"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Koerenza bejn il-politiki tal-biedja, kummerċjali u ambjentali
Il-ministri kellhom skambju ta' fehmiet dwar modi kif tista' tissaħħaħ il-koerenza bejn il-Patt Ekoloġiku, il-politika agrikola komuni (PAK) u l-politika kummerċjali, sabiex tiġi appoġġata t-tranżizzjoni lejn sistemi tal-ikel sostenibbli.
B'mod ġenerali, il-ministri rrikonoxxew il-ħtieġa li tissaħħaħ il-koerenza bejn il-politiki settorjali u kummerċjali tal-UE sabiex jinkisbu l-għanijiet tal-Patt Ekoloġiku Ewropew u l-istrateġiji settorjali relatati tiegħu.
Ħafna ministri enfasizzaw l-importanza li tittejjeb il-koerenza bejn l-istandards tas-saħħa u dawk ambjentali tal-UE stess u dawk applikati għall-prodotti agroalimentari importati, skont ir-regoli tad-WTO u f'kooperazzjoni mas-sħab kummerċjali tal-UE, b'mod partikolari billi jiġu kkunsidrati mill-ġdid il-limiti massimi għal residwi fitofarmaċewtiċi u jiġu introdotti klawżoli mera fid-dritt tal-UE.
L-adozzjoni tal-konklużjonijiet tal-Kunsill dwar "l-impenn tal-UE għal Codex Alimentarius ambizzjuż adattat għall-isfidi tal-lum u ta’ għada," ukoll tagħmel parti minn dan l-għan li jiġu promossi l-valuri Ewropej fil-kuntest ta' negozjati internazzjonali, b'mod partikolari billi titrawwem l-inklużjoni ta' dimensjoni ta' sostenibbiltà.
Il-laqgħa tal-lum tal-Kunsill iffukat fuq ir-reċiproċità tal-istandards u l-promozzjoni tal-istandards u l-valuri Ewropej fil-livell internazzjonali. Kemm id-diskussjonijiet dwar il-koerenza bejn il-Patt Ekoloġiku Ewropew, il-PAK u l-politika kummerċjali u dawk dwar ir-regolament propost dwar il-ġlieda kontra d-deforestazzjoni u d-degradazzjoni tal-foresti, kif ukoll l-adozzjoni tal-konklużjonijiet tal-Kunsill dwar il-Codex Alimentarius, urew b'mod ċar li l-Ewropej mhux ser jibqgħu jaċċettaw prodotti li jmorru kontra l-isforzi tagħna biex nagħmlu s-sistemi tal-ikel tagħna aktar sostenibbli.
Julien Denormandie, Ministru għall-Agrikoltura u l-Ikel ta' Franza
Il-ministri għall-biedja kellhom dibattitu ta' orjentazzjoni dwar il-proposta tal-Kummissjoni għal regolament dwar prodotti mingħajr deforestazzjoni, li l-għan tagħha huwa li tiżgura li l-prodotti kkunsmati fis-suq tal-UE ma jikkontribwixxux għad-deforestazzjoni u d-degradazzjoni tal-foresti madwar id-dinja. Ser tagħmel dan billi tistabbilixxi regoli dwar id-diliġenza dovuta għall-operaturi sabiex jitnaqqas ir-riskju li l-komoditajiet li jitqiegħdu fis-suq tal-UE, bħas-sojja, iċ-ċanga, iż-żejt tal-palm, l-injam, il-kawkaw u l-kafè, ikunu assoċjati mad-deforestazzjoni.
B'mod ġenerali, il-ministri laqgħu r-regolament propost. B'mod partikolari, enfasizzaw il-ħtieġa li jiġu stabbiliti definizzjonijiet ċari u mhux ambigwi, skont il-politika tal-UE dwar il-foresti, li jiġu evitati piżijiet amministrattivi u finanzjarji sproporzjonati (b'mod partikolari għal operaturi żgħar), li jiġi żgurat li r-regolament jiġi implimentat b'mod konsistenti fl-UE, li tiġi vverifikata l-konformità mar-regoli tad-WTO u li jiġu stabbiliti relazzjonijiet tajbin ma' pajjiżi mhux tal-UE.
Dibattitu ta' orjentazzjoni dwar il-proposta ser isir matul il-Kunsill Ambjent fis-17 ta' Marzu 2022.
Abbażi tal-informazzjoni pprovduta mill-Kummissjoni u l-istati membri, il-ministri kellhom skambju ta' fehmiet dwar is-sitwazzjoni tas-suq għall-prodotti agrikoli. Matul id-diskussjoni, l-istati membri xeħtu dawl fuq għadd ta' tħassib, b'mod partikolari l-impatt fuq l-agrikoltura taż-żieda fl-ispejjeż tal-enerġija, tal-fertilizzanti u tal-għalf. Id-delegazzjoni Pollakka tkellmet ukoll biex tipprovdi informazzjoni dwar l-isfidi li qed jiffaċċa s-settur tal-laħam tal-majjal fl-Ewropa; dan il-punt segwa fuq punti simili mqajma f'laqgħat preċedenti tal-Kunsill u kien appoġġat minn stati membri oħra. Suġġetti oħra diskussi inkludew l-impatt ekonomiku tal-mard veterinarju, bħad-deni Afrikan tal-ħnieżer u l-influwenza tat-tjur b'patoġeniċità għolja, kif ukoll żviluppi rrappurtati mill-istati membri li għandhom impatt partikolari fuq l-agrikoltura. Il-ministri ħadu nota tal-proposta tal-Kummissjoni għal grupp ta' livell għoli dwar is-settur tal-laħam tal-majjal, li jaħdem biex tinstab soluzzjoni għall-kriżi attwali fuq perjodu ta' żmien medju sa twil.
Matul il-laqgħa, il-ministri rċevew informazzjoni mill-istati membri dwar ir-reviżjoni tal-politika ta' promozzjoni agrikola tal-UE u l-kundizzjonijiet tan-nixfa fil-Portugall u Spanja. Iddiskutew ukoll il-ħtieġa li jiġi żgurat introjtu ġust għall-bdiewa.
Il-ministri rċevew informazzjoni mill-Kummissjoni dwar rapporti dwar il-miżuri fitosanitarji fuq l-importazzjonijiet fl-UE u dwar l-estensjoni tal-użu tal-passaporti tal-pjanti. Suġġetti oħra li ġew diskussi inkludew il-ħtieġa li jittejbu l-benesseri u s-saħħa tal-klieb imrobbija għal skopijiet kummerċjali u t-tikkettar tal-bajd tat-tiġieġ imrobbi fil-beraħ.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-laqgħa tal-lum tal-Kunsill iffukat fuq ir-reċiproċità tal-istandards u l-promozzjoni tal-istandards u l-valuri Ewropej fil-livell internazzjonali. Kemm id-diskussjonijiet dwar il-koerenza bejn il-Patt Ekoloġiku Ewropew, il-PAK u l-politika kummerċjali u dawk dwar ir-regolament propost dwar il-ġlieda kontra d-deforestazzjoni u d-degradazzjoni tal-foresti, kif ukoll l-adozzjoni tal-konklużjonijiet tal-Kunsill dwar il-Codex Alimentarius, urew b'mod ċar li l-Ewropej mhux ser jibqgħu jaċċettaw prodotti li jmorru kontra l-isforzi tagħna biex nagħmlu s-sistemi tal-ikel tagħna aktar sostenibbli.