Comhairle na nGnóthaí Eacnamaíocha agus Airgeadais, 08/12/2015, 8 Nollaig 2015

Na príomhthorthaí

Cánachas corparáideach

Rinne an Chomhairle roinnt cinntí maidir le cánachas corparáideach.
Ghlac sí Treoir maidir le rialuithe cánach trasteorann, rud a chuirfidh le trédhearcacht na rialuithe cánach a thugann na Ballstáit do ghnólachtaí faoin mbealach a ndéanfar cáin a ghearradh orthu.

Ba mhórthosaíocht don Uachtaránacht Lucsamburgach é go nglacfaí an Treoir thábhachtach seo laistigh de thréimhse ghairid, agus glacadh.” arsa Pierre Gramegna, Aire Airgeadais Lucsamburg agus Uachtarán na Comhairle

"Ba mhórthosaíocht don Uachtaránacht Lucsamburgach é go nglacfaí an Treoir thábhachtach seo laistigh de thréimhse ghairid, agus glacadh.” arsa Pierre Gramegna, Aire Airgeadais Lucsamburg agus Uachtarán na Comhairle. "Tá comhartha láidir á chur amach ag an Eoraip anois ar mhaithe le cothromas cánachais do ghnólachtaí ar fud na cruinne."

Phléigh an Chomhairle bearta gaolmhara arb é is aidhm leo fáil réidh leis an imghabháil chánach corparáide. Ghlac sí Conclúidí maidir lena bhfuil le déanamh anois le cód iompair an chánachais ghnó agus maidir le hobair ECFE i ndáil le creimeadh an bhoinn chánach agus aistriú an bhrabúis (BEPS) a chur chun feidhme. Rinne sí athbhreithniú freisin ar an dul chun cinn atá déanta i dtaca le cur i gcoinne chreimeadh an bhoinn chánach agus aistriú an bhrábúis i dtogra le haghaidh bonn comhdhlúite amháin a bheith ann san Aontas Eorpach don cháin chorparáideach.

"Tá dul chun cinn thar na bearta déanta againn sa phlé teicniúil i dtaca leis an ábhar seo”, a dúirt an tUasal Gramegna. “Léiríonn sé sin cé chomh dáiríre atá muid faoi mholtaí ECFE maidir le creimeadh an bhoinn chánach agus aistriú an bhrábúis a chur chun feidhme, ar bhealach tapa, comhordaithe.”

Aontas na margaí caipitil

D’fhormhuinigh an Chomhairle comhaontú ar thángthas air ar leibhéal na gcoistí chun margadh urrúsúcháin a fhorbairt san Eoraip, ar cuid é de phleananna níos leithne ná sin i ndáil le hAontas na Margaí Caipitil.

Caithfear na tograí seo a chaibidliú le Parlaimint na hEorpa, agus meastar go mbeidh siad ina gcabhair chun foinsí breise airgeadais a chur ar fáil, go háirithe do FMBanna agus do ghnólachtaí nuathionscanta.

"Tá ag loiceadh ar an margadh urrúsúcháin faoi láthair agus caithfear gníomhú láithreach má táimid lena athbheochan”, arsa an tUasal Gramegna. “Measaimid gur ábhar ríthábhachtach é seo do gheilleagar na hEorpa.”

Comhaontuithe cánachais le Lichtinstéin, le San Mairíne agus leis an Eilvéis 

D’fhormheas an Chomhairle comhaontuithe cánachais a tugadh chun críche le Lichtinstéin agus leis an Eilvéis, agus cheadaigh go síneófaí comhaontú le San Mairíne.

Beidh na trí chomhaontú ina gcabhair leis na hiarrachtaí atá á ndéanamh deireadh a chur leis an imghabháil chánach, ós rud é go gceanglaítear leo go ndéanfaí faisnéis faoi choigilteoirí príobháideacha a chomh-mhalartú go huathoibríoch. Leis sin, beidh teacht níos fearr ag lucht riaracháin chánach ar fhaisnéis chuntais airgeadais a gcuid coigeoilteoirí féin i dtíortha eile.

Rinneadh an comhaontú le San Mairíne a shíniú díreach tar éis chruinniú na Comhairle.

Beoshruth, físeáin agus grianghraif

• Beoshruth na seisiún poiblí agus na n-imeachtaí preasa
• Videos and photos for the meeting, Ecofin Council, 8 December 2015