Comhthionól Ginearálta na Náisiún Aontaithe, Nua-Eabhrac, an 20-24 Meán Fómhair 2021, 20-24 Meán Fómhair 2021

Na príomhthorthaí

Thug Charles Michel, Uachtarán na Comhairle Eorpaí, aitheasc thar ceann an Aontais do cheannairí domhanda ag Comhthionól Ginearálta na Náisiún Aontaithe an 24 Meán Fómhair.

• Óráid a thug an tUachtarán Charles Michel ag Comhthionól Ginearálta na Náisiún Aontaithe

Thug an tUachtarán Michel rabhadh gur cor cinniúnach a bhí i ndán dúinn go léir i stair an duine.

Cén saghas domhain ba mhaith linn amach anseo? Ba mhaith linn domhan atá spreagtha ar son na cúise. [...] Tá domhan níos cothroime agus níos sábháilte uainn. Ní coimhlint ach comhar atá uainn. Dlúthpháirtíocht seachas imeallú. Trédhearcacht seachas rúndacht. An tUachtarán Michel ag an 76ú Comhthionól Ginearálta de na Náisiúin Aontaithe

I bhfianaise éifeachtaí tubaisteacha an athraithe aeráide atá ag dul i méid, dúirt an tUachtarán Charles Michel go raibh scrios déanta ag daoine ar an dúlra agus go raibh an dúlra anois ag troid ar ais ar a shon.

Ní fhéadfaidh aon duine a rá: “Ní raibh a fhios agam”. [...] Tá uair na cinniúna tagtha chun stop a chur leis an gcogadh ar an dúlra. Tá sé in am do dhaoine sos cogaidh a shíniú leis an dúlra. Agus conradh síochána a bheith againn lenár bpláinéad. An tUachtarán Michel ag an 76ú Comhthionól Ginearálta de na Náisiúin Aontaithe

Chuir an tUachtarán Michel i dtreis a thábhachtaí atá an ról ceannasach atá glactha ag an Aontas urraim a thabhairt do Chomhaontú Pháras agus an tAontas ar an gcéad bhloc a thug gealltanas i dtaca lena bheith aeráidneodrach faoi 2050 agus a chuid spriocanna a mhéadú do 2030.

Chuir an tUachtarán Michel i dtábhacht freisin ról an Aontais mar phríomhurraitheoir ar an tsíocháin agus ar an bhforbairt inbhuanaithe.

Ní leor an easpa cogaidh amháin chun go mbeidh an tsíocháin i réim. [...] Cothaítear an tsíocháin bunaithe ar na naisc fhrithpháirteacha idir ár sochaithe. Dá mhéid leasanna coiteanna a bhíonn againn, is ea is lú coinbhleacht a bhíonn ann. […] Cothaítear an tsíocháin trí thionscadail lánpháirtíochta réigiúnacha agus ilchríochacha, agus trí chomhpháirtíochtaí móra idir na limistéir chomhtháite nua sin. Bídís i Meiriceá Laidineach nó i Muir Chairib, san Áise...nó san Afraic. An tUachtarán Michel ag an 76ú Comhthionól Ginearálta de na Náisiúin Aontaithe

Dúirt an tUachtarán Michel go raibh uathriail straitéiseach á forbairt ag an Aontas chun a bheith níos neamhspleáiche, chun a thionchar dearfach sa domhan a neartú, agus chun an chomhghuaillíocht Atlantach a chomhdhlúthú.

Tá ár gcomhghuaillíocht Atlantach fréamhaithe inár luachanna daonlathacha agus is colún buanseasmhach é dár slándáil agus dár gcobhsaíocht sa domhan. Treisítear an chomhghuaillíocht nuair a bhíonn comhghuaillithe níos láidre ann a bhfuil trédhearcacht agus dílseacht mar bhonn taca léi. An tUachtarán Michel ag an 76ú Comhthionól Ginearálta de na Náisiúin Aontaithe

I bhfianaise na gceachtanna a foghlaimíodh ó phaindéim COVID-19, mhol an tUachtarán Michel go láidir do cheannairí domhanda a chinntiú go mbeadh an comhphobal domhanda níos athléimní agus níos ullmhaithe do phaindéimí amach anseo trí chonradh idirnáisiúnta ar phaindéimí a chur ar bun.

Meabhraíodh dúinn leis an bpaindéim seo an méid atá riachtanach: saol agus dínit an duine. Tá bearta eisceachtúla déanta againn chun iad sin a chosaint. […] Ach ní leor an phaindéim seo a shárú. Ní mór dúinn na chéad phaindéimí eile a sheachaint agus an athléimneacht dhomhanda a thógáil. Chuige sin, tá conradh idirnáisiúnta ar phaindéimí molta againn leis an Dr Tedros Ghebreyesus. An tUachtarán Michel ag an 76ú Comhthionól Ginearálta de na Náisiúin Aontaithe

Clár

Roimh Chruinniú Neamhfhoirmiúil na gCeannairí i ndáil leis an Aeráid

Ghlac an tUachtarán Michel páirt in imeacht seo Chomhairle Iontaobhaíochta na Náisiún Aontaithe in éineacht le Ursula von der Leyen, Uachtarán an Choimisiúin Eorpaigh.

