill-paga u għall-implimentazzjoni ta' skemi ta' benefiċċji tal-qgħad
Il-presidenza Kroata rringrazzjat lill-istati membri għall-kooperazzjoni u l-kontribut tagħhom għall-finalizzazzjoni tal-konklużjonijiet tal-Kunsill dwar it-tisħiħ tal-pożizzjoni tal-kowċis biż-żieda ta' opportunitajiet għall-kisba ta' ħiliet u kompetenzi. Dawn il-konklużjonijiet ser jiġu adottati permezz ta' proċedura bil-miktub.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Għandha ssir enfasi speċjali fuq ir-ritorn sikur ta' atleti u ċittadini f'attivitajiet sportivi u dwar it-tnedija ta' avvenimenti sportivi mingħajr ma tiġi pperikolata s-saħħa pubblika. Huwa meħtieġ ukoll li jitkompla t-tisħiħ tad-djalogu mal-moviment sportiv fil-livelli kollha – minn dak lokali għal dak internazzjonali – sabiex jiġu indirizzati b'mod konġunt aġġustamenti fit-tul għall-bidliet li nġiebu minn din il-kriżi.
