Kunsill Ambjent

Kunsill Ambjent, 28/02/2017, 28 ta' Frar 2017

Riżultati ewlenin

Sistema għan-negozjar ta' emissjonijiet

Il-Kunsill qabel dwar il-pożizzjoni ta’ negozjar tiegħu għar-rieżami tas-sistema għan-negozjar ta’ emissjonijiet (ETS). L-ETS hija waħda mill-għodod prinċipali tal-UE biex jitnaqqsu l-emissjonijiet ta' gass b'effett ta' serra. Ir-rieżami ser jikkontribwixxi għall-mira tal-UE li tnaqqas l-emissjonijiet tagħha b’tal-inqas 40% sal-2030, skont l-impenn fil-Ftehim ta’ Pariġi dwar it-tibdil fil-klima.

“Dan huwa importanti għalina, għall-pjaneta tagħna u għall-ġenerazzjonijiet futuri. Il-Ftehim ta’ Pariġi kien kisba storika, iżda għandna bżonn ngħaddu mill-kliem għall-azzjoni. Funzjonament aħjar tal-ETS ser ikompli jnaqqas aktar l-emissjonijiet. L-UE qiegħda twettaq il-wegħdiet tagħha, għax jinteressaha li lkoll ikollna ġejjieni aħjar.”
Jose A. Herrera, Ministru għall-Ambjent ta’ Malta u President tal-Kunsill

Riforma tal-iskema tal-UE għall-iskambju tal-kwoti tal-emissjonijiet

Żvilupp sostenibbli

Il-ministri ddiskutew ukoll kif ser tiġi implimentata fil-prattika l-Aġenda 2030 għall-Iżvilupp Sostenibbli, b'enfasi partikolari fuq l-implikazzjonijiet tagħha għall-politika ambjentali tal-UE. Huma indirizzaw, pereżempju, kif iċ-ċittadini u s-settur privat jistgħu jiġu involuti aħjar. Din id-diskussjoni ser tikkontribwixxi għat-tħejjijiet tal-konklużjonijiet tal-Kunsill f’Ġunju.

“Ekoloġizzazzjoni” tas-Semestru Ewropew - Rieżami tal-implimentazzjoni ambjentali

Fil-kuntest tal-proċess tas-Semestru Ewropew, il-ministri kellhom skambju ta’ fehmiet dwar l-istħarriġ annwali dwar it-tkabbir 2017 u r-rwol tal-iżvilupp sostenibbli u l-ambjent. Huma ddiskutew ukoll ir-rieżami tal-implimentazzjoni ambjentali, għodda ġdida biex jiġu indirizzati l-lakuni fl-implimentazzjoni tal-leġislazzjoni u l-politika ambjentali.

Dokumenti tal-laqgħat

Dokumenti ta' eżitu

Stqarrijiet għall-istampa

Tagħrif għall-istampa

Kuntatti għall-istampa

Peristera Dimopoulou Press officer
+32 471 33 53 26
+32 2 281 61 56
@eri_dimopoulou

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.