"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet barranin, 17 ta' Awwissu 2021
Riżultati ewlenin
Il-ministri għall-affarijiet barranin tal-Unjoni Ewropea ltaqgħu għal laqgħa straordinarja biex jikkunsidraw l-aħħar żviluppi fl-Afganistan. Huma enfasizzaw ukoll il-ħtieġa li tiġi żgurata l-evakwazzjoni sikura taċ-ċittadini tal-UE u tal-persunal lokali. Il-ministri appellaw għall-protezzjoni tal-ħajja umana kollha u għar-restawr immedjat tas-sigurtà u l-ordni ċivili b'rispett għad-drittijiet fundamentali.
Bħalissa, il-prijorità immedjata tagħna hija li niżguraw is-sikurezza u s-sigurtà tan-nazzjonali kollha tal-Unjoni Ewropea u tal-membri tal-persunal lokali Afgan tagħna u l-familji tagħhom. It-tluq sikur u ordinat ta' ċittadini barranin u Afgani li jixtiequ jitilqu mill-pajjiż jeħtieġ li jiġi ffaċilitat.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-ministri enfasizzaw ukoll li l-kooperazzjoni ma' kwalunkwe gvern Afgan futur ser tkun soġġetta għal soluzzjoni paċifika u inklużiva u r-rispett għad-drittijiet fundamentali tal-Afgani kollha, inkluż in-nisa, iż-żgħażagħ u l-persuni li jappartjenu għal minoranzi, kif ukoll ir-rispett għall-obbligi internazzjonali tal-Afganistan, l-impenn għall-ġlieda kontra l-korruzzjoni u l-prevenzjoni tal-użu tat-territorju tal-Afganistan minn organizzazzjonijiet terroristiċi.
Diskussjoni usa' fost il-ministri għall-affarijiet barranin dwar ir-relazzjonijiet mal-Afganistan ser issir fl-okkażjoni tal-laqgħa ministerjali informali tal-ministri għall-affarijiet barranin (Gymnich) fit-2 u t-3 ta' Settembru.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Bħalissa, il-prijorità immedjata tagħna hija li niżguraw is-sikurezza u s-sigurtà tan-nazzjonali kollha tal-Unjoni Ewropea u tal-membri tal-persunal lokali Afgan tagħna u l-familji tagħhom. It-tluq sikur u ordinat ta' ċittadini barranin u Afgani li jixtiequ jitilqu mill-pajjiż jeħtieġ li jiġi ffaċilitat.
