Amlíne - Cruinnithe mullaigh idirnáisiúnta ina dtugtar aghaidh ar an intleacht shaorga

D’aithin ceannairí G7 na rioscaí a bhaineann leis an úsáid a bhaineann leanaí agus an óige as córais intleachta saorga chomhrá. Leag siad béim ar a thábhachtaí atá sé do sholáthraithe socruithe sábháilteachta a fhorbairt agus a chur i bhfeidhm mar réamhshocrú do leanaí agus don óige chun uirlisí comhrá intleachta saorga a dhéanamh níos sábháilte do leanaí agus don óige.

Tá G7 tiomanta i gcónaí d’éiceachóras taighde agus eolaíoch a chothú inar féidir bheith ag obair ar dheiseanna do leanaí agus daoine óga agus ar thionchair na seirbhísí digiteacha agus na hintleachta saorga orthu.

• Cruinniú mullaigh G7, Evian, an Fhrainc, an 15-17 Meitheamh 2026

Chomhaontaigh na ceannairí Socrú Comhair maidir leis an Intleacht Shaorga a thabhairt i gcrích chun tacú le tuilleadh comhair nuálaíochta agus rialachais.

• Cruinniú Mullaigh idir an tAontas Eorpach agus Poblacht na Cóiré, an 10 Meitheamh 2026

Chomhaontaigh na ceannairí féachaint an bhféadfaí comhar a dhéanamh i réimse na hintleachta saorga, i gcomhréir le gníomh an Aontais um an intleacht shaorga. Chuideodh an comhar sin leis an Airméin a chomhtháthú i margadh aonair digiteach an Aontais, rud a chinnteodh forbairt eiticiúil thrédhearcach theicneolaíochtaí IS.

• Cruinniú mullaigh idir an tAontas agus an Airméin, an 4-5 Bealtaine 2026

I gclár oibre straitéiseach comhpháirteach cuimsitheach a glacadh le linn an 16ú cruinniú mullaigh idir an tAontas agus an India, chomhaontaigh na ceannairí comhoibriú i réimse na hintleachta saorga agus taighde comhoibríoch a chur chun cinn atá dírithe ar an intleacht shaorga, ar an ríomhaireacht chandamach, ar leathsheoltóirí ardfhorbartha, ar an teicneolaíocht ghlan agus ar an mbith-theicneolaíocht.

• Cruinniú Mullaigh idir an tAontas Eorpach agus an India, an 27 Eanáir 2026

Chuir na ceannairí in iúl go bhfuil siad tiomanta leas a bhaint as acmhainneacht na dteicneolaíochtaí digiteacha agus na dteicneolaíochtaí atá ag teacht chun cinn, lena n-áirítear an intleacht shaorga (IS), agus go bhfuil siad tiomanta na rioscaí a mhaolú.

Chun forbairt agus úsáid shábháilte na hintleachta saorga a chinntiú, ní mór aghaidh a thabhairt ar ghnéithe a bhaineann le cearta an duine, an trédhearcacht, an rialáil, an eitic, an chosaint sonraí agus an rialachas.

I ndáil leis an méid sin, ba dhíol sásaimh do na ceannairí freisin seoladh an tionscnaimh IS don Afraic.

• Cruinniú mullaigh G20, an Afraic Theas, an 22 agus an 23 Samhain 2025

Agus aitheantas á thabhairt acu don acmhainneacht ollmhór a bhaineann le claochlú digiteach atá slán agus iontaofa chun deiseanna eacnamaíocha a chruthú agus chun borradh a chur faoin bhfás eacnamaíoch agus, ag an am céanna, chuir siad i bhfios go láidir a phráinní atá sé an bhearna dhigiteach a dhúnadh, bheartaigh na ceannairí iarrachtaí a neartú maidir le héiceachórais nuálaíochta réigiúnacha a fhorbairt, lena n-áirítear maidir le córais intleachta saorga atá dírithe ar an duine agus iontaofa lena n-urramaítear cearta maoine intleachtúla.

• Cruinniú mullaigh idir an tAontas Eorpach agus an tAontas Afracach, an 24-25 Samhain 2025

Chomhaontaigh na ceannairí intleacht shaorga atá sábháilte slán agus iontaofa a chur chun cinn, mar aon le rialachas eiticiúil a dhéanamh uirthi, le fócas freagrach cuimsitheach, infheistíocht i mbonneagar digiteach slán agus i bhfothú acmhainneachta, agus chomhaontaigh siad tacú le claochlú digiteach atá duinelárnach, slán agus oscailte.

• An cruinniú mullaigh idir an tAontas agus Comhphobal Stáit Mhuir Chairib agus Mheiriceá Laidinigh, an 17-18 Iúil 2023

Phléigh na ceannairí bealaí chun intleacht shaorga iontaofa chuimsitheach a chur chun cinn, lena n-áirítear trí fhothú acmhainneachta agus trí fhorbairt institiúideach. Déanfaidh an dá pháirtí tuilleadh malartaithe maidir le rialachas IS agus gnéithe nuálaíochta.

