"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza tal-ministri għall-affarijiet barranin, 3 ta' April 2020
Main results
Qed inħabbtu wiċċna ma' infodemija b'impatt perikoluż fuq is-saħħa pubblika. Ser inkomplu nindirizzaw id-diżinformazzjoni, u nikkoordinaw u nintensifikaw l-isforzi tagħna mal-Istati Membri u mal-pjattaformi tal-media soċjali.
Josep Borrell, ir-Rappreżentant Għoli tal-UE għall-Affarijiet Barranin u l-Politika ta' Sigurtà
Illum il-Ministri tal-UE għall-affarijiet barranin kellhom vidjokonferenza, immexxija mir-Rappreżentant Għoli tal-UE għall-Affarijiet Barranin u l-Politika ta' Sigurtà, Josep Borrell.
Il-ministri qasmu l-fehmiet tagħhom dwar aspetti internazzjonali tal-pandemija tal-COVID-19, u kkonċentraw fuq il-koordinazzjoni konsulari u r-ripatrijazzjoni, it-tisħiħ tal-kooperazzjoni u l-assistenza internazzjonali, u d-diżinformazzjoni.
Il-ministri għall-affarijiet barranin laqgħu l-ħidma li saret u l-progress li sar mill-istituzzjonijiet tal-UE fil-koordinazzjoni tal-isforzi ta' ripatrijazzjoni u ta' assistenza konsulari tal-istati membri liċ-ċittadini tagħhom barra mill-pajjiż. Sal-lum, bis-saħħa tal-isforzi konġunti tal-UE, aktar minn 350.000 Ewropew ġew ripatrijati, filwaqt li 250.000 għadhom jeħtieġu assistenza.
Dwar il-kooperazzjoni u l-assistenza internazzjonali, il-ministri għall-affarijiet barranin saħqu li din kienet kriżi globali li teħtieġ tweġiba globali. Huma qiesu li għandha tingħata prijorità lill-assistenza lill-aktar pajjiżi vulnerabbli u lill-Afrika, speċjalment peress li f'ħafna pajjiżi vulnerabbli l-effetti devastanti tal-Covid-19 jistgħu jiġu amplifikati bil-kunflitti.
Fl-aħħar nett il-ministri wrew ukoll tħassib dwar il-miżinformazzjoni u d-diżinformazzjoni u l-ħtieġa li tkompli l-ġlieda kontra l-impatt negattiv fuq is-soċjetajiet u ħajjet in-nies u s-saħħa pubblika. Il-ministri għall-affarijiet barranin enfasizzaw il-ħtieġa li jiġu intensifikati l-isforzi konġunti fil-ġlieda kontra d-diżinformazzjoni permezz ta' kooperazzjoni mill-qrib bejn l-istituzzjonijiet tal-UE, l-istati membri u l-media soċjali.
Il-Ministri għall-Affarijiet Barranin tal-UE jappellaw għal azzjoni kontra d-diżinformazzjoni.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Qed inħabbtu wiċċna ma' infodemija b'impatt perikoluż fuq is-saħħa pubblika. Ser inkomplu nindirizzaw id-diżinformazzjoni, u nikkoordinaw u nintensifikaw l-isforzi tagħna mal-Istati Membri u mal-pjattaformi tal-media soċjali.
