"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Kompetittività

Kunsill Kompetittività, 02-03/03/2015, 2 u 3 ta' Marzu 2015

Riżultati ewlenin

Il-Kunsill Kompetittività sar fuq l-isfond tal-prijoritajiet ġenerali tal-Presidenza Latvjana biex tinkiseb Ewropa kompetittiva u Diġitali. Huwa inkluda dibattiti dwar dawk l-oqsma fejn is-suq uniku tal-UE u l-politika ta’ innovazzjoni dinamika jistgħu jżidu l-kapaċità tal-Ewropa biex tipprovdi tkabbir ekonomiku u impjiegi.    

Ewropa diġitali f’suq uniku prosperu

Il-Kunsill adotta konklużjonijiet li jistabbilixxu diversi azzjonijiet li għandhom l-għan li jneħħu ostakli bla bżonn fis-suq uniku u li jippermettu transizzjoni bla xkiel u rapida għall-era diġitali. 

M'hemmx ħin x'jintilef jekk l-Ewropa tixtieq tkun minn ta' quddiem nett fir-rivoluzzjoni diġitali u ssaħħaħ il-kompetittività. Is-Sinjura Dana Reizniece-Ozola, Ministru Latvjan għall-Ekonomija.

Il-president tal-laqgħa s-Sinjura  Dana Reizniece-Ozola, Ministru Latvjan għall-Ekonomija, enfasizzat li “m’hemmx ħin x'jintilef jekk l-Ewropa tixtieq tkun minn ta' quddiem nett fir-rivoluzzjoni diġitali u ssaħħaħ il-kompetittività. Dan jeħtieġ għadd ta’ azzjonijiet ewlenin, bħalma huma t-tneħħija ta’ ostakoli artifiċjali li ma jħallux lill-kumpaniji u liċ-ċittadini tagħna jibbenefikaw mis-suq uniku b’mod sħiħ u fuq bażi ugwali. Huwa kruċjali wkoll li tinħoloq il-bażi għal qafas solidu għall-investiment. Iż-żewġ kondizzjonijiet jaqblu mal-ispirtu u l-enfasi ewlenija tal-Presidenza Latvjana għall-kisba ta’ Ewropa kompetittiva u diġitali”. 

Il-ministri ddiskutew it-trasformazzjoni diġitali tal-industrija, użu usa’ ta’ għodod diġitali u l-inkoraġġiment l-intraprenditorija diġitali. L-eżitu tad-diskussjoni ser jipprovdi kontribut siewi għall-istrateġija tas-suq uniku diġitali tal-ġejjieni.      

Niffaċilitaw l-investimenti

Wara dibattitu, il-ministri ddeskrivew fil-qosor l-elementi ewlenin għall-ħolqien ta' regoli aktar sempliċi, aħjar u aktar prevedibbli biex jiġu ffaċilitati l-investimenti. L-għan huwa li jiġi implimentat il-pjan il-ġdid propost ta' investiment għall-Ewropa, li mistenni jimmobilizza mhux anqas minn €315 biljun f'investiment addizzjonali fuq it-tliet snin li ġejjin.

Aġenda tal-laqgħa

Ekonomija mmexxija mid-data

Il-Ministri kellhom skambju ta’ fehmiet dwar kif l-Ewropa tista’ tappoġġa aħjar u taċċellera t-transizzjoni lejn ekonomija mmexxija mid-data permezz ta' riċerka miftuħa, ikkollegata u intensiva fid-data, fil-kuntest tal-aġenda diġitali għall-Ewropa.

Wara l-laqgħa, il-Ministru Latvjan għall-Edukazzjoni u x-Xjenza s-Sinjura Mārīte Seile għamlet il-kummenti li ġejjin: "Nemmen bis-sħiħ li t-teknoloġiji tal-informazzjoni u l-komunikazzjoni jistgħu jitqiegħdu għas-servizz tas-soċjetà u n-negozji biss permezz ta' innovazzjoni aktar rapida u mifruxa. Il-kapaċità ta' innovazzjoni tiddependi ferm fuq il-kwalità u l-kwantità tal-investimenti u t-trasferiment tal-għarfien bejn is-settur pubbliku u dak privat. F'dan ir-rigward, il-Kunsill indirizza żewġt oqsma fejn riċerka miftuħa, ikkollegata u intensiva fid-data tista' tagħti spinta lill-innovazzjoni: l-infrastrutturi elettroniċi pan-Ewropej u l-politiki u l-kondizzjonijiet qafas għal użu aħjar tal-big data u l-cloud computing".

Dokumenti tal-laqgħat

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Kompetittività

Ara laqgħat oħrajn

L-aħħar reviżjoni: 14 ta' Jannar 2025