"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Físchomhdháil neamhfhoirmiúil na n-airí iascaigh, 9 Meitheamh 2021
Na príomhthorthaí
An 9 Meitheamh 2021, tháinig airí iascaigh an Aontais le chéile trí fhíschomhdháil chun plé a dhéanamh ar an gcomhaontú sealadach maidir le deiseanna iascaireachta a tugadh i gcrích le déanaí idir an tAontas agus an Ríocht Aontaithe. Leis an gcomhaontú sin, cumhdaíodh deiseanna iascaireachta do 2021 agus, i gcás stoic dhomhainfharraige, do 2021 agus do 2022. Tar éis ráiteas tosaigh ón gcathaoirleach Ricardo Serrão Santos, Aire Farraige na Portaingéile, chuir an Coimisiún Eorpach na hairí ar an eolas faoi thoradh na gcomhairliúchán.
Rinneadh plé ina dhiaidh sin, inar ghabh na hairí buíochas leis an gCoimisiún as an obair chrua a rinne sé agus chuir siad in iúl go dtacaíonn siad leis an gcomhaontú sealadach, a mheas siad go bhfuil urraim leanúnach á tabhairt ann do cholúin shóisialta, chomhshaoil agus eacnamaíocha an Chomhbheartais Iascaigh, agus go gcuirtear ar fáil ann an chinnteacht a theastaíonn ó thionscal na hiascaireachta, agus go réitíonn sé an bealach do chomhairliúcháin amach anseo leis an Ríocht Aontaithe maidir le cearta iascaireachta.
Cloch mhíle atá sa chomhaontú sin sa chaidreamh idir an tAontas agus an Ríocht Aontaithe agus leagtar síos leis fasach láidir don chaibidlíocht a dhéanfar leis an Ríocht Aontaithe amach anseo maidir le deiseanna iascaireachta. Cuireann sé soiléireacht agus cobhsaíocht ar fáil d’iascairí, agus cinntíonn sé freisin go leanfar d’úsáid inbhuanaithe a bhaint as acmhainní muirí.
Ricardo Serrão Santos, Aire Gnóthaí Muirí na Portaingéile
Cúlra
Ag éirí togra ón gCoimisiún, ghlac an Chomhairle cinneadh i mí an Mhárta 2021 maidir leis an seasamh a bheidh le glacadh i gcomhairliúcháin dhéthaobhacha leis an Ríocht Aontaithe maidir le deiseanna iascaireachta do 2021 agus, i gcás stoic dhomhainfharraige, do 2021 agus do 2022. Bhí an seasamh sin bunaithe ar chuspóirí an Chomhbheartais Iascaigh, lena gcuirtear san áireamh gnéithe socheacnamaíocha, cinntí a bhunú ar an gcomhairle eolaíoch is fearr atá ar fáil, ar chothrom na Féinne agus ar urraim d'oibleagáidí idirnáisiúnta. Rachaidh Uachtaránacht na Portaingéile chun cinn anois le seasamh an Aontais Eorpaigh a fhormheas.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Cloch mhíle atá sa chomhaontú sin sa chaidreamh idir an tAontas agus an Ríocht Aontaithe agus leagtar síos leis fasach láidir don chaibidlíocht a dhéanfar leis an Ríocht Aontaithe amach anseo maidir le deiseanna iascaireachta. Cuireann sé soiléireacht agus cobhsaíocht ar fáil d’iascairí, agus cinntíonn sé freisin go leanfar d’úsáid inbhuanaithe a bhaint as acmhainní muirí.