"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għas-sajd, 9 ta' Ġunju 2021
Riżultati ewlenin
Fid-9 ta' Ġunju 2021, il-ministri tal-UE għas-sajd iltaqgħu permezz ta' vidjokonferenza biex jiddiskutu l-ftehim proviżorju dwar l-opportunitajiet tas-sajd li kien ġie konkluż reċentement bejn l-UE u r-Renju Unit. Dan il-ftehim kopra l-opportunitajiet tas-sajd għall-2021 u, għall-istokkijiet tal-baħar fond, għall-2021 u l-2022. Wara dikjarazzjoni tal-ftuħ mill-president Ricardo Serrão Santos, Ministru għall-Affarijiet Marittimi tal-Portugall, il-Kummissjoni Ewropea infurmat lill-ministri dwar l-eżitu tal-konsultazzjonijiet.
Imbagħad segwiet diskussjoni, li matulha l-ministri rringrazzjaw lill-Kummissjoni għall-ħidma iebsa tagħha u esprimew l-appoġġ tagħhom għall-ftehim proviżorju, li huma ħassew li jiżgura rispett kontinwu għall-pilastri soċjali, ambjentali u ekonomiċi tal-Politika Komuni tas-Sajd, jipprovdi ċ-ċertezza li l-industrija tas-sajd kienet teħtieġ, u jwitti t-triq għal konsultazzjonijiet futuri mar-Renju Unit dwar id-drittijiet tas-sajd.
Dan il-ftehim jirrappreżenta stadju importanti fir-relazzjonijiet bejn l-UE u r-Renju Unit u jistabbilixxi preċedent b'saħħtu għal negozjati futuri mar-Renju Unit dwar l-opportunitajiet tas-sajd. Dan jipprovdi ċarezza u stabbiltà għas-sajjieda, filwaqt li jiżgura wkoll li r-riżorsi tal-baħar ikomplu jintużaw b'mod sostenibbli.
Ricardo Serrão Santos, Ministru għall-Affarijiet Marittimi tal-Portugall
Kuntest
F'Marzu 2021, wara proposta tal-Kummissjoni, il-Kunsill adotta deċiżjoni dwar il-pożizzjoni li għandha tittieħed f'konsultazzjonijiet bilaterali mar-Renju Unit dwar l-opportunitajiet tas-sajd għall-2021 u, għall-istokkijiet tal-baħar fond, għall-2021 u l-2022. Din il-pożizzjoni kienet ibbażata fuq l-objettivi tal-Politika Komuni tas-Sajd, li jinkludu l-aspetti soċjoekonomiċi, it-teħid ta' deċiżjonijiet ibbażat fuq l-aqwa parir xjentifiku disponibbli, kondizzjonijiet ekwivalenti u r-rispett għall-obbligi internazzjonali. Il-presidenza Portugiża issa ser timxi 'l quddiem bl-approvazzjoni tal-pożizzjoni tal-UE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Dan il-ftehim jirrappreżenta stadju importanti fir-relazzjonijiet bejn l-UE u r-Renju Unit u jistabbilixxi preċedent b'saħħtu għal negozjati futuri mar-Renju Unit dwar l-opportunitajiet tas-sajd. Dan jipprovdi ċarezza u stabbiltà għas-sajjieda, filwaqt li jiżgura wkoll li r-riżorsi tal-baħar ikomplu jintużaw b'mod sostenibbli.