Kunsill Ġustizzja u Affarijiet Interni, 14/09/2015, 14 ta' Settembru 2015

Riżultati prinċipali

Qed niffaċċjaw sfida serja u urġenti. Il-laqgħa tal-lum għenitna biex nieħdu xi deċiżjonijiet politiċi importanti li ser jgħinuna nindirizzaw dik l-isfida...". Jean Asselborn, President tal-Kunsill

Il-Kunsill adotta deċiżjoni li tistabbilixxi miżuri proviżorji fil-qasam tal-protezzjoni internazzjonali għall-benefiċċju tal-Italja u l-Greċja.

Din id-deċiżjoni tistabbilixxi mekkaniżmu ta' rilokazzjoni temporanju u eċċezzjonali fuq sentejn mill-istati membri l-aktar esposti l-Italja u l-Greċja lejn stati membri oħrajn. Hija ser tapplika għal 40 000 persuna fi bżonn ċar ta' protezzjoni internazzjonali li waslu jew li qed jaslu fit-territorju ta' dawk l-istati membri mill-15 ta' Awwissu 2015 sas-16 ta' Settembru 2017.

• Il-Kunsill jaqbel dwar ir-rilokazzjoni mill-Greċja u l-Italja ta' 40 000 refuġjat

Il-ministri għall-affarijiet interni ngħataw tagħrif minn għadd ta’ aġenziji tal-UE u tan-Nazzjonijiet Uniti rigward l-aħħar informazzjoni dwar il-flussi migratorji u s-sitwazzjoni fuq il-post. 

Il-Ministri ġew infurmati wkoll dwar il-progress li sar fl-implimentazzjoni tal-miżuri l-aktar reċenti tal-UE u semgħu preżentazzjoni mill-Kummissjoni dwar il-proposti l-ġodda tagħha dwar il-migrazzjoni.

Il-presidenza fasslet sett ta’ konklużjonijiet li jistabbilixxi pjan ulterjuri ta’ azzjoni biex tiġi trattata l-kriżi migratorja attwali.

• Aqra t-test sħiħ tal-konklużjonijiet tal-presidenza

Jean Asselborn, il-Ministru tal-Lussemburgu għall-Immigrazzjoni u l-Asil u President tal-Kunsill qal: "Qed niffaċċjaw sfida serja u urġenti. Il-laqgħa tal-lum għenitna nieħdu xi deċiżjonijiet politiċi importanti li ser jgħinuna nindirizzaw dik l-isfida. Iżda m'għandniex ħafna żmien. Problema komuni titlob rispons kondiviż. Aħna lesti nużaw iż-żmien li fadlilna bħala Presidenza tal-Kunsill biex nipprogredixxu fir-rispons tagħna biex niffaċċjaw l-isfida flimkien".

• Eżitu tal-laqgħa tal-Kunsill
• It-tiftix ta’ soluzzjonijiet għal pressjonijiet migratorji (informazzjoni ġenerali)