"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet barranin, 26 ta' Novembru 2025
Riżultati ewlenin
Il-gwerra ta' aggressjoni tar-Russja kontra l-Ukrajna
Il-Ministri għall-Affarijiet Barranin tal-UE ltaqgħu b'mod informali permezz ta' vidjokonferenza biex jiddiskutu l-aħħar żviluppi fin-negozjati biex tintemm il-gwerra ta' aggressjoni Russa kontra l-Ukrajna u tinkiseb paċi ġusta u dejjiema għall-Ukrajna. Id-diskussjoni saret fl-isfond ta' momentum diplomatiku ġdid, b'kont meħud tal-konsultazzjonijiet intensivi ta' livell għoli fil-marġini tal-G20 reċenti, id-diskussjonijiet f'Ġinevra matul tmiem il-ġimgħa, l-eżiti tal-EUCO informali u l-koalizzjoni tal-Partijiet Disposti fil-livell tal-Mexxejja.
Il-vidjokonferenza bdiet b'intervent tal-Ministru Ukren għall-Affarijiet Barranin, Andrii Sybiha, li ta ħarsa ġenerali lejn l-aħħar żviluppi diplomatiċi u l-pożizzjoni tal-Ukrajna.
Kulħadd jilqa' l-isforzi tal-Istati Uniti għall-paċi. Ilkoll kemm aħna rridu li din il-gwerra tintemm, iżda l-mod kif tintemm huwa importanti wkoll. Irridu nżommu f'moħħna li hemm aggressur wieħed u vittma waħda. Waqfien mill-ġlied immedjat u mingħajr kundizzjonijiet irid ikun l-ewwel pass biex tintemm il-gwerra.
Kaja Kallas, Rappreżentant Għoli għall-Affarijiet Barranin u l-Politika ta' Sigurtà u President tal-Kunsill Affarijiet Barranin
Matul id-diskussjoni, il-ministri tal-UE kellhom skambju ta' fehmiet dwar il-pożizzjoni tal-UE dwar dawn l-iżviluppi diplomatiċi, u dwar il-ħtieġa li tibqa' ssir pressjoni fuq ir-reġim tar-Russja filwaqt li jiżdied l-appoġġ militari u finanzjarju għall-Ukrajna. F'dan il-kuntest, huma ttrattaw id-dibattitu dwar self marbut mar-reparazzjonijiet għall-Ukrajna.
Hemm ftit gwerer fid-dinja fejn is-sitwazzjoni hija daqshekk ċara bħalma hija hawnhekk. L-enfasi għandha tkun fuq dak li r-Russja - l-aggressur - għandha tagħmel, mhux fuq dak li l-Ukrajna - il-vittma - għandha tissagrifika.
Kaja Kallas, Rappreżentant Għoli għall-Affarijiet Barranin u l-Politika ta' Sigurtà u President tal-Kunsill Affarijiet Barranin
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
