An Grúpa Euro, 24/05/2018, 24 Bealtaine 2018

Na príomhthorthaí

Tionóladh cruinniú an Ghrúpa Euro in dhá fhoirmíocht - gnáthchruinniú idir airí an limistéir euro a bhí sa chéad chuid agus ina dhiaidh sin bhí cruinniú ag airí as 27 mBallstát an Aontais.

Cruinniú an Ghrúpa Euro sa ghnáthfhoirmíocht

Clár coigeartaithe eacnamaíoch na Gréige

Cuireadh an Grúpa Euro ar an eolas faoin gcomhaontú ar leibhéal na foirne a chuir na hinstitiúidí agus údaráis na Gréige i gcrích ar an 19 Bealtaine. Is faoin nGréig anois a bheidh sé na hathchóirithe comhaontaithe a chur i bhfeidhm go rathúil roimh an gcruinniú a bheidh ag an nGrúpa Euro i mí an Mheithimh.

Lean an Grúpa Euro lena idirphlé ar bhearta féideartha fiachais mar ullmhúchán do na cinntí atá beartaithe don chruinniú a bheidh ag an nGrúpa Euro i mí an Mheithimh.

Tá an ceathrú hathbhreithniú, arb é an ceann deireanach é, ar chlár coigeartaithe eacnamaíoch na Gréige ar siúl anois. Is ar an 20 Lúnasa 2018 a rachaidh an clár in éag go foirmiúil.

• Ráiteas ó na hinstitiúidí Eorpacha maidir leis an gcomhaontú, ar leibhéal na foirne, ar thángthas air le húdaráis na Gréige (19 Bealtaine 2018)
• An Ghréig: an tríú clár coigeartaithe eacnamaíoch (faisnéis chúlra)
• Amlíne: an tríú clár cúnaimh airgeadais don Ghréig (faisnéis chúlra)

An staid eacnamaíoch sa limistéar euro: réamhaisnéis an earraigh ón gCoimisiún Eorpach

Chuir an Coimisiún Eorpach réamhaisnéisan earraigh 2018, a foilsíodh ar an 3 Bealtaine, i láthair.

• Réamhaisnéis eacnamaíoch na hEorpa. Earrach 2018

Plé téamach ar an bhfás agus ar phoist: athbhreithnithe ar chaiteachas

Lean an Grúpa Euro den phlé ar na hathbhreithnithe ar chaiteachas, an uair seo ag díriú ar an dúshlán a bhaineann le freagracht a áirithiú agus na hathbhreithnithe ar chaiteachas ar bun. Phléigh airí as Éirinn agus as an Spáinn taithí a dtíortha féin agus na ceachtanna a d'fhoghlaim siad ó na hathbhreithnithe ar chaiteachas a cuireadh i gcrích le déanaí.

Phléigh an Grúpa Euro an t-ábhar seo i Meitheamh na bliana seo caite agus i Meán Fómhair 2016, nuair a ghlac an Grúpa Euro comhphrionsabail chun leithdháileadh caiteachais a fheabhsú.

Cuidíonn na hathbhreithnithe ar chaiteachasle rialtais réimsí a aimsiú ina bhfuil coigilteas agus gnóthachan éifeachtúlachta le déanamh agus ina bhféadfaí luach níos mó ar airgead a fháil ó thaobh caiteachais de.

• Cáilíocht an airgeadais phoiblí: Feabhas a chur ar an bhfreagracht i gcás athbhreithnithe ar chaiteachas (nóta teicniúil faisnéise ón gCoimisiún Eorpach)

Cruinniú san fhoirmíocht chuimsitheach

An t-aontas baincéireachta agus an Sásra Cobhsaíochta Eorpach (SCE)

Bhí malartú tuairimí ag airí airgeadais as 27 mBallstát de chuid an Aontais maidir leis an aontas baincéireachta a chur i gcrích agus maidir leis an ról a bheidh ag SCE feasta. Bhreathnaigh siad ar an dul chun a rinneadh go nuige seo agus phléigh siad an bealach ar aghaidh mar ullmhúchán don chruinniú a bheidh ag na ceannairí i mí an Mheithimh.