Kunsill Impjiegi, Politika Soċjali, Saħħa u Affarijiet tal-Konsumatur, 23/10/2017, 23 ta' Ottubru 2017

Riżultati ewlenin

Stazzjonar ta' ħaddiema

Il-Kunsill laħaq qbil dwar id-direttiva dwar l-istazzjonar ta' ħaddiema. Dan l-att leġislattiv ġdid jiżgura d-drittijiet tal-ħaddiema stazzjonati, kompetizzjoni ġusta u Suq Uniku li jiffunzjona sew.

"Ninsab kuntent li l-Kunsill qabel dwar il-pożizzjoni tiegħu dwar kwistjoni importanti u sensittiva bħal din. U ninsab partikolarment kuntent li wara negozjati twal, kien hemm appoġġ ġenerali għall-kompromess tagħna. It-test finali jsib bilanċ delikat. Minn naħa, huwa essenzjali li jiġi żgurat li l-ħaddiema tagħna huma ttrattati b’mod ġust. Persuni li jagħmlu l-istess xogħol fl-istess post għandu jkollhom ukoll l-istess kundizzjonijiet tax-xogħol u tal-paga. Min-naħa l-oħra, ma għandniex noħolqu ostakli bla bżonn għall-moviment liberu tas-servizzi - pereżempju fis-settur tat-trasport li huwa mobbli min-natura ." Jevgeni Ossinovski, Ministru għas-Saħħa u x-Xogħol tal-Estonja

• Stazzjonar ta' ħaddiema: Il-Kunsill jilħaq qbil (stqarrija għall-istampa, 23/10/2017)

Koordinazzjoni tas-sistemi tas-sigurtà soċjali

Il-Kunsill laħaq approċċ ġenerali parzjali għar-regolament dwar il-koordinazzjoni tas-sistemi tas-sigurtà soċjali. L-approċċ parzjali jikkonċerna l-kapitoli dwar l-aċċess ta' ċittadini mhux attivi ekonomikament għall-assistenza soċjali u dwar id-dispożizzjonijiet tal-leġislazzjoni applikabbli. Dan il-ftehim jiċċara f’liema pajjiż il-persuna trid tħallas il-kontribuzzjonijiet tas-sigurtà soċjali f’sitwazzjonijiet ta’ impjieg transkonfinali. Dan ser ikun ta’ għajnuna għan-nies, il-kumpaniji u l-amministrazzjonijiet nazzjonali.

• L-approċċ ġenerali parzjali dwar il-koordinazzjoni tas-sistemi tas-sigurtà soċjali u r-regolamentazzjoni

Il-Pilastru Ewropew tad-Drittijiet Soċjali

Il-Kunsill approva l-proklamazzjoni interistituzzjonali dwar il-Pilastru Ewropew tad-drittijiet soċjali. Il-Pilastru għandu l-għan li jsaħħaħ l-acquis soċjali u li jagħti aktar drittijiet effettivi liċ-ċittadini. L-element ewlieni tal-Pilastru huwa sett ta’ 20 prinċipju u dritt ewlenin biex jappoġġaw swieq tax-xogħol u sistemi ta' protezzjoni soċjali ġusti u li jaħdmu tajjeb. Il-Pilastru ser jiġi pproklamat b’mod konġunt mill-Parlament Ewropew, il-Kunsill u l-Kummissjoni matul is-Summit għall-impjiegi ġusti u t-tkabbir f’Gothenburg fis-17 ta’ Novembru.

• Il-Pilastru tad-Drittijiet Soċjali: Il-Kunsill japprova l-proklamazzjoni mill-istituzzjonijiet (stqarrija għall-istampa, 23/10/2017)
• Il-Pilastru Ewropew tad-Drittijiet Soċjali (Kummissjoni Ewropea)

Semestru Ewropew

Dwar is-Semestru Ewropew, il-Kunsill approva l-messaġġi ewlenin tal-Kumitati tal-Impjiegi u l-Protezzjoni Soċjali.

• Analiżi fil-qasam soċjali u f'dak tal-impjiegi (Kummissjoni Ewropea)