Kunsill Ambjent

Kunsill Ambjent, 19/12/2016, 19 ta' Diċembru 2016

Riżultati ewlenin

Klima: tnaqqis tal-emissjonijiet

Il-Ministri ddiskutew ir-rieżami tal-iskema għall-iskambju ta’ kwoti ta’ emissjonijiet (ETS) u evalwaw il-progress li sar s'issa b'rabta ma' dan il-fajl. Abbażi ta' dan il-progress, il-Kunsill ser ikompli l-ħidma biex jistabbilixxi l-pożizzjoni ta' negozjar tiegħu.

Saru tħejjijiet fit-tul għal dan il-Kunsill li konna ttamajna li ser jilħaq qbil dwar approċċ ġenerali rigward ir-rieżami ta’ dan l-istrument importanti. Minkejja sforzi konsiderevoli, dan ma kienx possibbli minħabba n-nuqqas ta’ rieda politika, u issa r-responsabbiltà ser tkun f’idejn il-Presidenza Maltija, li ser tibni fuq il-progress sinifikanti li għamilna f’dawn l-aħħar sitt xhur, biex dan id-dossier jitmexxa 'l quddiem.
László Sólymos, Ministru Slovakk għall-Ambjent u president tal-Kunsill

L-ETS hija wieħed mill-istrumenti prinċipali tal-UE biex jitnaqqsu l-emissjonijiet ta' gassijiet b'effett ta' serra u biex jiġu rrispettati l-impenji tal-UE skont il-Ftehim ta' Pariġi.

Il-Kunsill ħares ukoll lejn is-sitwazzjoni attwali taż-żewġ proposti leġislattivi biex jitnaqqsu l-emissjonijiet fis-setturi mhux koperti mill-ETS: ir-regolament dwar il-qsim tal-isforzi u r-regolament dwar l-użu tal-art, it-tibdil fl-użu tal-art u l-forestrija (LULUCF).

Sustanzi kimiċi

Il-Kunsill adotta konklużjonijiet dwar il-ġestjoni tajba tas-sustanzi kimiċi. It-test jenfasizza l-ħtieġa li jinżamm livell għoli ta’ ħarsien tas-saħħa tal-bniedem u l-ambjent. L-għan huwa li jintbagħat messaġġ politiku fi żmien meta ċerta leġislazzjoni u ċerti miżuri f’dan il-qasam ser jiġu żviluppati jew rieżaminati.

Nilqa' l-adozzjoni llum mill-Kunsill ta’ konklużjonijiet dwar il-ġestjoni tajba tas-sustanzi kimiċi. Aħna tennejna l-importanza tas-7 Programm ta’ Azzjoni Ambjentali u stedinna lill-Kummissjoni biex tħejji strateġija favur ambjent mhux tossiku sal-2018. Dan huwa sinjal importanti tal-impenn tagħna favur is-saħħa taċ-ċittadini tagħna u l-kwalità tal-ambjent tagħna.
László Sólymos, Ministru Slovakk għall-Ambjent u president tal-Kunsill

Konklużjonijiet tal-Kunsill dwar il-ħarsien tas-saħħa tal-bniedem u l-ambjent permezz ta’ ġestjoni tajba tas-sustanzi kimiċi

Dokumenti tal-laqgħat

Dokumenti ta' eżitu

Riżultati tal-votazzjonijiet tal-laqgħa

Stqarrijiet għall-istampa

Official controls along the agri-food chain: one step closer to adoption
19/12/2016

Tagħrif għall-istampa

Kuntatti għall-istampa

Peristera Dimopoulou Press officer
+32 471 33 53 26
+32 2 281 61 56
@eri_dimopoulou

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.