"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill adotta deċiżjoni li tistabbilixxi missjoni ta' taħriġ militari tal-Unjoni Ewropea fil-Mozambique (EUTM Mozambique), bil-għan li tħarreġ u tappoġġa l-forzi armati tal-Mozambique fil-protezzjoni tal-popolazzjoni ċivili u r-restawr tas-sikurezza u s-sigurtà fil-provinċja ta' Cabo Delgado.
Illum stabbilejna formalment, fi żmien rekord, il-Missjoni Ewropea ġdida ta' Taħriġ għall-Mozambique. […] Din il-missjoni l-ġdida ser tkun parti fundamentali mir-rispons tal-UE għat-talba tal-Gvern tal-Mozambique biex tiġi indirizzata l-kriżi f'Cabo Delgado u tikkontribwixxi għall-istabbiliment mill-ġdid u t-tisħiħ tas-sigurtà.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-Kunsill Affarijiet Barranin kellu l-ewwel diskussjoni dwar l-impatt estern u ġeopolitiku ta' teknoloġiji diġitali ġodda. Dawn it-teknoloġiji huma kruċjaligħas-soċjetajiet u l-ekonomija tal-UE, iżda qed isiru dejjem aktar mutur ta' kompetizzjoni ġeopolitika u influwenza globali, li jintuża minn atturi barranin biex jimmanipulaw l-ambjent tal-informazzjoni, jinfluwenzaw id-dibattitu pubbliku, u jinterferixxu fil-proċessi demokratiċi.
Il-ministri enfasizzaw il-ħtieġa li tintuża l-kapaċità tal-UE bħala setgħa regolatorja biex jiġu influwenzati n-normi u l-istandards globali f'dan il-qasam, u li jiġi żgurat li s-sistema tibqa' miftuħa, iċċentrata fuq il-bniedem u bbażata fuq l-istat tad-dritt. B'dan il-mod, il-ministri esprimew ix-xewqa tagħhom li jaħdmu flimkien ma' sħab tal-istess fehma, li jvarjaw mill-Istati Uniti għaż-żona Indo-Paċifiku, mill-Afrika sal-Amerka Latina.
Boxxla Strateġika
Il-ministri għall-Affarijiet Barranin kellhom skambju ta' fehmiet għall-ewwel darba dwar il-Boxxla Strateġika - l-inizjattiva tal-UE maħsuba biex l-UE titħejja aħjar għal kriżijiet futuri, tissaħħaħ ir-reżiljenza tal-UE kontra t-theddid, inkluż fiċ-ċiberspazju, jissaħħu s-sħubiji tal-UE biex jintlaħqu sfidi komuni, u tiġi żviluppata kultura strateġika komuni.
L-ewwel abbozz tal-Boxxla Strateġika għandu jiġi ppreżentat lill-istati membri f'Novembru 2021, bil-ħsieb li jiġi ffinalizzat f'Marzu 2022.
Il-Kunsill kellu opportunità li jkollu diskussjoni dwar is-sitwazzjoni fl-Etjopja u Tigray fejn, minkejja l-waqfien mill-ġlied, hemm kriżi umanitarja serja, il-popolazzjonijiet qed jiffaċċjaw ir-riskju ta' karestija, u l-vjolenza u l-istupru qed jintużaw ta' spiss kontra l-popolazzjoni ċivili bħala arma tal-gwerra.
Il-ministri ġew infurmati dwar l-inizjattiva biex jinħoloq pont bl-ajru għall-għajnuna umanitarja biex jingħata appoġġ lill-popolazzjoni tar-reġjun ta' Tigray, u ddiskutew il-prijoritajiet politiċi li l-UE għandha tiffoka fuqhom: l-iżgurar tal-aċċess umanitarju u r-rispett għad-dritt umanitarju internazzjonali, il-konsolidazzjoni tal-waqfien mill-ġlied u l-ħidma lejn waqfien sħiħ tal-ostilitajiet mill-partijiet kollha, l-iżgurar tal-irtirar tal-forzi barranin mit-territorju Etjopjan, il-waqfien immedjat tal-ksur tad-drittijiet tal-bniedem, u t-tnedija ta' djalogu nazzjonali dwar ir-rikonċiljazzjoni sabiex jiġu ppreservati l-integrità u l-unità politika tal-Etjopja.
Ġrajjiet Kurrenti
Ir-Rappreżentant Għoli informa lill-Kunsill dwar l-istaġnar fil-Libanu, u ħabbar fehim politiku li ser jiġi stabbilit reġim ta' sanzjonijiet kontra dawk li huma responsabbli għas-sitwazzjoni.
Wara ż-żjara tiegħi fil-Libanu, l-istaġnar politiku għadu jippersisti; l-ekonomija qed tistagħna u t-tbatija tal-poplu tal-Libanu qed tikber kontinwament.
[…] Il-ministri laħqu fehim politiku li għandu jiġi stabbilit reġim ta' sanzjonijiet kontra dawk li huma responsabbli għas-sitwazzjoni.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-ministri indirizzaw ukoll is-sitwazzjoni fl-Afganistan, fid-dawl tal-irtirar tat-truppi tal-Istati Uniti u tan-NATO, u ż-żieda f'attakki mmirati b'motivazzjoni etnika. F'dan il-kuntest ir-Rappreżentant Għoli enfasizza l-ħtieġa li t-Taliban jitħeġġeġ biex jinvolvi ruħu f'negozjati ta' paċi sostantivi u inklużivi, u biex jilħaq lill-pajjiżi fir-reġjun u l-komunità internazzjonali usa' biex ikollhom rwol kostruttiv b'appoġġ għall-proċess ta' paċi Afgan.
Ikla ta' ħidma
Matul l-ikla ta' nofsinhar, il-ministri għall-affarijiet barranin kellhom diskussjoni informali mal-Ministru għall-Affarijiet Barranin Iżraeljan il-ġdid, Yair Lapid, li ffokat fuq ir-relazzjonijiet bilaterali, iżda wkoll fuq is-sitwazzjoni fir-reġjun.
Fir-rigward tal-Proċess ta' Paċi fil-Lvant Nofsani, il-ministri għal darb'oħra enfasizzaw li l-UE tappoġġa bis-sħiħ is-sigurtà ta' Iżrael u tikkundanna t-terroriżmu. Fl-istess ħin, l-UE tistenna li Iżrael joffri perspettiva politika biex jintemm il-konflitt, u tibqa' ppreparata u lesta li tappoġġa lil Iżrael u lill-Palestinjani fl-isforzi tagħhom biex jibnu mill-ġdid proċess politiku sinifikanti.
Konklużjonijiet tal-Kunsill
Il-Kunsill approva l-konklużjonijiet dwar Ewropa Konnessa Globalment u dwar il-prijoritajiet tal-UE fis-76 Assemblea Ġenerali tan-Nazzjonijiet Uniti.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum stabbilejna formalment, fi żmien rekord, il-Missjoni Ewropea ġdida ta' Taħriġ għall-Mozambique. […] Din il-missjoni l-ġdida ser tkun parti fundamentali mir-rispons tal-UE għat-talba tal-Gvern tal-Mozambique biex tiġi indirizzata l-kriżi f'Cabo Delgado u tikkontribwixxi għall-istabbiliment mill-ġdid u t-tisħiħ tas-sigurtà.