San óráid a thug sé ag an seisiún de Chomhairle Slándála na Náisiún Aontaithe maidir leis an intleacht shaorga agus an tsíocháin agus an tslándáil idirnáisiúnta, d’athdhearbhaigh an tUachtarán Costa tacaíocht an Aontais do chur chuige duinelárnach i leith na hintleachta saorga agus d’iarr sé go mbeadh leibhéal uaillmhéine rialála ann go hidirnáisiúnta atá ar aon dul le gníomh an Aontais um an intleacht shaorga.

• Óráid ón Uachtarán António Costa ag Comhairle Slándála na Náisiún Aontaithe maidir leis an intleacht shaorga agus an tsíocháin agus an tslándáil idirnáisiúnta, an 25 Meán Fómhair 2025

Chun acmhainneacht na hintleachta saorga a bhaint amach go hiomlán, gheall na ceannairí an méid seo a leanas a dhéanamh:

• ag obair le chéile chun borradh a chur faoi ghlacadh na hintleachta saorga san earnáil phoiblí
• cuidiú le FBManna IS atá sábháilte, slán agus iontaofa a ghlacadh agus a fhorbairt, lena n-áirítear trí threochlár G7 maidir le glacadh IS a sheoladhlena soláthraítear conairí inghníomhaithe lena gcuirtear ar chumas cuideachtaí IS a ghlacadh
• aghaidh a thabhairt ar dhúshláin fuinnimh na hintleachta saorga agus leas a bhaint as a hacmhainneacht i réimsí na héifeachtúlachta fuinnimh agus na nuálaíochta
• comhpháirtíochtaí a leathnú le margaí atá ag teacht chun cinn agus le comhpháirtithe tíortha i mbéal forbartha

• Ráiteas cheannairí G7 maidir leis an intleacht shaorga ar mhaithe leis an rathúnas

Bhí sé beartaithe ag na ceannairí feabhas a chur ar an gcomhar maidir le nuálaíocht intleachta saorga (IS), lena n-áirítear comhar maidir le monarchana IS, chun ár mbonneagar ríomhaireachta ardfheidhmíochta a nascadh agus chun comhar taighde a dhoimhniú i réimsí straitéiseacha teicneolaíochta ar nós IS agus na ríomhaireachta candamaí.

Oibreoidh siad freisin chun a gcreataí agus a gcaighdeáin sa réimse rialála a ailíniú chun córais iontaofa intleachta saorga a fhorbairt.

• Cruinniú mullaigh idir an tAontas Eorpach agus Ceanada, an 23 Meitheamh 2025

Chun leas iomlán a bhaint as acmhainneacht na hintleachta saorga, na tairbhí a bhaineann léi a chomhroinnt go cothrom, agus rioscaí a mhaolú, oibreoidh ceannairí G20 le chéile chun comhar idirnáisiúnta agus tuilleadh plé maidir le rialachas idirnáisiúnta don intleacht shaorga a chur chun cinn, agus aitheantas á thabhairt don ghá atá le guthanna na dtíortha forbartha agus na dtíortha i mbéal forbartha a ionchorprú.

Ba dhíol sásaimh dóibh freisin an cinneadh a rinne airí saothair agus fostaíochta G20 treoirlínte a bhunú maidir le húsáid shábháilte shlán iontaofa na hintleachta saorga i saol na hoibre.

• Cruinniú mullaigh G20, Rio de Janeiro, an Bhrasaíl, an 18-19 Samhain 2024

D’aithin ceannairí ó gach cearn den domhan, an tAontas san áireamh, na deiseanna agus na rioscaí a bhaineann leis an intleacht shaorga agus d’fhógair siad comhpháirtíocht le ECFE chun rialachas na hintleachta saorga a chur chun cinn.

• Cruinniú mullaigh domhanda maidir le IS san India, an 3-4 Iúil 2024

D'fhógair an G7 plean gníomhaíochta maidir leis an intleacht shaorga sa láthair oibre agus pleananna chun branda a chruthú chun tacú le cód iompair idirnáisiúnta d’eagraíochtaí a fhorbraíonn ardchórais intleachta saorga.

• Cruinniú mullaigh G7, an 13-15 Meitheamh 2024

Chomhaontaigh an tAontas agus deich dtír eile líonra institiúidí sábháilteachta IS a sheoladh, agus gheall mórchuideachtaí teicneolaíochta go gcuirfeadh siad feabhas ar bhainistiú riosca agus ar thrédhearcacht.

