"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Edukazzjoni, Żgħażagħ, Kultura u Sport (Edukazzjoni), 08/11/2019, 8 ta' Novembru 2019
Riżultati ewlenin
Edukazzjoni
Abbażi ta' dokument ta' diskussjoni tal-presidenza, il-ministri għall-finanzi u għall-edukazzjoni kellhom dibattitu pubbliku fuq is-suġġett li ġej: "Bażi ekonomika b'saħħitha għall-Ewropa: il-kisba tal-effettività, l-effiċjenza u l-kwalità tal-edukazzjoni u t-taħriġ". Din kienet l-ewwel opportunità biex il-ministri għall-finanzi u għall-edukazzjoni jagħmlu skambju ta' fehmiet dwar l-importanza tal-kapital uman bħala l-pedament tal-benessri tal-Ewropa. Id-diskussjoni enfasizzat l-ambizzjoni tal-Kunsill Ewropew biex iżid l-investiment fil-ħiliet u l-edukazzjoni tan-nies.
L-edukazzjoni u t-taħriġ huma wħud mill-aħjar investimenti li tista' tagħmel soċjetà. L-investiment fl-edukazzjoni jiġġenera benessri u impjiegi, u jrawwem tkabbir sostenibbli. Biex tinbena Ewropa aktar b'saħħitha għandna bżonn niżguraw li kulħadd ikollu aċċess għal edukazzjoni ta' kwalità għolja tul ħajjithom.
Li Andersson, Ministru għall-Edukazzjoni tal-Finlandja
Il-ministri għall-edukazzjoni kellhom dibattitu waqt l-ikla ta' nofsinhar dwar il-kura u l-edukazzjoni bikrija tat-tfal.
Il-Kunsill adotta konklużjonijiet dwar ir-rwol ewlieni tal-politiki dwar it-tagħlim tul il-ħajja fl-emanċipazzjoni tas-soċjetajiet biex tiġi indirizzata t-transizzjoni teknoloġika u ekoloġika b'appoġġ għat-tkabbir inklużiv u sostenibbli.
Il-ministri adottaw riżoluzzjoni dwar l-iżvilupp ulterjuri taż-Żona Ewropea tal-Edukazzjoni. Ir-riżoluzzjoni tindirizza r-rwol tal-edukazzjoni u s-sistemi tat-taħriġ orjentati lejn il-futur fil-kuntest tad-diskussjonijiet li għaddejjin dwar il-futur tal-Ewropa kif ukoll fl-implimentazzjoni tal-Aġenda Strateġika l-Ġdida tal-UE 2019-2024 adottata mill-Kunsill Ewropew f'Ġunju 2019.
L-intelliġenza artifiċjali fl-edukazzjoni u t-taħriġ
Il-ministri kellhom ukoll dibattitu dwar ir-rwol tal-intelliġenza artifiċjali (IA) fl-edukazzjoni u t-taħriġ abbażi ta' dokument ta' diskussjoni tal-presidenza.
Id-delegazzjoni Slovena tat informazzjoni lill-ministri dwar il-proposta tagħha li jiġi stabbilit iċ-Ċentru Internazzjonali ta' Riċerka dwar l-Intelliġenza Artifiċjali (IRCAI) taħt l-awspiċji tal-UNESCO.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-edukazzjoni u t-taħriġ huma wħud mill-aħjar investimenti li tista' tagħmel soċjetà. L-investiment fl-edukazzjoni jiġġenera benessri u impjiegi, u jrawwem tkabbir sostenibbli. Biex tinbena Ewropa aktar b'saħħitha għandna bżonn niżguraw li kulħadd ikollu aċċess għal edukazzjoni ta' kwalità għolja tul ħajjithom.
