Kunsill Kompetittività, 26-27/05/2016, 26 u 27 ta' Mejju 2016

Riżultati ewlenin

Suq intern - Industrija - Politika dwar l-ispazju

Suq uniku diġitali

Il-Kunsill ivvaluta l-progress fl-istrateġija tas-suq uniku diġitali sena wara t-tnedija tal-istrateġija. F'dan il-kuntest, il-Kunsill:

Illum stabbilixxejna stadji importanti għall-ħolqien ta' suq uniku diġitali ta’ veru fl-UE biex jiġu ffaċilitati l-innovazzjoni u t-tkabbir. Inħeġġeġ bil-qawwa lil dawk kollha involuti biex jaġixxu malajr u jieħdu vantaġġ mir-rivoluzzjoni diġitali.” Henk Kamp, Ministru għall-Affarijiet Ekonomiċi tan-Netherlands

• qabel dwar il-prinċipji ewlenin biex tiġi żgurata l-portabbiltà ta’ servizzi ta' kontenut online fis-suq intern
• adotta konklużjonijiet dwar teknoloġiji tas-suq uniku diġitali u l-modernizzazzjoni tas-servizzi pubbliċi
• iddiskuta l-impatt tad-diġitilazzazzjoni fuq il-produttività tas-settur tas-servizzi taħt l-eżami tal-kompetittività
• iddiskuta modi kif jitjieb l-użu tad-data spazjali minn programmi spazjali Ewropej biex jinħolqu t-tkabbir u l-impjiegi

Biex jiġi żgurat li dawn l-azzjonijiet u dawk futuri jgawdu minn ambjent li jiffavorixxi l-innovazzjoni, il-Kunsill adotta konklużjonijiet dwar regolamentazzjoni aħjar.

Wara l-laqgħa, il-president tal-Kunsill u l-ministru għall-affarijiet ekonomiċi tan-Netherlands, Henk Kamp, enfasizza dan li ġej: “Illum stabbilixxejna stadji importanti għall-ħolqien ta' suq uniku diġitali ta’ veru fl-UE biex jiġu ffaċilitati l-innovazzjoni u t-tkabbir. Organizzajt “Jum Diġitali tal-Kunsill" għaliex naħseb li x-xenarju diġitali quddiemna joffri l-aħjar opportunitajiet biex jgħin lin-nies u l-kummerċ jikkollegaw u jaġixxu ma' xulxin billi jiġu eliminati d-distanza fiżika u l-ostakli u jinfetħu swieq ġodda u opportunitajiet ġodda ta’ xogħol. Inħeġġeġ bil-qawwa lil dawk kollha involuti biex jaġixxu malajr u jieħdu vantaġġ mir-rivoluzzjoni diġitali.”

Riċerka u Innovazzjoni

Wara dibattitu dwar ix-xjenza miftuħa, il-Kunsill adotta konklużjonijiet dwar it-transizzjoni lejn sistema ta' xjenza miftuħa.

Ix-xjenza miftuħa hija suġġett għal qalbna ħafna. Matul il-presidenza Netherlandiża, kellna l-għan li npoġġu lill-Ewropa fuq quddiem fil-bidla globali u li mmexxu t-transizzjoni lejn mod ġdid ta’ kif issir ir-riċerka u lejn xjenza bbażata fuq il-ftuħ, il-big data u l-cloud computing.” Sander Dekker, Segretarju tal-Istat għall-Edukazzjoni, il-Kultura u x-Xjenza tan-Netherlands

Huwa adotta wkoll konklużjonijiet dwar il-lezzjonijiet meħuda mis-seba’ programm qafas għar-riċerka u l-prospetti futuri u dwar il-ħolqien ta’ ambjent regolatorju favorevoli għar-riċerka u l-innovazzjoni.

Bħala l-President tal-Kunsill, Sander Dekker, Segretarju tal-Istat għall-Edukazzjoni, il-Kultura u x-Xjenza tan-Netherlands, għamel id-dikjarazzjoni li ġejja: “Ix-xjenza miftuħa hija suġġett għal qalbna ħafna. Matul il-presidenza Netherlandiża, kellna l-għan li npoġġu lill-Ewropa fuq quddiem fil-bidla globali u li mmexxu t-transizzjoni lejn mod ġdid ta’ kif issir ir-riċerka u lejn xjenza bbażata fuq il-ftuħ, il-big data u l-cloud computing. Ix-Xjenza Miftuħa twaqqa' l-ħitan ta' madwar l-universitajiet u tiżgura li s-soċjetà tibbenefika kemm jista’ jkun mill-iskoperti xjentifiċi kollha. B'dak il-mod, nimmassimizzaw il-kontribut tar-riċerkaturi, l-universitajiet u l-istituzzjonijiet tal-għarfien”.

Illum, filwaqt li nibnu fuq il-ħidma li saret fix-xhur reċenti, b’mod partikolari fil-Konferenza ta’ April meta approvajna l-"Amsterdam Call for Action on Open Science", nista’ ngħid li għamilna pass kbir ’il quddiem.

Streaming dirett, filmati u ritratti

• Streaming dirett ta’ sessjonijiet pubbliċi u okkażjonijiet għall-istampa
• Ritratti u filmati mil-laqgħa, Kunsill Kompetittività, 26-27 ta’ Mejju 2016