"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Gnóthaí Ginearálta (Comhtháthú), 28 Márta 2025
Na Príomhthorthaí
Bhí seisiún tuairimíochta ag na hairí maidir le beartas comhtháthaithe níos dinimiciúla agus níos straitéisí a bhaint amach trí athruithe a chur i gcrích ar an gcreat airgeadais ilbhliantúil reatha agus ar an gceann a bheidh ann amach anseo. D’fhormheas an Chomhairle freisin conclúidí maidir leis an gcomhtháthú agus leis an mbeartas comhtháthaithe tar éis 2027. Faoi ‘aon ghnó eile’, cuireadh na hairí ar an eolas faoi pháipéar leathoifigiúil maidir le ‘Beartas láidir comhtháthaithe don fhás, don chóineasú agus don iomaíochas’ a dtacaíonn 16 Bhallstát leis.
Tá beart de réir briathair de dhíth. Ní mór don Aontas aghaidh a thabhairt ar na dúshláin atá roimhe: an cogadh san Úcráin agus iomaíochas, athléimneacht agus acmhainneacht chosanta an Aontais a mhéadú. Ní mór don Aontas a bheith níos láidre agus níos neamhspleáiche. I bhfianaise na staide geopholaitiúla nua, tá sé in am anois gníomhú agus nuachóiriú a dhéanamh ar an mbeartas comhtháthaithe.
Katarzyna Pełczyńska-Nałęcz, Aire um Chistí agus um Beartas Réigiúnach na Polainne
Díospóireacht bheartais maidir leis an mbeartas comhtháthaithe
Bhí seisiún tuairimíochta ag an gComhairle bunaithe ar pháipéar ón Uachtaránacht dar teideal ‘Beartas comhtháthaithe níos dinimiciúla agus níos straitéisí: athruithe a chur i gcrích san am i láthair agus amach anseo’. Phléigh na hairí conas ba cheart cuspóirí conartha an bheartais comhtháthaithe a bhaint amach, agus rialachas il-leibhéil a chur chun cinn i struchtúr nua bheartais an Aontais tar éis 2027. D’fhéach an Chomhairle freisin ar bhealaí chun an beartas comhtháthaithe a bheidh ann amach anseo a chlársceidealú faoi aon phlean amháin do gach tír, lena n-áirítear athchóirithe agus infheistíochtaí ar an leibhéal náisiúnta agus fonáisiúnta. Ar deireadh, i bhfianaise chur chuige an Choimisiúin Eorpaigh, mar a leagtar amach ina chlár oibre ina bhfuil príomhchuspóirí agus príomhthosaíochtaí an Aontais do na blianta atá le teacht, agus i bhfianaise na gconclúidí ábhartha ón gComhairle Eorpach, phléigh na hairí conas a d’fhéadfaí an beartas comhtháthaithe a oiriúnú cheana féin don chreat airgeadais ilbhliantúil reatha chun freagairt go héifeachtach ar thosaíochtaí agus riachtanais atá ag teacht chun cinn.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Conclúidí ón gComhairle maidir leis an gcomhtháthú agus leis an mbeartas comhtháthaithe tar éis 2027
D’fhormheas an Chomhairle conclúidí maidir leis an gcomhtháthú agus leis an mbeartas comhtháthaithe tar éis 2027. Leagtar béim sa téacs ar a thábhachtaí atá an comhtháthú eacnamaíoch, sóisialta agus críochach agus ar an ról atá aige maidir le haghaidh a thabhairt ar dhúshláin an Aontais. Athdhearbhaítear sna conclúidí freisin go bhfuil an t-iomaíochas agus an comhtháthú idirnasctha, agus cuirtear béim ar a thábhachtaí atá sé iomaíochas an Aontais ina iomláine a neartú agus comhtháthú a fheabhsú ar fud tíortha agus réigiún, agus ar an gcaoi sin rannchuidiú le tosaíochtaí straitéiseacha an Aontais a bhaint amach agus aghaidh a thabhairt ar dhúshláin an Aontais ar bhealach ina dtreisítear a chéile. Meabhraítear sa téacs bunchlocha agus príomhphrionsabail an bheartais chomhtháthaithe agus measann sí nach mór don bhainistíocht chomhroinnte leanúint de bheith mar mhodh seachadta an Bheartais Comhtháthaithe idir an Coimisiún Eorpach agus na Ballstáit. Ar deireadh, meabhraítear sna conclúidí gur beartas infheistíochta fadtéarmach é an beartas comhtháthaithe agus gur féidir éifeachtúlacht agus éifeachtacht an bheartais comhtháthaithe sin a fheabhsú trí dhíriú ar thorthaí.
Faoi ‘aon ghnó eile’, agus i bhfianaise an bheartais comhtháthaithe a bheidh ann amach anseo sa chéad chreat airgeadais ilbhliantúil eile, chuir toscaireacht na Rómáine na hairí ar an eolas faoi pháipéar leathoifigiúil maidir leis an ngá atá le ‘Beartas láidir comhtháthaithe don fhás, don chóineasú agus don iomaíochas’. Moltar sa doiciméad sin beartas comhtháthaithe láidir a bheith ina phríomhspreagadh don chóineasú, don athléimneacht agus don iomaíochas, trí bhuiséad inmharthana láidir, arna choimirciú sa chéad chreat airgeadais ilbhliantúil eile, tríd an Olltáirgeacht Intíre (OTI) réigiúnach per capita a bheith mar phríomhchritéar don chatagóiriú réigiúnach, agus trí bhainistíocht chomhroinnte agus croíphrionsabail eile an bheartais chomhtháthaithe a chaomhnú. Thacaigh an Bhulgáir, an Chipir, an Chróit, an Eastóin, an Ghréig, an Iodáil, an Laitvia, an Liotuáin, Málta, an Phortaingéil, an tSeicia, an tSlóvaic, an tSlóivéin, an Spáinn agus an Ungáir leis an bpáipéar leathoifigiúil.
Lón neamhfhoirmiúil
Le linn lón neamhfhoirmiúil agus le rannpháirtíocht Uachtarán Choiste Eorpach na Réigiún, Kata Tüttö, bhí seisiún tuairimíochta ag na hairí maidir le bealaí chun cistiú leordhóthanach a chur ar fáil do bheartas comhtháthaithe lena bhforbrófar Aontas Eorpach a bheidh slán, iomaíoch agus athléimneach.
Comhaid na gcruinnithe
Doiciméid ullmhúcháin
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
