"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Is-sitwazzjoni tas-suq wara l-invażjoni tal-Ukrajna
Il-Kunsill stieden lill-ministru għall-agrikoltura tal-Ukrajna, Roman Leshchenko, biex jitkellem permezz ta' konnessjoni bil-vidjo dwar is-sitwazzjoni agrikola u l-ħtiġijiet prevalenti f'pajjiżu, li mbagħad ġew diskussi mill-ministri. Il-ministri komplew bi skambju ta' fehmiet dwar is-sitwazzjoni tas-suq għall-prodotti agrikoli u agroalimentari u s-sitwazzjoni tas-settur agrikolu tal-UE, minħabba l-impatt tal-invażjoni tal-Ukrajna mir-Russja. Huma ddiskutew miżuri li jistgħu jittieħdu mhux biss biex ikomplu jissalvagwardaw il-provvisti tal-ikel fuq terminu qasir, iżda wkoll biex isaħħu s-sigurtà alimentari u s-sovranità tal-ikel fuq perjodu medju u fit-tul. Id-diskussjoni ttrattat ukoll l-impatt potenzjali tal-kriżi fuq is-sigurtà alimentari ta' pajjiżi li mhumiex fl-UE. L-opzjoni li tiġi kkultivata art imwarrba fl-2022 tħabbret bħala parti minn dawn il-miżuri.
Il-ministri ngħataw ukoll sommarju mid-delegazzjoni Ġermaniża tal-laqgħa tal-G7 tal-ministri għall-agrikoltura li saret fil-11 ta' Marzu, u rċevew informazzjoni mid-delegazzjoni Netherlandiża dwar l-użu ta' fertilizzanti b'bażi bijoloġika.
Wara l-invażjoni tal-Ukrajna mir-Russja, kien essenzjali għalina li nuru s-solidarjetà tagħna mal-Ukrajna. Kellna diskussjoni mal-ministru Ukren biex niddeterminaw x'tip ta' assistenza għandha tingħata malajr. Barra minn hekk, kellna bżonn nieħdu miżuri urġenti biex niżguraw mhux biss is-sovranità tal-ikel fl-UE, iżda wkoll is-sigurtà alimentari fil-livell globali. Illum il-ministri għall-agrikoltura tal-UE wrew l-impenn tagħhom li jużaw soluzzjonijiet effettivi fuq terminu qasir, medju u twil, kif ukoll li jappoġġaw is-settur tal-biedja tal-Ukrajna.
Julien Denormandie, Ministru għall-Agrikoltura u l-Ikel ta' Franza
Il-Kummissjoni aġġornat lill-ministri dwar is-sitwazzjoni attwali tal-evalwazzjoni tagħha tal-pjanijiet strateġiċi taħt il-PAK futura. Segwa skambju ta' fehmiet, li ffoka b'mod partikolari fuq:
il-ħtieġa li l-pjanijiet jiġu approvati malajr sabiex jiġi żgurat li l-bdiewa jkunu konxji tar-regoli l-ġodda
Il-ħtieġa għal flessibbiltà biex il-pjanijiet jiġu adattati bil-ħsieb li tiġi żgurata s-sigurtà alimentari wara l-gwerra fl-Ukrajna
il-kriterji użati mill-Kummissjoni biex tapprova l-pjanijiet
it-trasparenza tal-proċess
Id-delegazzjoni Ungeriża tkellmet ukoll biex tippreżenta dikjarazzjoni f'isem il-Grupp ta' Visegrad, il-Bulgarija, il-Kroazja, ir-Rumanija u s-Slovenja dwar miżuri fil-pjanijiet strateġiċi tal-PAK tagħhom li huma ħassew li jikkontribwixxu għal agrikoltura Ewropea aktar ġusta u aktar ekoloġika.
Politika agrikola aktar ġusta, aktar ekoloġika u bbażata aktar fuq ir-rendiment (Infografika)
Suġġetti oħra fuq l-aġenda
Matul il-laqgħa, id-delegazzjonijiet ipprovdew informazzjoni dwar is-suġġetti li ġejjin: l-għalla li fiha l-proteini (Awstrija); ir-reviżjoni tal-indikazzjonijiet ġeografiċi (Spanja); ir-reviżjoni tad-direttiva dwar il-pestiċidi sostenibbli (Polonja), l-impatt taż-żieda fil-prezzijiet tal-fjuwil fuq l-attività tas-sajd (Spanja); u alternattivi għall-prodotti għall-protezzjoni tal-pjanti (Slovenja).
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Wara l-invażjoni tal-Ukrajna mir-Russja, kien essenzjali għalina li nuru s-solidarjetà tagħna mal-Ukrajna. Kellna diskussjoni mal-ministru Ukren biex niddeterminaw x'tip ta' assistenza għandha tingħata malajr. Barra minn hekk, kellna bżonn nieħdu miżuri urġenti biex niżguraw mhux biss is-sovranità tal-ikel fl-UE, iżda wkoll is-sigurtà alimentari fil-livell globali. Illum il-ministri għall-agrikoltura tal-UE wrew l-impenn tagħhom li jużaw soluzzjonijiet effettivi fuq terminu qasir, medju u twil, kif ukoll li jappoġġaw is-settur tal-biedja tal-Ukrajna.
