"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri ddiskutew il-koordinazzjoni tal-politika fiskali għall-2023, bil-ħsieb li jiġi salvagwardjat l-irkupru ekonomiku fiż-żona tal-euro. Il-Grupp tal-Euro ħareġ dikjarazzjoni.
Il-Grupp tal-Euro evalwa wkoll is-sitwazzjoni ekonomika li qed tirriżulta mill-aggressjoni militari tar-Russja kontra l-Ukrajna u żviluppi makroekonomiċi ewlenin oħra li jinfluwenzaw l-ippjanar baġitarju għall-2023.
Minħabba l-inċertezzi u r-riskji, jeħtieġ li nibqgħu aġli u flessibbli fir-rispons politiku tagħna. Il-Grupp tal-Euro ser jaħdem mill-qrib mal-Kummissjoni fil-ġimgħat u x-xhur li ġejjin biex jagħmel dan. Tennejna l-qbil tagħna li nżommu pożizzjoni fiskali ta' appoġġ għal din is-sena. Għall-ġejjieni, qbilna li l-irkupru ekonomiku ser iwitti t-triq għal evoluzzjoni gradwali fil-politika fiskali, li twassal għal pożizzjoni fiskali ġenerali ġeneralment newtrali fl-2023 għaż-żona tal-euro. Ninsabu lesti li naġġustaw il-politiki tagħna jekk l-iżviluppi ekonomiċi jirrikjedu li nagħmlu dan.
Paschal Donohoe, President tal-Grupp tal-Euro
Greċja – it-13-il rapport dwar is-sorveljanza msaħħa
Il-Grupp tal-Euro ddiskuta t-tlettax-il rapport dwar is-sorveljanza msaħħa fir-rigward tal-Greċja. Il-qafas ta' sorveljanza msaħħa għall-Greċja ġie attivat mill-Kummissjoni fil-11 ta' Lulju 2018, u daħal fis-seħħ f'Awwissu 2018.
Ir-rapporti ta' sorveljanza msaħħa trimestrali jippermettu monitoraġġ mill-qrib tas-sitwazzjoni ekonomika, fiskali u finanzjarja u tal-impenji ta' politika ta' wara l-programm, kif maqbula mill-Grupp tal-Euro ta' Ġunju 2018.
Ninsabu sodisfatti bil-progress li sar mill-awtoritajiet Griegi minkejja l-isfidi ppreżentati mill-pandemija.
Paschal Donohoe, President tal-Grupp tal-Euro
Punti ewlenin mil-laqgħa tal-Grupp tal-Euro tal-14 ta' Marzu li saret fi Brussell
Format inklużiv
Unjoni Bankarja - sitwazzjoni attwali
Il-ministri ddiskutew it-triq 'il quddiem biex jintlaħaq qbil dwar pjan ta' ħidma għall-elementi pendenti kollha tal-Unjoni Bankarja, qabel is-Summit tal-Euro ta' Marzu.
Id-diskussjonijiet tagħna daħlu fis-sustanza ta' pjan ta' ħidma li l-mexxejja tagħna talbuna nagħmlu. Ressaqt approċċ gradwali b'erba' flussi ta' ħidma u ninsab kuntent nirrapporta li b'mod ġenerali l-kollegi tiegħi kkonfermaw li dan l-approċċ huwa bażi kredibbli għal aktar diskussjonijiet.
Paschal Donohoe, President tal-Grupp tal-Euro
Tħejjija għas-Summit tal-Euro ta' Marzu
Il-Grupp tal-Euro ħejja s-Summit tal-Euro li ser isir fl-24 u l-25 ta' Marzu 2022.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ninsabu sodisfatti bil-progress li sar mill-awtoritajiet Griegi minkejja l-isfidi ppreżentati mill-pandemija.
