"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-affarijiet barranin, 22 ta' April 2020
Main results
Iddiskutejna kif nistgħu nagħtu appoġġ aħjar lill-Ukrajna u lil pajjiżi oħra fis-sħubija tal-Lvant fiż-żminijiet tal-pandemija tal-Covid-19. Il-messaġġ tagħna lilhom huwa ċar, ser inkomplu ngħinuhom f'dawn iż-żminijiet ta' sfida.
Josep Borrell, Rappreżentant Għoli tal-UE għall-Affarijiet Barranin u l-Politika ta' Sigurtà
Illum il-Ministri tal-UE għall-affarijiet barranin kellhom vidjokonferenza, immexxija mir-Rappreżentant Għoli tal-UE għall-Affarijiet Barranin u l-Politika ta' Sigurtà, Josep Borrell.
Il-ministri l-ewwel kellhom skambju qasir ta' fehmiet dwar il-ġrajjiet kurrenti, u gradwalment reġgħu lura għal kwistjonijiet ewlenin ta' politika barranija. F'dan il-kuntest il-ministri ttrattaw bosta kwistjonijiet urġenti fix-xena internazzjonali, inkluż is-sitwazzjoni fil-Libja, it-Turkija u l-Afganistan. F'dak li għandu x'jaqsam mar-rispons għall-pandemija tal-Covid-19, ir-Rappreżentant Għoli informa lill-ministri dwar l-isforzi li għaddejjin biex iċ-ċittadini Ewropej maqbudin barra pajjiżhom jiġu ripatrijati, biex tiġi miġġielda d-diżinformazzjoni, u biex jiġi implimentat l-hekk imsejjaħ "pakkett ta' Tim Ewropa". F'dan il-kuntest, il-ministri ddiskutew b'mod partikolari l-possibbiltà li jitwaqqaf pont umanitarju bl-ajru tal-UE għall-konsenja ta' tagħmir relatat mal-coronavirus, u jiġi ffaċilitat il-moviment tal-persunal umanitarju.
Il-ministri għall-affarijiet barranin imbagħad kellhom diskussjoni dwar kif jista' jingħata appoġġ aħjar lill-Ukrajna u lil pajjiżi oħra fis-sħubija tal-Lvant fiż-żminijiet tal-pandemija tal-Covid-19.
F'dan il-kuntest il-ministri esprimew appoġġ għall-proċess ta' riforma li għaddej fl-Ukrajna, kif ukoll għas-sovranità u l-integrità territorjali tal-Ukrajna, inkluż in-nuqqas ta' rikonoxximent tal-annessjoni illegali tal-Krimea.
Fir-rigward tas-Sħubija tal-Lvant, il-ministri raw il-kriżi attwali bħala opportunità biex juru li l-UE hija l-aktar sieħba affidabbli għal dawn il-pajjiżi. Huma ddiskutew b'mod partikolari kif l-UE tista' tappoġġa lil dawn il-pajjiżi sabiex l-ekonomiji, l-impjiegi u l-istituzzjonijiet tagħhom ma jbatux, u li l-ispinta għar-riformi tibqa' fuq quddiem fl-aġenda.
Il-Ministri għall-Affarijiet Barranin tal-UE jivvalutaw il-politiki u l-approċċ tal-UE fir-rigward tal-Viċinat tal-Lvant fid-dawl tal-pandemija tal-COVID-19
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Iddiskutejna kif nistgħu nagħtu appoġġ aħjar lill-Ukrajna u lil pajjiżi oħra fis-sħubija tal-Lvant fiż-żminijiet tal-pandemija tal-Covid-19. Il-messaġġ tagħna lilhom huwa ċar, ser inkomplu ngħinuhom f'dawn iż-żminijiet ta' sfida.
