An Chomhairle Gnóthaí Eachtracha, 15/12/2014, 15 Nollaig 2014

Straitéis réigiúnach de chuid AE don tSiria agus don Iaráic

Ba iad an tSiria agus an Iaráic príomhthéamaí na Comhairle Gnóthaí Eachtracha. Eagraíodh an chéad Chomhairle Comhlachais AE-na hÚcráine freisin agus cruinniú na Comhairle ar siúl.

An tSiria agus an Iaráic

Léirigh airí Gnóthaí Eachtracha AE an athuair, ag an gcruinniú a bhí acu sa Bruiséil, go dtacaíonn siad go hiomlán le Staffan de Mistura, Toscaire Speisialta na Náisiún Aontaithe le haghaidh na Siria, agus é i mbun an foréigean a mhaolú agus an bonn do phróiseas polaitiúil níos leithne a shocrú. Oibreoidh AE leis na gníomhaithe uile a d’fhéadfadh a bheith mar chuid den réiteach ar ghéarchéim na Siria.

Tháinig airí AE ar chomhaontú freisin maidir le bearta nithiúla:

• tacú le pleananna chun stop a chur leis an gcogaíocht, go háirithe in Aleppo
• maidir le cabhair dhaonnúil  

Gheall na hairí go dtacóidís go hiomlán le rialtas na hIaráice maidir le beartais chuimsitheacha a fhorbairt agus maidir le dul chun cinn a dhéanamh i ndáil le hathmhuintearas.

Beidh a dtiocfaidh as plé airí an Aontais ina chuidiú le hullmhú straitéise réigiúnaí cuimsithí de chuid AE maidir leis an tSiria agus an Iaráic mar aon le bagairt ISIL/Da’esh.

Ítimí eile ar an gclár oibre

Phléigh airí gnóthaí eachtracha AE ionchais na Boisnia agus na Heirseagaivéine maidir le ballraíocht AE a bhaint amach. Bheartaigh siad próiseas a sheoladh ar bhonn nua gan athrú a dhéanamh ar na coinníollacha a ghabhann le próiseas an mhéadaithe.

Déanfaidh an Chomhairle cinneadh maidir le teacht i bhfeidhm Comhaontaithe Cobhsaíochta agus Comhlachais nuair a thacóidh ceannairí uile BiH agus Parlaimint BiH leis na hathchóirithe riachtanacha.

Ar deireadh, rinne comhordaitheoir an Aontais don Ebola faisnéis a thabhairt do na hairí faoin bhfreagairt Eorpach ar an ráig.

Maidir leis an Úcráin, dhearbhaigh an Chomhairle gur thángthas ar chomhaontú i bprionsabal faoi thogra le haghaidh bearta sriantacha breise de chuid AE mar fhreagairt ar nasc-ghabháil mhídhleathach na Crimé agus Sevastopol.

D’fhormheas airí AE roinnt míreanna eile gan iad a phlé ("ítimí-A"):

• conclúidí maidir le Poblacht na hAfraice Láir
• conclúidí maidir leis an tSúdáin Theas
• conclúidí maidir le tionscnamh infheistíochta na Meánmhara Theas (AMICI)
• ceapadh an Ghinearáil Mikhail Kostarakos ón nGréig mar Chathaoirleach nua ar Choiste Míleata AE
• Bearta AE i gcoinne iomadú na n-arm ollscriosta, agus na mionarm agus i réigiún na Saiheile

An chéad chruinniú de Chomhairle Comhlachais AE-na hÚcráine

An 15 Nollaig, d'aithin an Chomhairle Comhlachais gur gá dlús a chur le hathchóirithe polaitiúla agus eacnamaíocha san Úcráin chun an Comhaontú Comhlachais a chur chun feidhme. 

Phléigh an Príomh-Aire Yatsenyuk agus an tArdionadaí Mogherini an choinbhleacht atá ar siúl faoi láthair in oirthear na hÚcráine chomh maith le neamhaitheantas a bheith á thabhairt ag AE don nasc-ghabháil mhídhleathach a rinne an Rúis maidir leis an gCrimé agus Sevastopol.