Kunsill Affarijiet Ekonomiċi u Finanzjarji

Kunsill Affarijiet Ekonomiċi u Finanzjarji, 20 ta' Frar 2018

Riżultati ewlenin

Il-ministri ddiskutew ir-rakkomandazzjonijiet ta' grupp ta' esperti ta' livell għoli dwar finanzi sostenibbli.

L-istrateġija tal-UE dwar finanzi sostenibbli ser tikkontribwixxi għall-implimentazzjoni tal-ftehim tal-2015 tan-NU dwar it-tibdil fil‑klima. Hija wkoll parti mill-pjan tal-UE li tiżviluppa unjoni tas-swieq kapitali sa tmiem l-2019.

Il-Kummissjoni mistennija tippreżenta pjan ta' azzjoni f'Marzu 2018.

"Il-ftehim ta' Pariġi kien stadju kruċjali għall-ekonomija dinjija u l-UE qed tmexxi t-tranżizzjoni lejn soċjetà b'emissjoni baxxa ta' karbonju", qal Vladislav Goranov, ministru għall-finanzi tal-Bulgarija, li bħalissa għandha l-presidenza tal-Kunsill. "Nemmen li l-fehmiet li ngħataw illum iservu bħala punti ta' riflessjoni għall-Kummissjoni meta tiffinalizza l-pjan ta' azzjoni tagħha", huwa qal.

Rapport finali tal-Grupp ta' Esperti ta' Livell Għoli dwar il-Finanzi Sostenibbli (Kummissjoni Ewropea)

Il-Kunsill adotta linji gwida għall-baġit tal-UE għall-2019, fejn enfasizza li użu trasparenti u effettiv tal-baġit ser isaħħaħ il-kredibilità tal-UE maċ-ċittadini tagħha.

Il-linji gwida jappellaw għal ibbaġitjar prudenti, b'riżorsi adegwati sabiex isostnu l-prijoritajiet waqt li jitħalla marġni suffiċjenti biex jiġu ttrattati ċirkustanzi mhux mistennija. Il-konċentrazzjoni għandha tkun fuq programmi u azzjonijiet b'valur miżjud mill-UE.

Il-ministri rrakkomandaw ukoll li l-Parlament Ewropew jagħti kwittanza lill-Kummissjoni għall-implimentazzjoni tal-baġit tal-UE għall-2016.

Il-Kunsill ħareġ rakkomandazzjoni li tikkonferma n-nomina ta' Luis de Guindos bħala viċi president tal-Bank Ċentrali Ewropew.

Ir-rakkomandazzjoni ser tiġi ppreżentata lill-Kunsill Ewropew għal deċiżjoni fit-22-23 ta' Marzu 2018. Sadanittant ser jiġu kkonsultati l-Parlament Ewropew u l-kunsill governattiv tal-BĊE.

Proċedura tal-ħatra tal-Bord Eżekuttiv tal-BĊE (infografika)

Dokumenti tal-laqgħat

Dokumenti ta' tħejjija

Dokumenti ta' eżitu

Stqarrijiet għall-istampa

Djalogu makroekonomiku mas-sħab soċjali, 19 ta' Frar 2018
- 19/02/2018

Tagħrif għall-istampa

Kuntatti għall-istampa

Patrick McCullough Press officer
+32 471 33 38 46
+32 2 281 91 19

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.