"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-edukazzjoni, 23 ta' Ġunju 2020
Riżultati ewlenin
Edukazzjoni
Abbażi ta' nota ta' informazzjoni mill-presidenza, il-ministri responsabbli għall-edukazzjoni skambjaw fehmiet dwar it-tagħlimiet miksuba mill-kriżi bħala bażi għal deċiżjonijiet futuri infurmati. Ġew mistiedna wkoll biex jiddiskutu innovazzjonijiet possibbli fl-edukazzjoni u t-taħriġ, kif ukoll il-pjanijiet dwar it-tħejjijiet għas-sena skolastika u akkademika li jmiss.
Kriżi tista' tkun ukoll opportunità ta' tagħlim. It-tagħlimiet miksuba matul ix-xhur li għaddew għandhom jispirawna biex nibdlu l-isfidi f'opportunitajiet. L-attivitajiet ta' tagħlim online jistgħu biss jiżdiedu u rridu nesploraw kif nużaw l-innovazzjoni u t-teknoloġija biex niksbu edukazzjoni ta' kwalità u inklużiva. L-isforzi tagħna għandhom ikunu ffukati fuq aktar trasformazzjoni diġitali, u fl-istess ħin jiġu żgurati opportunitajiet indaqs u benesseri.
Blaženka Divjak, Ministru għax-Xjenza u l-Edukazzjoni tal-Kroazja
Il-ninistri enfasizzaw l-attitudnijiet pożittivi tat-tfal tal-iskola, l-istudenti u l-għalliema lejn it-tagħlim mill-bogħod, iżda qablu wkoll b'mod ġenerali li l-edukazzjoni u t-taħriġ online ser jeħtieġu ħiliet diġitali aħjar, tagħmir teknoloġiku aġġornat u applikazzjoni usa' ta' teknoloġiji diġitali fit-tagħlim u l-apprendiment.
Il-ministri identifikaw xi sfidi, bħall-inklużjoni soċjali tat-tfal tal-iskola u l-istudenti kollha, b'mod partikolari dawk li ġejjin minn ambjent żvantaġġat, id-disponibbiltà ta' tagħmir diġitali u l-aċċess għall-internet, kif ukoll iċ-ċibersigurtà. Bħala sfida importanti, il-ministri semmew ukoll l-għoti ta; ħiliet diġitali adegwati lill-għalliema, it-tfal tal-iskola u l-istudenti.
L-Istati Membri qed jaħdmu fuq il-pjanijiet għas-sena skolastika/akkademika li jmiss. Madankollu, ħafna ministri kkondividew il-fehma li d-deċiżjonijiet finali ser jiddependu fuq is-sitwazzjoni epidemjoloġika.
Id-diskussjoni żvelat li, f'dan il-punt, ma kien hemm l-ebda indikazzjoni li l-ftuħ mill-ġdid ta' istituzzjonijiet ta' edukazzjoni u taħriġ kien żied in-numru ta' każijiet ikkonfermati ta' COVID-19 madwar l-istati membri tal-UE.
Fl-aħħarnett, ħafna ministri enfasizzaw li t-tagħlim mill-bogħod qatt ma jista' jieħu post l-esperjenza ta' tagħlim u apprendiment wiċċ imb wiċċ interattiva u soċjalment intensiva.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kriżi tista' tkun ukoll opportunità ta' tagħlim. It-tagħlimiet miksuba matul ix-xhur li għaddew għandhom jispirawna biex nibdlu l-isfidi f'opportunitajiet. L-attivitajiet ta' tagħlim online jistgħu biss jiżdiedu u rridu nesploraw kif nużaw l-innovazzjoni u t-teknoloġija biex niksbu edukazzjoni ta' kwalità u inklużiva. L-isforzi tagħna għandhom ikunu ffukati fuq aktar trasformazzjoni diġitali, u fl-istess ħin jiġu żgurati opportunitajiet indaqs u benesseri.
