An Chomhairle Comhshaoil, 17/12/2014, 17 Nollaig 2014

Tháinig an Chomhairle ar chomhaontú polaitiúil maidir le hastaíochtaí CO2 ó longa

Ag an gcruinniú a bhí acu an 17 Nollaig 2014 sa Bhruiséil, tháinig Airí Comhshaoil AE ar chomhaontú polaitiúil faoi na rialacha nua uile-Aontais i ndáil le faireachán, tuairisciú agus fíorú a dhéanamh ar astaíochtaí CO2 ó longa.

Faoi láthair is í an loingseoireacht mhuirí idirnáisiúnta an t-aon bhealach iompair nach bhfuil ar áireamh i ngealltanas an Aontais maidir le hastaíochtaí gás ceaptha teasa a laghdú. Is í an chéad chéim i gcur chuige oiriúnaithe faireachán a dhéanamh ar astaíochtaí CO2 ó longa d'fhonn astaíochtaí gás ceaptha teasa a laghdú san earnáil sin freisin. 

Glacfar comhsheasamh foirmiúil tráth níos faide anonn, tar éis do shaineolaithe dlí/teangeolaíochta an téacs a fhéachaint.

• Astaíochtaí ó earnáil na loingseoireachta a laghdú

Málaí plaisteacha

Tháinig an Chomhairle ar chomhaontú polaitiúil maidir le dréacht-treoir chun úsáid málaí plaisteacha éadroma a laghdú. Is í an aidhm atá leis na rialacha nua an tionchar diúltach ar an gcomhshaol a bhíonn ag bruscar ó mhálaí siopadóireachta plaisteacha a theorannú.

De réir dlí nua an Aontais beidh ar rialtais rogha a dhéanamh táille a thabhairt isteach ar mhálaí plaisteacha aonúsáide faoi dheireadh 2018 nó bearta a ghlacadh chun a n-úsáid a laghdú.

Glacfar comhsheasamh foirmiúil tráth níos faide anonn, tar éis do shaineolaithe dlí/teangeolaíochta an téacs a sheiceáil.

Na príomhábhair eile ar an gclár oibre

Tháinig an Chomhairle ar chur chuige ginearálta maidir le dréacht-treoir d'fhonn astaíochtaí truailleán áirithe san aer ó ghléasraí dócháin meánmhéide a theorannú.  Rinne na hAirí an méid seo a leanas freisin:

• phléigh siad clár oibre an Choimisiúin do 2015, go háirithe an Pacáiste don Gheilleagar Ciorclach agus an Pacáiste Aeir Ghlain
• dheimhnigh siad comhaontú polaitiúil maidir leis an bpacáiste lenar daingníodh leasú Doha, le hionchas a dhaingniú agus a chur chun feidhme teicniúil a chumasú
• phléigh siad an staid mar atá maidir le dréacht-chinneadh chun cúltaca cobhsaíochta margaidh a bhunú do scéim AE maidir le trádáil astaíochtaí (STA AE)