"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Barranin (Kummerċ), 20 ta' Mejju 2021
Riżultati ewlenin
Relazzjonijiet kummerċjali bejn l-UE u l-Istati Uniti
Il-ministri ġew mgħarrfa mill-Kummissjoni dwar is-sitwazzjoni attwali fir-relazzjonijiet kummerċjali bejn l-UE u l-Istati Uniti. Dan inkluda informazzjoni dwar l-aħħar żviluppi u skambji, eż. fir-rigward tal-iżvilupp ta' aġenda kummerċjali pożittiva bejn l-UE u l-Istati Uniti, kwistjonijiet marbutin mad-WTO, kif ukoll kwistjonijiet marbutin mat-tariffi tal-Airbus/Boeing u t-Taqsima 232 tal-Istati Uniti dwar l-azzar u l-aluminju.
L-impenn tal-amministrazzjoni l-ġdida ta' Biden lejn il-multilateraliżmu u l-bini mill-ġdid tar-relazzjonijiet mal-alleati huma promettenti. Issa jeħtieġ li naħdmu b'mod aktar konkret fuq it-tnedija mill-ġdid tad-djalogu tranżatlantiku u biex jittaffa tilwim antik biex tiġi evitata l-konfrontazzjoni, anke meta jkun hemm differenzi oġġettivi ta' interess u opinjoni bejn l-UE u l-Istati Uniti dwar kwistjonijiet kummerċjali.
Augusto Santos Silva, Ministru tal-Istat u l-Affarijiet Barranin tal-Portugall
Riforma tad-WTO u tħejjijiet għall-Konferenza Ministerjali li jmiss
Il-ministri ddiskutew il-ħidma li għaddejja fuq ir-riforma u n-negozjati tad-WTO, u qiesu t-tħejjijiet u l-prijoritajiet għall-Konferenza Ministerjali tad-WTO li jmiss.
Il-Kummissjoni pprovdiet lill-Kunsill b'rapport dwar is-sitwazzjoni preżenti tat-tħejjijiet għat-12-il Konferenza Ministerjali tad-WTO (MC12) li ser issir f'Ġinevra mit-30 ta' Novembru sat-3 ta' Diċembru 2021.
Il-Kunsill qasam il-fehmiet tiegħu dwar ir-rieżami tal-politika kummerċjali. Fit-18 ta' Frar 2021, il-Kummissjoni ħarġet il-Komunikazzjoni tagħha dwar ir-"Rieżami tal-Politika Kummerċjali - Politika Kummerċjali Miftuħa, Sostenibbli u Assertiva". Il-Komunikazzjoni dwar dan ir-Rieżami tenfasizza l-fatt li l-UE għandha tkompli timpenja ruħha lejn kummerċ miftuħ, ġust u bbażat fuq ir-regoli filwaqt li fl-istess ħin tiddefendi l-interessi tagħha u tiżgura kundizzjonijiet ugwali.
Il-presidenza u l-Kummissjoni għarrfu lill-Kunsill dwar is-sitwazzjoni preżenti tan-negozjati dwar l-Istrument għal Akkwist Internazzjonali matul seduta pubblika taħt "Affarijiet oħra".
L-Istrument huwa għodda tal-politika kummerċjali li għandha l-għan li tiskoraġġixxi d-diskriminazzjoni tal-kumpaniji tal-UE fis-swieq tal-akkwist f'pajjiżi terzi.
Il-presidenza Portugiża intensifikat il-ħidma fuq l-Istrument u għandha l-għan li tilħaq pożizzjoni maqbula mill-Kunsill sa tmiem il-mandat tagħha. B'dan ikunu jistgħu jibdew it-trilogi mal-Parlament Ewropew matul il-mandat tal-presidenza Slovena li jmiss.
Taħt "Affarijiet oħra", il-ministri ġew mgħarrfa mill-Kummissjoni dwar is-sitwazzjoni preżenti tal-investigazzjoni li għaddejja dwar is-salvagwardja tal-azzar. Din l-investigazzjoni għandha l-għan li tevalwa jekk il-miżuri ta' salvagwardja fis-seħħ bħalissa fuq l-importazzjoni ta' ċerti prodotti tal-azzar għandhomx jiġu estiżi lil hinn mit-30 ta' Ġunju 2021.
Huma ngħataw ukoll tagħrif dwar is-sitwazzjoni preżenti tal-qbil bejn l-UE u l-Mercosur.
Il-ministri qasmu wkoll il-fehmiet tagħhom b'mod informali mad-Direttur Ġenerali tad-WTO, Dr Ngozi Okonjo-Iweala.
Il-ministri kellhom ukoll l-opportunità li jaqsmu l-fehmiet tagħhom informalment mar-Rappreżentant tal-Kummerċ tal-Istati Uniti Katherine Tai.
Punti ewlenin tal-Kunsill Affarijiet Barranin (Kummerċ), li sar fl-20 ta' Mejju 2021, fi Brussell.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-impenn tal-amministrazzjoni l-ġdida ta' Biden lejn il-multilateraliżmu u l-bini mill-ġdid tar-relazzjonijiet mal-alleati huma promettenti. Issa jeħtieġ li naħdmu b'mod aktar konkret fuq it-tnedija mill-ġdid tad-djalogu tranżatlantiku u biex jittaffa tilwim antik biex tiġi evitata l-konfrontazzjoni, anke meta jkun hemm differenzi oġġettivi ta' interess u opinjoni bejn l-UE u l-Istati Uniti dwar kwistjonijiet kummerċjali.
