Kunsill Affarijiet Barranin, 22/06/2015, 22 ta' Ġunju 2015

Riżultati ewlenin

Migrazzjoni

Il-Kunsill nieda l-operazzjoni navali tal-UE li tfixkel il-mudell kummerċjali tal-faċilitaturi ta' dħul klandestin ta' persuni fil-Mediterran. EUNAVFOR Med hija element wieħed tar-rispons komprensiv tal-UE għall-isfida tal-migrazzjoni. Id-deċiżjoni tippermetti l-bidu tal-ewwel fażi tal-operazzjoni, li tiffoka fuq is-sorveljanza u l-valutazzjoni tal-faċilitazzjoni ta' dħul klandestin ta' persuni u n-netwerks tat-traffikar ta' persuni. 

Il-miri ta’ din l-operazzjoni mhumiex il-migranti, il-miri huma l-faċilitaturi ta' dħul klandestin u t-traffikanti ta' persuni, dawk li qegħdin jagħmlu l-flus fuq il-ħajja u ħafna drabi fuq il-mewt tal-migranti. EUNAVFOR Med hija parti mill-isforzi tagħna biex insalvaw il-ħajjiet.”   Ir-Rappreżentant Għoli għall-Affarijiet Barranin u l-Politika ta' Sigurtà, Federica Mogherini

Ir-Rappreżentant Għoli għall-Affarijiet Barranin u l-Politika ta' Sigurtà, Federica Mogherini, qalet: “Il-miri ta’ din l-operazzjoni mhumiex il-migranti, il-miri huma l-faċilitaturi ta' dħul klandestin u t-traffikanti ta' persuni, dawk li qegħdin jagħmlu l-flus fuq il-ħajja u ħafna drabi fuq il-mewt tal-migranti. EUNAVFOR Med hija parti mill-isforzi tagħna biex insalvaw il-ħajjiet.” 

Russja

Il-Kunsill estenda r-restrizzjonijiet ekonomiċi tal-UE għar-rwol tar-Russja fid-destabbilizzazzjoni tal-Ukrajna tal-Lvant sal-31 ta’ Jannar 2016. Dan isegwi qbil fost il-mexxejja tal-UE li jgħaqqdu d-durata ta' dawn is-sanzjonijiet mal-implimentazzjoni sħiħa tal-ftehimiet ta' Minsk, li hija prevista sal-31 ta' Diċembru 2015.

• Outcome of the Council meeting