Kunsill Ġustizzja u Affarijiet Interni, 09/11/2015, 9 ta' Novembru 2015

Riżultati prinċipali

Il-ministri għall-affarijiet interni ġew aġġornati dwar l-aktar informazzjoni reċenti dwar il-flussi migratorji u s-sitwazzjoni fuq il-post, u kellhom diskussjoni estensiva dwar il-progress fl-implimentazzjoni tal-miżuri l-aktar reċenti tal-UE.

Il-ministri ddeċidew ukoll dwar għadd ta’ miżuri ulterjuri biex tiġi ttrattata l-kriżi tar-refuġjati u tal-migrazzjoni kif deskritti f’sett ta’ konklużjonijiet adottati mill-Kunsill.

Dawn il-konklużjonijiet jiffukaw b'mod partikolari fuq it-tħaffif tal-proċess ta' rilokazzjoni li għaddej bħalissa; it-tisħiħ tal-fruntieri esterni tal-UE; il-ġlieda kontra t-traffikar u l-faċilitazzjoni tad-dħul klandestin ta' persuni; ir-ritorn u r-riammissjoni.

• Council Conclusions on Measures to handle the refugee and migration crisis

Fil-konklużjonijiet tiegħu l-Kunsill esprima wkoll appoġġ għad-deċiżjoni tal-Presidenza biex tittejjeb l-attivazzjoni tar-Rispons Politiku f'Sitwazzjonijiet ta' Kriżi (IPCR) minn modalità ta' kondiviżjoni tal-informazzjoni għal attivazzjoni kompleta.

L-Ewropa trid tibqa’ miftuħa, iżda Ewropa miftuħa tfisser li r-regoli li aħna stess stabbilixxejna għandhom jiġu rispettati, u li kulħadd għandu jaħdem flimkien biex jiżgura li dan iseħħ.” Jean Asselborn 

Jean Asselborn, il-Ministru Lussemburgiż għall-Immigrazzjoni u l-Asil u President tal-Kunsill qal: "Fis-sitwazzjoni li ninsabu fiha bħalissa huwa essenzjali li nnaqqsu l-influss ta' persuni sabiex dawn jistgħu jiġu ġestiti aħjar minn stati membri individwali. Huwa għalhekk li l-Kunsill tal-lum iffoka fuq l-implimentazzjoni u l-konsolidazzjoni ta’ deċiżjonijiet li diġà ttieħdu.”

• Riżultat tal-laqgħa tal-Kunsill

Ara wkoll:

• It-tiftix ta’ soluzzjonijiet għal pressjonijiet migratorji (informazzjoni ġenerali)