"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Illum qbilna dwar dikjarazzjoni li fiha tennejna l-ħtieġa ta' tnaqqis urġenti tal-intensità tal-kunflitt. Ħadna nota tal-eżitu tal-laqgħa bejn ir-Russja u t-Turkija li saret ilbieraħ f’Moska.
Il-partijiet kollha jeħtieġ li jiggarantixxu l-protezzjoni tal-popolazzjoni ċivili u jippermettu t-twassil mingħajr xkiel ta’ għajnuna umanitarja mill-komunità internazzjonali.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-Kunsill Affarijiet Barranin adotta dikjarazzjoni dwar il-kriżi f'Idlib u s-sitwazzjoni fuq il-fruntieri esterni tal-UE mat-Turkija.
Fid-dikjarazzjoni tiegħu, il-Kunsill jirrikonoxxi ż-żieda fil-piż migratorju u r-riskji li t-Turkija qed tiffaċċa fuq it-territorju tagħha u l-isforzi sostanzjali li għamlet biex tospita 3,7 miljun migrant u refuġjat. Il-Kunsill jirrifjuta bil-qawwa wkoll l-użu mit-Turkija ta’ pressjoni migratorja għal finijiet politiċi u jtenni li l-UE u l-istati membri tagħha jibqgħu determinati li jipproteġu l-fruntieri esterni tal-UE b'mod effettiv, f’konformità mad-dritt tal-UE u l-liġi internazzjonali.
F'dan il-kuntest, il-Kunsill itenni s-solidarjetà sħiħa tal-UE mal-Greċja, li għandha quddiemha sitwazzjoni bla preċedent, kif ukoll mal-Bulgarija, Ċipru u stati membri oħra fl-isforzi tagħhom biex jiġu ġestiti l-fruntieri esterni tal-UE.
Dwar Idlib, il-Kunsill jinnota li l-offensiva reċenti u li għadha għaddejja mir-reġim Sirjan u s-sostenituri tiegħu, inkluż ir-Russja, qed toħloq tbatija umana enormi u pprovokat l-agħar kriżi umanitarja sa mill-bidu tal-kunflitt Sirjan.
Għalhekk, il-Kunsill jappella għal tnaqqis urġenti tal-intensità tal-kunflitt fis-Sirja sabiex jiġi evitat li dan iwassal għal konfrontazzjoni militari internazzjonali, u tiġi evitata aktar tbatija.
Il-Kunsill jieħu nota tal-eżitu tal-laqgħa bejn ir-Russja u t-Turkija li saret ilbieraħ f’Moska u jtenni, bl-aktar mod qawwi possibbli, l-appell tiegħu lill-partijiet kollha biex iżommu fis-seħħ waqfien mill-ġlied immedjat u sostenibbli, biex jiggarantixxu l-protezzjoni tal-popolazzjoni ċivili fuq l-art u mill-ajru u biex jippermettu l-konsenja mingħajr xkiel ta' għajnuna umanitarja mill-komunità internazzjonali.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum qbilna dwar dikjarazzjoni li fiha tennejna l-ħtieġa ta' tnaqqis urġenti tal-intensità tal-kunflitt. Ħadna nota tal-eżitu tal-laqgħa bejn ir-Russja u t-Turkija li saret ilbieraħ f’Moska. Il-partijiet kollha jeħtieġ li jiggarantixxu l-protezzjoni tal-popolazzjoni ċivili u jippermettu t-twassil mingħajr xkiel ta’ għajnuna umanitarja mill-komunità internazzjonali.
