An Chomhairle Iomaíochais (an margadh inmheánach agus an tionsclaíocht), 26 Meán Fómhair 2024

Na príomhthorthaí

A bhfuil i ndán d’iomaíochas na hEorpa

Bhí plé ag na hairí maidir lena bhfuil i ndán d’iomaíochas na hEorpa, bunaithe ar nóta a d’ullmhaigh an Uachtaránacht. Rinne na hairí measúnú foriomlán ar an tuarascáil ó Mario Draghi dar teideal ‘Todhchaí an iomaíochais Eorpaigh’, agus phléigh siad na gnéithe den tuarascáil sin ba cheart a léiriú sa Chomhaontú Nua Eorpach maidir le hIomaíochas.

• Conclúidí ón gComhairle Eorpach, an 17-18 Aibreán 2024
• Conclúidí ón gComhairle maidir lena bhfuil i ndán don bheartas tionsclaíoch (an 24 Bealtaine 2024)
• Margadh Aonair chun tairbhe do chách (Conclúidí ón gComhairle, an 24 Bealtaine 2024)
• Clár oibre straitéiseach 2024-2029
• Beartas tionsclaíoch an Aontais (eolas cúlra)
• Tuairisc Enrico Letta <em>Much more than a market</em> [Margadh thar an gcoitiantacht]
• Tuarascáil Mario Draghi: A bhfuil i ndán d’iomaíochas na hEorpa
• Tosaíochtaí uachtaránacht na hUngáire ar Chomhairle an Aontais Eorpaigh
• Dearbhú Antuairp

Creat státchabhrach

Sa dara seisiún tuairimíochta a bhí ag na hairí, díríodh ar an gcreat státchabhrach agus ar an méid a chuireann sé le cuspóirí beartais an Aontais, bunaithe ar pháipéar cúlra a d’ullmhaigh Uachtaránacht na hUngáire.

Chuir na hairí a dtuairimí in iúl faoi na tograí maidir le státchabhair a cuireadh san áireamh sna tuarascálacha ó iar-phríomh-airí na hIodáile Enrico Letta agus Mario Draghi maidir leis an margadh inmheánach agus maidir leis an iomaíochas faoi seach. Rinne siad machnamh freisin arbh fhiú é a aistriú ó na rialacha creata sealadacha maidir le státchabhair go dtí na rialacha maidir le státchabhair a bhí ann roimh an ngéarchéim.

Ar deireadh, mhínigh na hairí conas, dar leo, a d’fhéadfaí leibhéal an chistithe phoiblí a chuireann le hiomaíochas an Aontais a mhéadú.

• Tuarascáil 2023 ar an mbeartas iomaíochta
• Margadh aonair an Aontais (eolas cúlra)

FBManna agus buntáistí an mhargaidh aonair

Le linn an lóin oibre, bhí seisiún tuairimíochta ag na hairí maidir le FBManna a bhaineann tairbhe as an margadh aonair.

Díríodh sa phlé ar na bearta is práinní is gá a dhéanamh san Aontas Eorpach chun rochtain ar an margadh inmheánach a fheabhsú do FBManna, lena n-áirítear comhar trasteorann, agus ar cheart an sainmhíniú ar FBManna agus ar chuideachtaí meánchaipitlithe beaga a oiriúnú do riachtanais thimpeallacht eacnamaíoch an 21ú haois.

• Tuairisc Enrico Letta <em>Much more than a market</em> [Margadh thar an gcoitiantacht]
• Tuarascáil Mario Draghi – Todhchaí iomaíochas na hEorpa
• Conclúidí maidir le todhchaí an mhargaidh aonair glactha ag an gComhairle, an 24 Bealtaine 2024
• Margadh aonair an Aontais (eolas cúlra)
• Tacaíocht d’fhiontair bheaga agus mheánmhéide (FBManna)

Gnó eile

Faoi aon ghnó eile, cuireadh na hairí ar an eolas faoi thrí shaincheist:

• ríomhthráchtáil (arna iarraidh sin do thoscaireacht na Gearmáine)
• tosaíochtaí don mhargadh inmheánaigh (arna iarraidh sin do thoscaireachtaí Phoblacht na Seice agus Lucsamburg)
• pointe faisnéise maidir leis an gcomhdháil in earnáil na ngluaisteán a d’eagraigh an uachtaránacht an lá roimhe sin.

D’fhormheas na hairí freisin míreanna A reachtacha agus neamhreachtacha, lena n-áirítear an Gníomh um Éigeandáil agus Athléimneacht an Mhargaidh Inmheánaigh (IMERA) agus bearta tionlacain (omnibus IMERA), chomh maith leis an Aerspás Eorpach Aonair 2+.

• Ullmhacht i gcomhair géarchéimeanna: an gníomh um éigeandáil agus athléimneacht sa mhargadh inmheánach glactha ag an gComhairle (preaseisiúint, an 26 Meán Fómhair 2024)
• Athchóiriú an aerspáis aonair: Seasamh ar an gcéad léamh glactha ag an gComhairle agus ag an bParlaimint chun feabhas a chur ar éifeachtúlacht bhainistiú an aerspáis san Aontas (preaseisiúint, an 26 Meán Fómhair 2024)
• An gníomh um éigeandáil agus athléimneacht sa mhargadh inmheánach (eolas cúlra)