An Grúpa Euro, 21/06/2018, 21 Meitheamh 2018

Na príomhthorthaí

Tharla cruinniú an Ghrúpa Euro in dhá fhormáid: cruinniú rialta le hairí an limistéir euro, agus cruinniú na n-airí as 27 mBallstát de chuid an Aontais chun todhchaí an Aontais Eacnamaíoch agus Airgeadaíochta a phlé.

15.00 - Cruinniú an Ghrúpa Euro sa ghnáthfhormáid

Clár coigeartaithe eacnamaíoch na Gréige

Phléigh an Grúpa Euro an ceathrú hathbhreithniú (arb é an ceann deireanach é) ar chlár coigeartaithe eacnamaíoch na Gréige, agus d'aontaigh sé na bearta lena dtacófar leis an nGréig an clár a chríochnú go rathúil i mí Lúnasa na bliana seo.

Ghlac sé ráiteas ina gcuirtear síos ar an gcomhaontú, a áiríonn an creat faireachais a mbeidh feidhm leis tar éis an chláir, méid an tráinse dheireanaigh de thacaíocht airgeadais ó SCE, na bearta fiachais agus na spriocanna fioscacha a bheidh ann.

• Ráiteas ón nGrúpa Euro maidir leis an nGréig, 22 Meitheamh 2018
• Iarscríbhinn athbhreithnithe i ráiteas ón nGrúpa Euro maidir leis an nGréig, an 22 Meitheamh 2018
• Bileoga eolais - Céim nua don Ghréig (An Coimisiún Eorpach)
• Amlíne: an tríú clár cúnaimh airgeadais don Ghréig (faisnéis chúlra)
• Ráiteas ón nGrúpa Euro maidir leis an nGréig (preaseisiúint, 25/05/2016)
• Ráiteas ón nGrúpa Euro maidir leis an nGréig (preaseisiúint, 15/06/2017)

Comhairliúchán CAI faoi Airteagal IV leis an limistéar euro

Rinne an Grúpa Euro tuairimí a mhalartú maidir le cur i láthair an Chiste Airgeadaíochta Idirnáisiúnta (CAI) ar thoradh a chomhairliúcháin faoi Airteagal IV leis an limistéar euro. Táthar ag súil go bhfoilseodh CAI an tuarascáil chríochnaitheach go luath.

I mbliana, dhírigh an comhairliúchán ar bheartais náisiúnta agus ar bheartais ar an leibhéal Eorpach, agus iad dírithe ar gheilleagar an limistéir euro a chosaint ó thurraingí amach anseo.

Téann CAI i gcomhairle lena chomhaltaí féin go léir ar an dóigh sin gach bliain, idir thíortha ar leith agus aontais airgeadra, an limistéar euro san áireamh. Déantar amhlaidh i gcomhréir le hAirteagal IV d'Airteagail Chomhaontaithe CAI.

• Airteagail Chomhaontaithe an Chiste Airgeadaíochta Idirnáisiúnta

Dréachtphlean buiséadach nuashonraithe na Spáinne

Rinne an Grúpa Euro tuairimí a mhalartú agus ghlac sé ráiteas ar dhréachtphlean buiséadach nuashonraithe na Spáinne le haghaidh 2018.

• Ráiteas ón nGrúpa Euro maidir le dréachtphleananna buiséadacha nuashonraithe na Spáinne le haghaidh 2018 (preaseisiúint, 22 Meitheamh 2018)
• Tuairim ón gCoimisiún maidir le dréachtphlean buiséadach nuashonraithe na Spáinne
• Doiciméad inmheánach oibre de chuid an Choimisiúin: Anailís ar dhréachtphlean buiséadach nuashonraithe na Spáinne

An Chipir: faireachas iarchláir

Chuir an Coimisiún Eorpach agus BCE an Grúpa Euro ar an eolas maidir le príomhthorthaí an cheathrú misean faireachais iarchláir dá gcuid go dtí an Chipir, a bhí ar siúl idir an 19 agus an 23 Márta 2018.

Chuir an Sásra Cobhsaíochta Eorpach na torthaí a bhaineann leis an gcóras réamhrabhaidh i láthair; Ag an am céanna, rinne CAI an dara misean faireacháin iarchláir a chur i gcrích.

Is é is aidhm leis an bhfaireachas iarchláir aon rioscaí a bhrath maidir le cumas na tíre iasachtaí a fuarthas faoi chlár coigeartaithe ní ba luaithe a aisíoc. Leantar den fhaireachas go dtí go mbíonn 75 % ar a laghad den iasacht aisíoctha.

• Ráiteas a rinne foireann an Choimisiúin Eorpaigh agus an Bhainc Ceannais Eorpaigh, i ndáil leis an gceathrú misean faireachais iarchláir go dtí an Chipir
• Ceisteanna coitianta maidir le Córas Réamhrabhaidh SCE

Clár oibre an Ghrúpa Euro don dara seimeastar de 2018

Ghlac an Grúpa Euro a chlár oibre don dara leath den bhliain seo.

• Clár oibre an Ghrúpa Euro don dara leath de 2018

Ábhair eile ar an gclár oibre

Chuir Giovanni Tria, Aire Geilleagair agus Airgeadais na hIodáile agus Nadia Calviño, Aire Geilleagair, Tionscail agus Iomaíochais na Spáinne tosaíochtaí beartais a rialtas i láthair faoi seach. Gnáthchleachtas de chuid an Ghrúpa Euro é seo nuair a thagann rialtais nua i mbun oifige.

18.30 — Cruinniú de na 27 mBallstát

Ullmhúchán do Chruinniú Mullaigh Euro an Mheithimh: neartú an Aontais Eacnamaíoch agus Airgeadaíochta (AEA)

Tháinig an Grúpa Euro le chéile i bhformáid oscailte chuimsitheach chun Cruinniú Mullaigh Euro an 29 Meitheamh 2018 a ullmhú.

Díríodh sa phlé ar chéimeanna breise san aontas baincéireachta agus ar athchóiriú an tSásra Cobhsaíochta Eorpaigh. Ina theannta sin, thrácht na hairí ar shaincheisteanna fioscacha, lenar áiríodh acmhainneacht fhioscach fhéideartha an limistéir euro.

• Cruinniú Mullaigh Euro, 15 Nollaig 2017
• Cruinniú Mullaigh Euro, 23 Márta 2018
• Cruinniú Mullaigh Euro, 29 Meitheamh 2018
• Conclúidí ón gComhairle maidir le treochlár chun an tAontas Baincéireachta a chomhlánú (17/6/2016)