• Cruinniú mullaigh IS i Súl (an 21-22 Bealtaine 2024)

Sheol an tAontas agus Ceanada comhpháirtíocht dhigiteach chun an comhar digiteach a dhoimhniú ar mhaithe le geilleagar digiteach agus sochaí dhigiteach a bheidh dearfach agus duinelárnach agus ina ndíreofar ar an intleacht shaorga, i measc nithe eile.

• Cruinniú mullaigh idir an tAontas agus Ceanada, an 23-24 Samhain 2023

The EU and 27 countries across the world emphasised the transformative potential of AI, and committed to global cooperation in managing the risks associated with AI and to developing safe, human-centric AI.

• AI safety summit, 1-2 November 2023

Gheall na ceannairí go gcuirfí cur chuige duinelárnach chun cinn i ndáil leis an intleacht shaorga.

• Cruinniú mullaigh idir an tAontas agus Stáit Aontaithe Mheiriceá, an 20 Deireadh Fómhair 2023

G20 leaders agreed to pursue a pro-innovation regulatory approach that maximises the benefits and takes into account the risks associated with the use of AI.

• G20 summit, 9-10 September 2023

Mhol ceannairí an Aontais agus ceannairí na Seapáine plé idirnáisiúnta maidir le rialachas na hintleachta saorga d’fhonn an intleacht shaorga iontaofa a bhaint amach.

• Cruinniú Mullaigh idir an tAontas agus an tSeapáin, an 13 Iúil 2023

Ag an gcruinniú mullaigh idir an tAontas agus Poblacht na Cóiré, dúirt na ceannairí gur díol sásaimh dóibh seoladh na comhpháirtíochta digití eatarthu i mí na Samhna 2022, lena gcothaítear comhar maidir leis an méid a leanas: leathsheoltóirí, líonraí móibíleacha den chéad ghlúin eile, ríomhaireacht chandamach agus ardfheidhmíochta, an intleacht shaorga, agus rialáil ardán ar líne agus ardán digiteach.

• Cruinniú Mullaigh idir an tAontas Eorpach agus Poblacht na Cóiré, an 22 Bealtaine 2023

Sheol ceannairí an Aontais agus ceannairí na Seapáine comhpháirtíocht dhigiteach chun an comhar maidir le saincheisteanna digiteacha a chur chun cinn agus chun cabhrú le claochlú digiteach rathúil a chinntiú. Cabhróidh an chomhpháirtíocht leis an Aontas agus leis an tSeapáin a spriocanna comhroinnte a bhaint amach i réimsí tábhachtacha, an intleacht shaorga ina measc.

• Cruinniú Mullaigh idir an tAontas agus an tSeapáin, an 12 Bealtaine 2022

Tharraing an tAontas aird ar a thábhachtaí atá timpeallacht thrédhearcach iomaíoch don gheilleagar digiteach, chomh maith le húsáid na hintleachta saorga ar bhealaí iontaofa eiticiúla.

• Cruinniú mullaigh, trí fhíschomhdháil, idir an tAontas Eorpach agus an tSín, an 1 Aibreán 2022

Rinne an tAontas agus Ceanada an comhar digiteach a dhoimhniú tríd an idirphlé digiteach idir Ceanada agus an tAontas agus tríd an gcomhpháirtíocht dhomhanda maidir leis an intleacht shaorga.

• Cruinniú mullaigh idir an tAontas Eorpach agus Ceanada, an 14 Meitheamh 2021

Dhearbhaigh an tAontas agus an tSeapáin a gcomhar chun caighdeáin dhomhanda agus cineálacha cuimsitheacha cur chuige maidir le beartais agus teicneolaíochtaí digiteacha a chur chun cinn. Dhearbhaigh an tAontas go n-oibreoidh sé leis an tSeapáin ar theicneolaíochtaí atá ag teacht chun cinn, ar ábhair chriticiúla, 5G agus 6G, ar an intleacht shaorga, ar shonraí agus ar ardáin.

• Cruinniú mullaigh, trí fhíschomhdháil, idir an tAontas Eorpach agus an tSeapáin, an 27 Bealtaine 2021

Chuir na ceannairí in iúl go bhfuil siad toilteanach obair an tascfhórsa chomhpháirtigh maidir leis an intleacht shaorga a sheoladh.

• Cruinniú trí fhíschomhdháil idir ceannairí an Aontais agus na hIndia, an 8 Bealtaine 2021

Leag na ceannairí béim ar an dlúthchomhar idir an tAontas agus Ceanada maidir leis an gclaochlú digiteach, agus maidir leis an intleacht shaorga agus teicneolaíochtaí digiteacha a úsáid chun tacú le téarnamh COVID-19.

• Cruinniú físchomhdhála idir Ceannairí an Aontais agus Cheanada, an 29 Deireadh Fómhair 2020

Both sides discussed matters relating to innovation and cooperation in the digital technologies sector, including the ethical implementation of artificial intelligence and secure cross border data flows.

• Republic of Korea-EU leaders' video conference meeting, 30 June 2020