"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Tkabbir u Proċess ta' Stabilizzazzjoni u ta' Assoċjazzjoni
Il-Presidenza pprovdiet informazzjoni dwar il-progress miksub f'dan is-semestru, il-Kunsill kellu skambju ta' fehmiet dwar il-fajls kollha relatati mat-Tkabbir u l-Proċess ta' Stabbilizzazzjoni u ta' Assoċjazzjoni.
B'mod partikolari, il-Kunsill iddiskuta l-ftehim politiku riċenti mal-Parlament Ewropew dwar l-Istrument għall-Assistenza ta' Qabel l-Adeżjoni (IPA III). L-IPA III huwa mistenni li jkollu baġit totali ta' aktar minn €14-il biljun għall-perjodu 2021-2027. Il-ftehim politiku għadu jeħtieġ l-approvazzjoni finali tal-Kunsill.
Fit-6 ta' Mejju, il-Kunsill qabel dwar l-applikazzjoni tal-metodoloġija riveduta tat-tkabbir għan-negozjati tal-adeżjoni mas-Serbja u l-Montenegro. Dan witta t-triq biex isiru l-ewwel Konferenzi Intergovernattivi "politiċi", li ser isiru fil-marġini tal-laqgħa tal-Kunsill.
Il-Kunsill kellu skambju ta' fehmiet dwar in-negozjati tal-adeżjoni mar-Repubblika tal-Maċedonja ta' Fuq u r-Repubblika tal-Albanija.
Il-Presidenza ħadmet ħafna biex torganizza l-ewwel Konferenzi Intergovernattivi mal-Montenegro u s-Serbja taħt il-metodoloġija l-ġdida għat-tkabbir. Nemmen li l-Presidenza Slovena li jmiss, filwaqt li tibni fuq l-isforzi tagħna, ser jirnexxu fil-ftuħ formali tan-negozjati mar-Repubblika tal-Albanija u mar-Repubblika tal-Maċedonja ta' Fuq.
Ana Paula Zacarias, Segretarju tal-Istat għall-Affarijiet Ewropej tal-Portugall
Il-Presidenza infurmat lill-ministri dwar l-eżitu tal-attività taċ-ċittadini Ewropej ta' Lisbona fis-17 ta' Ġunju u dwar l-ewwel plenarja tal-Konferenza fid-19 ta' Ġunju.
Il-Konferenza dwar il-Ġejjieni tal-Ewropa hija mmirata biex tinvolvi liċ-ċittadini f'dibattitu wiesa' dwar il-ġejjieni tal-Ewropa fl-għaxar snin li ġejjin u lil hinn, inkluż fid-dawl tal-pandemija tal-COVID-19.
Fl-10 ta' Marzu, il-Kunsill, il-Parlament Ewropew u l-Kummissjoni ffirmaw dikjarazzjoni konġunta li tistabbilixxi l-objettivi, l-istruttura, l-iskop u ż-żmien tal-Konferenza.
Il-Konferenza dwar il-Ġejjieni tal-Ewropa ġiet formalment inawgurata fid-9 ta' Mejju fi Strasburgu, wara t-tnedija tal-pjattaforma diġitali tal-Konferenza fid-19 ta' April. Għadd ta' ideat u attivitajiet diġà ġew ippubblikati fuq il-pjattaforma.
L-ewwel Djalogu taċ-Ċittadini Ewropej f'Lisbona fis-17 ta' Ġunju u l-ewwel laqgħa plenarja fi Strasburgu fid-19 ta' Ġunju kienu okkażjonijiet ukoll biex intennu l-impenn tagħna għall-Konferenza kif ukoll biex nenfasizzaw il-pożizzjoni tagħna bħala Kunsill u nissottolinjaw li l-Konferenza għandu jkollha ċ-ċittadini u t-tħassib tagħhom fiċ-ċentru u tiffoka fuq kwistjonijiet li huma verament importanti għalihom.
Ana Paula Zacarias, Segretarju tal-Istat għall-Affarijiet Ewropej tal-Portugall
Il-ministri ħadmu fuq it-tħejjijiet tal-Kunsill Ewropew tal-24 u l-25 ta' Ġunju 2021 fi Brussell.
Il-mexxejja tal-UE ser jiltaqgħu fi Brussell biex jiddiskutu l-COVID-19, l-irkupru ekonomiku, il-migrazzjoni u r-relazzjonijiet esterni, inkluż ir-relazzjonijiet mat-Turkija u r-Russja.
Il-Kunsill Ewropew ser jevalwa s-sitwazzjoni epidemjoloġika u tal-vaċċini u jkompli bl-isforzi ta' koordinazzjoni b'rispons għall-pandemija tal-COVID-19. F'konformità mad-dikjarazzjoni ta' Frar 2021 tal-membri tal-Kunsill Ewropew, il-Kummissjoni hija mistennija tirrapporta dwar it-tagħlimiet meħuda mill-pandemija s'issa.
Il-mexxejja tal-UE ser jirrieżaminaw is-sitwazzjoni attwali tal-implimentazzjoni ta' Next Generation EU.
Mistennija jiddiskutu r-rakkomandazzjoni dwar il-politika ekonomika taż-żona tal-euro.
Il-Kunsill ser jiddiskuti d-dimensjoni esterna tal-migrazzjoni.
F'konformità mad-dikjarazzjoni tal-membri tal-Kunsill Ewropew tal-25 ta' Marzu 2021, il-mexxejja ser jissoktaw bid-diskussjonijiet dwar ir-relazzjonijiet mat-Turkija.
F'konformità mal-konklużjonijiet tiegħu tal-24 u l-25 ta' Mejju 2021, il-Kunsill Ewropew ser jissokta bid-diskussjonijiet dwar ir-relazzjonijiet mar-Russja, abbażi ta' komunikazzjoni konġunta, ippubblikata fis-16 ta' Ġunju 2021, mir-Rappreżentant Għoli u mill-Kummissjoni.
Il-Kunsill kellu seduta ta' smigħ dwar l-istat tad-dritt fil-Polonja (proċedura skont l-Artikolu 7 (1) TUE). L-iskop sostantiv tas-seduta kien il-proposta motivata tal-Kummissjoni Ewropea li skattatha.
Il-Kunsill kellu seduta ta' smigħ dwar l-istat tad-dritt fl-Ungerija (proċedura skont l-Artikolu 7(1) TUE). L-ambitu sostantiv tas-seduta kien il-proposta motivata tal-Parlament Ewropew li skattatha.
Taħt affarijiet oħra, il-Kunsill ġie infurmat dwar ir-relazzjonijiet bejn l-UE u l-Iżvizzera, l-awtonomija Strateġika u l-anniversarju tal-10 sena tal-Istrateġija tal-UE għar-Reġjun tad-Danubju.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-Presidenza ħadmet ħafna biex torganizza l-ewwel Konferenzi Intergovernattivi mal-Montenegro u s-Serbja taħt il-metodoloġija l-ġdida għat-tkabbir. Nemmen li l-Presidenza Slovena li jmiss, filwaqt li tibni fuq l-isforzi tagħna, ser jirnexxu fil-ftuħ formali tan-negozjati mar-Repubblika tal-Albanija u mar-Repubblika tal-Maċedonja ta' Fuq.