• An t-athrú aeráide: a bhfuil ar bun ag an Aontas Eorpach (eolas cúlra)

Cruinniú le hArdrúnaí na Náisiún Aontaithe

Cruinniú ag an Uachtarán Michel, an tUachtarán von der Leyen agus an tArdionadaí, Josep Borrell, le hArdrúnaí na Náisiún Aontaithe, António Guterres i gceanncheathrú na Náisiún Aontaithe.

Imeacht ardleibhéil maidir le Mná i gCoinbhleachtaí

Is é an tUachtarán Charles Michel, faoi choimirce na Náisiún Aontaithe, a rinne comhchathaoirleacht ar an ócáid ardleibhéil. Chualathas fianaisí cumhachtacha ó na mná sin a tháinig as, gníomhaithe agus idirghabhálacha ó cheannairí domhanda. Tharraing an ócáid aird ar a thábhachtaí atá sé go gcinnteofaí cearta na mban agus na gcailíní mar aon lena rannpháirtíocht iomlán i múnlú na síochána agus an athmhuintearais.

• ‘Mná i gCoinbhleachtaí’: gairm chun gnímh ar mhuintir an domhain

Aitheasc an Uachtaráin Michel ag Comhthionól Ginearálta na Náisiún Aontaithe

Thug Uachtarán na Comhairle Eorpaí aitheasc thar ceann an Aontais do cheannairí domhanda.

• Óráid a thug an tUachtarán Charles Michel ag Comhthionól Ginearálta na Náisiún Aontaithe

Cruinnithe déthaobhacha

Ar imeall Chomhthionól Ginearálta na Náisiún Aontaithe, chas an tUachtarán Michel le ceannairí ó gach cearn den domhan. Bhí cruinnithe déthaobhacha aige leis na daoine seo a leanas:

• Príomh-Aire na hAstráile, Scott Morrison
• Uachtarán na Colóime, Iván Duque Márquez
• Uachtarán na Saimbia, Hakainde Hichilema
• Uachtarán na Tansáine, Samia Suluhu Hassan
• Uachtarán Vítneam, Nguyen Xuan Phuc
• Cathaoirleach Chomhairle Uachtaránachta na Libia, Mohamed al-Menfi
• Uachtarán na Gearmáine, Frank-Walter Steinmeier

Tosaíochtaí an Aontais ag an 76ú Comhthionól Ginearálta de na Náisiúin Aontaithe

Leanfaidh an tAontas agus a Bhallstáit de thacaíocht a thabhairt dʼiltaobhachas éifeachtach trí ghníomhaithe domhanda a thabhairt le chéile chun réitigh dhomhanda chomhchoiteanna a bhaint amach.

Leanfaidh an tAontas de thacaíocht a thabhairt do chur chun feidhme éifeachtach athchóirithe na Náisiún Aontaithe, agus oibreoidh siad le chéile i dtreo Náisiúin Aontaithe a bheidh oiriúnach don fheidhm, do dhúshláin dhomhanda agus do gheopholaitíocht an 21ú haois.

As measc phríomhthosaíochtaí an Aontais don bhliain atá romhainn, tá:

• teacht aniar níos fearr tar éis phaindéim COVID-19
• an domhan a dhéanamh níos sábháilte agus an tsíocháin, an tslándáil agus cearta an duine a chur chun cinn
• an rás i gcoinne an athraithe aeráide a bhuachan agus ár gcaidreamh leis an dúlra a athbhunú
• an clár oibre digiteach domhanda a mhúnlú

Molann an tAontas freisin cruinniú mullaigh rialta idir an tAontas agus na Náisiúin Aontaithe a bhunú chun an chomhpháirtíocht láidir dhinimiciúil idir an tAontas agus na Náisiúin Aontaithe a threisiú.

• Tosaíochtaí an Aontais ag na Náisiúin Aontaithe le linn 76ú Comhthionól Ginearálta de na Náisiúin Aontaithe, Meán Fómhair 2021 – Meán Fómhair 2022 – Conclúidí ón gComhairle
• Tosaíochtaí an Aontais ag an 76ú Comhthionól Ginearálta de na Náisiúin Aontaithe (preaseisiúint)

Féach freisin

• Comhthionól Ginearálta na Náisiún Aontaithe, Nua-Eabhrac, an 23-26 Meán Fómhair 2019
• An tAontas ag Comhthionól Ginearálta na Náisiún Aontaithe (eolas cúlra)
• Toscaireacht an Aontais chuig na Náisiúin Aontaithe i Nua-Eabhrac (SEGS)
• Misean na Náisiún Aontaithe sa Bhruiséil
• Comhairle Iontaobhaíochta na Náisiún Aontaithe