An Chomhairle Comhshaoil, 06/03/2015, 6 Márta 2015

Na príomhthorthaí

An t-athrú aeráide

Phléigh an Chomhairle an t-ullmhúcháin atá á dhéanamh do Chomhdháil na Náisiún Aontaithe maidir leis an athrú aeráide a bheidh ar siúl i bPáras i mí na Nollag. Tá sé d’aidhm ag an gComhdháil comhaontú domhanda uaillmhianach atá ceangailteach ó thaobh an dlí a ghlacadh a bheidh le cur chun feidhme ó 2020 ar aghaidh.

Mar chuid den ullmhúchán, ghlac an Chomhairle an tíolacadh maidir leis an, Méid, arna Chinneadh go Náisiúnta, a bhfuil sé ar Intinn ag na tíortha cur leis (INDC) de chuid an Aontais Eorpaigh agus na mBallstát.

Deimhnítear leis an tíolacadh go bhfuil an tAontas agus a chuid Ballstát tiomanta don sprioc ceangailteach de laghdú 40% ar a laghad ar astaíochtaí gás ceaptha teasa faoi 2030 i gcomparáid le 1990, a bheidh le comhlíonadh go comhpháirteach, mar a leagtar amach sna Conclúidí ón gComhairle Eorpach i mí Dheireadh Fómhair 2014.

Seoladh an tíolacadh inniu chuig Rúnaíocht UNFCCC a bheidh le foilsiú ar a láithreán gréasáin.

Chuir Aire um Chosaint Comhshaoil na Laitvia, Kaspars Gerhards i dtreis "go mbeidh gá le taidhleoireacht aeráide atá dírithe agus uilechuimsitheach, an bhliain seo, ionas go gcruthófar na comhaontais is gá le go mbeidh chomhaontú uaillmhianach i bPáras.” 

An tAontas Fuinnimh

Thug an Chomhairle aghaidh ar shaincheisteanna aeráide maidir leis an Aontas Fuinnimh, agus í ag díriú ar an ngeilleagar a dhícharbonú.  

Tá sineirgí ann idir éifeachtúlacht acmhainní agus an digitiú, a bhfuil gá ann iad a fhiosrú agus tagann sé sin chun cinn ag tráth caoithiúil chun cur le straitéis an Aontais don mhargadh aonair digiteach.” Kaspars Gerhards, Aire um Chosaint Comhshaoil na Laitvia 

An Suirbhé Bliantúil Fáis

Phléigh na hairí na gnéithe a bhaineann leis an gcomhshaol den Suirbhé Bliantúil Fáis ar mhaithe leis an athbhreithniú meántéarma ar an straitéis Eoraip 2020.

Dhírigh na hairí ar an gcaoi ina bhféadfadh an straitéis cuidiú ar an mbealach is fearr le geilleagar ísealcharbóin, ciorclach a bheidh tíosach ar acmhainní a bhaint amach.

An clár oibre forbartha ó 2015 ar aghaidh

Rinne an Chomhairle measúnú ar na forbairtí is déanaí sa chaibidlíocht maidir leis an clár oibre forbartha ó 2015 ar aghaidh, a bheidh le glacadh ag cruinniú mullaigh Chomhthionól Ginearálta na Náisiún Aontaithe i mí Meán Fómhair 2015.

I gcaitheamh an lóin bhí malartú tuairimí ag na hairí leis an nGníomhaireacht Eorpach Chomhshaoil faoi na torthaí ón tuarascáil a bhí aici le déanaí "An Comhshaol Eorpach 2015 — mar atá anois agus mar a bheidh”.

Ina theannta sin, ghlac an Chomhairle, gan díospóireacht, cinneadh maidir le haontachas an Aontais Eorpaigh leis an gCoinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES). 

• Toradh chruinniú na Comhairle