An Chomhairle Gnóthaí Eachtracha, 21/11/2014, 21 Samhain 2014

Ag bogadh ar aghaidh leis an gComhpháirtíocht Trádála agus Infheistíochta Thrasatlantach (TTIP)

Ag cruinniú de chuid na Comhairle Gnóthaí Eachtracha maidir le saincheisteanna trádála, dhearbhaigh an Chomhairle a tiomantas comhaontú a thabhairt chun críche leis na Stáit Aontaithe a luaithe is féidir.

Cuirfear dlús faoi chruthú post agus faoin bhfás san Aontas leis an TTIP 

Ba cheart go gcuirfí deiseanna nua do shaoránaigh agus do chuideachtaí ar fáil san Aontas agus sna Stáit Aontaithe leis an TTIP.Beidh ról ag cur chun críche an chomhaontaithe sin le beartas eachtrach an Aontais, rud a neartófar an chomhpháirtíocht thrasatlantach straitéiseach. 

Idir an dá linn, déanfaidh an Chomhairle cinnte go n-urramófar, leis an gcomhaontú deiridh, caighdeáin cháilíochta an Aontais agus reachtaíocht na mBallstát. 

Cumarsáid níos fearr a dhéanamh maidir le comhaontú TTIP

D'aithin an Chomhairle an gá leis an trédhearcacht agus an plé leis an sochaí shibhialta a fheabhsú chun aird a dhíriú ar na leasanna do shaoránaigh Eorpacha. 

Clár oibre trádála an Aontais Eorpaigh

Ghlac an Chomhairle conclúidí maidir le tosaíochtaí trádála an Aontais don 5 bliana atá ag teacht, lena n-iarrtar ar an gCoimisiún straitéis trádála an Aontais a nuashonrú agus riachtanais trédhearcachta a áireamh sa chaibidlíocht.

Maidir leis an gComhpháirtíocht Trádála agus Infheistíochta Thrasatlantach (TTIP)

Chinn an tAontas agus na Stáit Aontaithe an caidreamh eacnamaíoch atá eatarthu a thabhairt go leibhéal níos airde trí theacht ar chomhaontú caibidlíocht a thosú ar chomhaontú cuimsitheach trádála agus infheistíochta.  Tá sé mar aidhm aige bacainní trádála a bhaint i réimse leathan d'earnálacha eacnamaíocha ionas go mbeidh sé níos éasca earraí agus seirbhísí a dhíol agus a cheannach idir an tAontas agus na Stáit Aontaithe.

• Tuilleadh eolais faoin gComhpháirtíocht Trádála agus Infheistíochta (TTIP)

Ábhair eile ar an gclár oibre

Caibidlíocht leis an tSeapáin agus le Vítneam maidir le trádáil

Tugadh faisnéis d'airí trádála an Aontais maidir leis an dul chun cinn a rinneadh sa chaibidlíocht idir an tSeapáin agus Vítneam agus na hionchais maidir lena tabhairt chun críche in 2015.

Clár Oibre Doha um Fhorbairt

Tar éis urfhuascailt a baineadh amach idir an India agus na Stáit Aontaithe maidir le ceisteanna slándála bia, phléigh an Chomhairle an t-ionchas caibidlíocht a thabhairt chun críche faoi Chlár Oibre Doha um Fhorbairt na hEagraíochta Domhanda Trádála.

Phléigh airí trádála an Aontais tograí le haghaidh rialacháin atá dírithe ar ionstraimí AE a nuashonrú chun dul i ngleic le hiomaíocht éagórach maidir le:

• cosainti gcoinne allmhairí dumpáilte agus allmhairí fóirdheontais
• soláthar poiblí i dtríú tíortha, na dálaí faoina mbeadh gnólachtaí de chuid an Aontais in ann dul san iomaíocht i gcomhair conarthaí poiblí