Kunsill Kompetittività (Suq intern u industrija), 26 ta' Settembru 2024

Riżultati ewlenin

Il-futur tal-kompetittività Ewropea

Il-ministri kellhom diskussjoni dwar il-futur tal-kompetittività Ewropea, abbażi ta' nota mħejjija mill-presidenza. Il-ministri taw valutazzjoni ġenerali tar-rapport minn Mario Draghi intitolat "Il-futur tal-kompetittività Ewropea", u ddiskutew liema elementi ta' dan ir-rapport għandhom jiġu riflessi fil-Patt Ġdid dwar il-Kompetittività Ewropea.

• Konklużjonijiet tal-Kunsill Ewropew, 17-18 ta' April 2024
• Konklużjonijiet tal-Kunsill dwar il-futur tal-politika industrijali (24 ta' Mejju 2024)
• Suq uniku għall-benefiċċju ta' kulħadd (konklużjonijiet tal-Kunsill, 24 ta' Mejju 2024)
• Aġenda strateġika 2024-2029
• Il-politika industrijali tal-UE (informazzjoni ġenerali)
• Ir-rapport ta' Enrico Letta - Much more than a market
• Ir-rapport ta' Mario Draghi: Il-futur tal-kompetittività Ewropea
• Il-prijoritajiet tal-presidenza Ungeriża tal-Kunsill tal-UE
• Id-dikjarazzjoni ta' Antwerp

Il-qafas dwar l-għajnuna mill-istat

It-tieni skambju ta' fehmiet tal-ministri ffoka fuq il-qafas dwar l-għajnuna mill-istat u l-kontribut tiegħu għall-objettivi tal-politika tal-UE, abbażi ta' dokument ta' sfond imħejji mill-presidenza Ungeriża.

Il-ministri esprimew il-fehmiet tagħhom dwar il-proposti dwar l-għajnuna mill-istat li kienu inklużi fir-rapporti mill-eks Prim Ministri Taljani Enrico Letta u Mario Draghi dwar is-suq intern u l-kompetittività rispettivament. Huma rriflettew ukoll dwar jekk ikunx utli li wieħed jgħaddi mir-regoli qafas temporanji dwar l-għajnuna mill-istat għar-regoli ta' qabel il-kriżi dwar l-għajnuna mill-istat.

Fl-aħħar nett, il-ministri spjegaw kif, fil-fehma tagħhom, il-livell ta' finanzjament pubbliku li jikkontribwixxi għall-kompetittività tal-UE jista' jiżdied.

• Rapport dwar il-politika tal-kompetizzjoni fl-2023
• Is-suq uniku tal-UE (informazzjoni ġenerali)

L-SMEs u l-benefiċċji tas-suq uniku

Waqt ikla ta' ħidma, il-ministri kellhom skambju ta' fehmiet dwar kif l-SMEs jibbenefikaw mis-suq uniku.

Id-diskussjoni ffukat fuq il-miżuri li għandhom jittieħdu bl-aktar mod urġenti fl-Unjoni Ewropea biex jittejjeb l-aċċess għas-suq intern għall-SMEs, inkluża l-kooperazzjoni transfruntiera, u jekk id-definizzjoni ta' SMEs u kumpaniji żgħar b'kapitalizzazzjoni medja għandhiex tiġi adattata għall-ħtiġijiet tal-ambjent ekonomiku tas-seklu 21.

• Ir-rapport ta' Enrico Letta - Much more than a market
• Ir-rapport ta' Mario Draghi – Il-futur tal-kompetittività Ewropea
• Il-Kunsill jadotta konklużjonijiet dwar il-futur tas-suq uniku, 24 ta' Mejju 2024
• Is-suq uniku tal-UE (informazzjoni ġenerali)
• Appoġġ għall-intrapriżi żgħar u ta' daqs medju (SMEs)

Affarijiet oħra

Taħt affarijiet oħra, il-ministri ġew infurmati dwar tliet kwistjonijiet:

• il-kummerċ elettroniku (fuq it-talba tad-delegazzjoni Ġermaniża)
• il-prijoritajiet għas-suq intern (fuq it-talba tad-delegazzjoni Ċeka u dik Lussemburgiża)
• punt ta' informazzjoni dwar il-konferenza dwar il-karozzi organizzata mill-presidenza l-ġurnata ta' qabel.

Il-ministri approvaw ukoll punti A leġiżlattivi u mhux leġiżlattivi, inkluż l-Att dwar l-Emerġenza u r-Reżiljenza tas-Suq Intern (IMERA) u l-miżuri ta' akkumpanjament (IMERA omnibus), kif ukoll l-Ajru Uniku Ewropew 2+.

• Tħejjija għall-kriżijiet: il-Kunsill jadotta l-att dwar l-emerġenza u r-reżiljenza tas-suq intern (stqarrija għall-istampa, 26 ta' Settembru 2024)
• Riforma tal-ajru uniku: il-Kunsill jadotta pożizzjoni fl-ewwel qari biex tittejjeb l-effiċjenza tal-ġestjoni tal-ispazju tal-ajru fl-UE (stqarrija għall-istampa, 26 ta' Settembru 2024)
• Att dwar l-emerġenza u r-reżiljenza tas-suq intern (informazzjoni ġenerali)