"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Barranin, 10/01/2020, 10 ta' Jannar 2020
Riżultati ewlenin
Ġrajjiet kurrenti
Il-Kunsill iddiskuta l-aħħar żviluppi fil-Libja, inkluż l-eskalazzjoni militari madwar Tripli u, fil-marġini tal-laqgħa, kellu l-opportunità li jiġi infurmat mir-Rappreżentant Speċjali tan-NU u l-Kap tal-Missjoni ta' Appoġġ tan-Nazzjonijiet Uniti fil-Libja (UNSMIL), Ghassan Salamé.
Il-ministri esprimew il-qbil tagħhom dwar il-ħtieġa li l-UE tinvolvi ruħha b'mod qawwi biex tevita li jnintilef il-kontroll fuq il-kriżi kurrenti, u taw mandat lir-Rappreżentant Għoli tal-UE għall-Affarijiet Barranin, Josep Borrell, li jkellem lill-atturi kollha bil-għan li jsir progress lejn soluzzjoni politika fil-qafas tal-proċess ta' Berlin u l-isforzi ta' medjazzjoni mmexxija min-NU.
Żviluppi reċenti fl-Iraq
Il-Kunsill ġie infurmat dwar l-aħħar żviluppi fl-Iraq, inkluż permezz ta' skambju informali mas-Segretarju Ġenerali tan-NATO, Jens Stoltenberg.
Il-ministri ġew mistiedna jivvalutaw il-konsegwenzi tal-aħħar eskalazzjoni ta' tensjoni u inċidenti kbar ta' sigurtà fl-Iraq u fir-reġjun u ddiskutew l-impatt ta' dawn l-iżviluppi fuq il-koalizzjoni internazzjonali involuta fil-ġlieda kontra d-Da'esh.
Il-ministri tawni mandat b'saħħtu biex nagħmel sforzi diplomatiċi mal-partijiet kollha biex jikkontribwixxu għat-tnaqqis tat-tensjoni fir-reġjun, jappoġġaw id-djalogu politiku u jippromwovu soluzzjoni politika reġjonali.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-Kunsill appella għal tnaqqis urġenti tat-tensjoni u trażżin massimu. Ikkundanna wkoll kull attakk fuq il-forzi ta' koalizzjoni involuti fil-ġlieda kontra d-Da'esh u stqarr mill-ġdid li din il-ġlieda għadha prijorità tal-UE.
Il-ministri għall-affarijiet barranin enfasizzaw l-appoġġ kontinwu tagħhom għall-istabbiltà u r-rikostruzzjoni tal-Iraq, kif ukoll għall-preservazzjoni tal-Pjan ta' Azzjoni Komprensiv Konġunt (PAKK), bħala element ewlieni tal-arkitettura globali tan-nonproliferazzjoni nukleari. Fl-istess ħin, il-ministri appellaw lill-Iran biex mill-ġdid jerġa' jikkonforma bis-sħiħ mal-PAKK mingħajr dewmien.
Fl-aħħar nett il-Kunsill ta mandat lir-Rappreżentant Għoli tal-UE biex jagħmel sforzi diplomatiċi mal-partijiet kollha biex jikkontribwixxu għat-tnaqqis tat-tensjoni fir-reġjun, jappoġġaw id-djalogu politiku u jippromwovu soluzzjoni politika reġjonali.
L-UE tappella għal tnaqqis urġenti tat-tensjoni u trażżin massimu fl-Iraq
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-ministri tawni mandat b'saħħtu biex nagħmel sforzi diplomatiċi mal-partijiet kollha biex jikkontribwixxu għat-tnaqqis tat-tensjoni fir-reġjun, jappoġġaw id-djalogu politiku u jippromwovu soluzzjoni politika reġjonali.
