Kunsill Ġustizzja u Affarijiet Interni

Kunsill Ġustizzja u Affarijiet Interni, 18/05/2017, 18 ta' Mejju 2017

Riżultati ewlenin

Riforma tas-sistema Ewropea komuni tal-asil

Il-ministri ddiskutew l-applikazzjoni effettiva tal-prinċipji tar-responsabbiltà u s-solidarjetà fil-kuntest tar-riforma tas-Sistema Ewropea Komuni tal-Asil. Il-presidenza ser tkompli tħabrek biex twettaq progress fil-ħidma dwar dan is-suġġett.

Il-prinċipju tas-solidarjetà hu minqux fit-Trattati tal-Unjoni Ewropea, u huwa d-dmir ta’ kull Stat Membru li jimplimenta dak li jkun intlaħaq qbil dwaru fil-Kunsilli preċedenti. Il-kwistjoni tal-migrazzjoni għadha teħtieġ azzjoni urġenti.”
Carmelo Abela, Ministru għall-Intern u s-Sigurtà Nazzjonali Malti

Ġlieda kontra l-kriminalità serja u organizzata

Il-Kunsill adotta konklużjonijiet dwar l-istabbiliment tal-prijoritajiet tal-UE għall-ġlieda kontra l-kriminalità serja u organizzata matul iċ-ċiklu ta' politika 2018-2021. Dawn il-konklużjonijiet jidentifikaw 10 prijoritajiet tal-UE dwar il-kriminalità: ċiberkriminalità, drogi, faċilitazzjoni tal-immigrazzjoni illegali, kriminalità organizzata dwar proprjetà, traffikar ta' bnedmin, frodi intrakomunitarja b'negozjant nieqes u dwar is-sisa, armi tan-nar, kriminalità ambjentali, finanzi kriminali u ħasil ta' flus, u frodi tad-dokumenti.

Sigurtà tal-avjazzjoni

Il-Kummissjoni Ewropea aġġornat lill-ministri dwar il-laqgħa li saret bejn l-UE u l-Istati Uniti fis-17 ta’ Mejju 2017 biex jiġu diskussi kwistjonijiet relatati mas-sigurtà tal-avjazzjoni u, b’mod partikolari, proċeduri ta’ sigurtà għal oġġetti elettroniċi kbar.

Punti oħra

Saru diskussjonijiet informali bejn il-ministri għall-intern u d-difiża, u l-ministri għall-intern u l-iżvilupp.

Illum kellna żewġ laqgħat konġunti interessanti ħafna mal-Ministri għad-Difiża u għall-Iżvilupp. Id-djalogu bejn id-diversi formazzjonijiet tal-Kunsill enfasizza l-ħtieġa għal aktar koordinament u koerenza fost il-politiki differenti u wieħed jittama li ser itejjeb l-effikaċja tal-ħidma tal-UE b'rabta mal-migrazzjoni u l-ġlieda kontra t-terroriżmu.”
Carmelo Abela, Ministru għall-Intern u s-Sigurtà Nazzjonali Malti

Dokumenti tal-laqgħat

Dokumenti ta' tħejjija

Dokumenti ta' eżitu

Tagħrif għall-istampa

Kuntatti għall-istampa

Laura Bérard Press officer
+32 471 33 09 49
+32 2 281 57 95

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.