An Chomhairle Fostaíochta, Beartais Shóisialta, Sláinte agus Gnóthaí Tomhaltóirí, 23/10/2017, 23 Deireadh Fómhair 2017

Na príomhthorthaí

Postú oibrithe

Tháinig an Chomhairle ar chomhaontú i ndáil leis an treoir maidir le hoibrithe a phostú. Leis an bpíosa nua reachtaíochta, áirítear cearta na n-oibrithe ar phostú, iomaíocht chóir agus Margadh Aonair a fheidhmíonn go cuí.

"Tá áthas orm gur chomhaontaigh an Chomhairle a seasamh ar shaincheist atá chomh tábhachtach agus chomh íogair sin. Agus tá mé sásta, go háirithe go raibh tacaíocht leathan ann dár gcomhréiteach i ndiaidh plé fada. Tá cothromaíocht chaolchúiseach bainte amach sa téacs deiridh. Ar lámh amháin, tá sé ríthábhachtach a áirithiú go gcaithfear i gceart lenár n-oibrithe. Dóibh siúd a dhéanann an post céanna ag an áit chéanna, ba cheart na cúinsí oibre agus pá céanna a bheith acu. Ar an lámh eile, ná cruthaímis baic nach gá ar shaorghluaiseacht seirbhísí - mar shampla in earnáil an iompair, atá, ar ndóigh, soghluaiste.” Jevgeni Ossinovski, Aire Sláinte agus Saothair na hEastóine

• Oibrithe a phostú: An Chomhairle tagtha ar chomhaontú (preasráiteas, 23/10/2017)

Comhordú na gcóras slándála sóisialta

Tháinig an Chomhairle ar chur chuige ginearálta páirteach don rialachán maidir le comhordú na gcóras slándála sóisialta. Baineann an comhaontú páirteach sin leis na caibidlí faoin rochtain a bheidh le fáil ag saoránaigh nach bhfuil gníomhach go heacnamaíoch ar chúnamh sóisialta, agus leis na caibidlí faoi fhorálacha infheidhme na reachtaíochta. Leis an gcomhaontú seo, soiléirítear an tír ina gcaithfidh an duine ranníocaíochtaí slándála sóisialta a íoc i gcásanna fostaíochta trasteorann. Beidh seo ina chabhair do dhaoine, do chuideachtaí agus don lucht riaracháin náisiúnta.

• Cur chuige ginearálta páirteach don rialachán maidir le comhordú na gcóras slándála sóisialta

Colún Eorpach na gCeart Sóisialta

D’fhormheas an Chomhairle an forógra idirinstitiúideach maidir le Colún Eorpach na gCeart Sóisialta. Díríonn an Colún ar an aqcuis sóisialta a neartú agus ar chearta níos éifeachtaí a thabhairt do shaoránaigh. Croíghné an cholúin is ea sraith de 20 príomhphrionsabal agus príomhcheart chun tacú le margaí saothair agus córais leasa shóisialta chothroma a fheidhmíonn go maith. Fógróidh Parlaimint na hEorpa, an Chomhairle agus an Coimisiún le chéile an Colún le linn an Chruinnithe Mullaigh do phoist chóra agus d’fhás in Göteborg ar an 17 Samhain 2017.

• Colún na gCeart Sóisialta: Cead fógartha tugtha ag an gComhairle do na hinstitiúidí (preaseisiúint, 23/10/2017)
• Colún Eorpach na gCeart Sóisialta (An Coimisiún Eorpach)

An Seimeastar Eorpach

Maidir leis an Seimeastar Eorpach, d’fhormhuinigh an Chomhairle príomhtheachtaireachtaí an Choiste Fostaíochta agus an Choiste um Chosaint Shóisialta.

• Fostaíocht agus anailís shóisialta (an Coimisiún Eorpach)